Swedish Idols ရဲ့ season 14 မှာ ကရင်လူငယ်တဦးဖြစ်တဲ့ Ki Soe က ၀င်ရောက်ယှဉ်ပြိုင်နေပြီး မြန်မာလူမှုကွန်ရက်မှာလည်း သူက ရေပန်းစားနေပါတယ်။
Ki Soe ဟာ အသက် ၄ နှစ်အရွယ်ကတည်းကနေ ဆွီဒင်နိုင်ငံကို မိဘတွေနဲ့အတူ ရောက်ရှိအခြေချနေထိုင်တာဖြစ်ပြီး ထိုင်း-မြန်မာနယ်စပ် မယ်လဒုက္ခသည်စခန်းကနေ သွားရောက်ခဲ့တာဖြစ်ပါတယ်။
Ki soe ဟာ မယ်လဒုက္ခသည်စခန်းမှာပဲ မွေးဖွားခဲ့သူဖြစ်ပြီး ဆွီဒင်နိုင်ငံကိုရောက်နေတာ ၁၃ နှစ်ရှိပြီဖြစ်ပါတယ်။ သူဟာ သီချင်းဆိုတာ ၀ါသနာပါလို့ အခုလို ဆွီဒင်အိုင်ဒေါ့လ်မှာ ၀င်ရောက်ယှဉ်ပြိုင်ခဲ့ရတာဖြစ်ပြီး အခု ၁၃ ယောက် စာရင်းမှာ ရှိနေတယ်လို့ Ki Soe က ပြောပါတယ်။
“ကျနော်က သောကြာနေ့တရက်ဆိုရင် သီချင်းဆိုရတယ်။ သူများတွေက ကျနော့်ကို vote ပေးရင်တော့ ကျနော့် ၁၂ ရက်စာရင်းမှာ ပါလာမှာပေါ့နော်။ ကျနော်နောက်အဆင့်တွေ ပါမယ်ဆိုရင်တော့ ဒီဇင်ဘာလအထိ သီးချင်းဆိုရတယ်။”
သူ့အနေနဲ့ ဆွီဒင်အိုင်ဒေါ့လ်ကို အခုနှစ် ဧပြီလကတည်းက ၀င်ရောက်ယှဉ်ပြိုင်ခဲ့ ရတာဖြစ်ပြီး အဆင့်ဆင့် ၀င်ရောက်ယှဉ်ပြိုင်ခဲ့ရာ အခု Top 13 အထိ ရောက်ရှိလာရတာ လို့လည်း ပြောပါတယ်။
သူဟာ မယ်လဒုက္ခသည်စခန်းကနေ မွေးဖွားလာခဲ့တာဖြစ်ပြီး အခု အသက် ၁၇ နှစ်ရှိပါတယ်၊ သူ့ကို ဆက်လက်အားပေးဖို့လည်း ပြောဆိုခဲ့ပါတယ်။
ဆွီဒင်အိုင်ဒေါလ့်ဟာအပတ်စဉ် သောကြာနေ့တွေမှာ သီချင်းဆိုယှဉ်ပြိုင်ရတာဖြစ်ပြီး ဆွီဒင်နိုင်ငံရဲ့ TV4 မှာ ထုတ်လွင့်နေတာဖြစ်ပါတယ်။
