အိန္ဒိယ-မြန်​မာနယ်​စပ်​ အမှတ်​ (၁) ဂိတ်​နဲ့ (၂)ဂိတ်​အကြား ပဲတန်းပေါက်အနီး ခိုက်​ရန်​ ဖြစ်​ပွားမှုကြောင့် နှစ်နိုင်ငံပဋိပက္ခမဖြစ်စေဖို့ လုံခြုံရေးတိုးမြှင့်ထားရတယ်လို့ တမူးမြို့နယ် ​​အထွေထွေအုပ်​ချုပ်ရေးမှူး ဦးမျိုးမင်း​အောင်​က ပြောပါတယ်။

“ဆိုင်ကယ်က ဆိုင်ကယ်ချင်းလမ်းမှားပြီးတော့ သူတို့ဘက်က ဘယ်ဘက်ကမောင်းတာ ကျနော်တို့ဘက်က ညာဘက်ကမောင်းတာ။ လမ်းမှားပြီး တိုက်မိကြတာ။ တယောက်နဲ့ တယောက် ရန်ဖြစ်ပြီး ခဲတွေနဲ့ပေါက်ကြတာ။ ဒီနေ့ကစပြီး ကျနော်တို့က လုံခြုံရေးအရ ညစဉ်ပတ်ဆို့ ရှာဖွေမှုတွေ ရှိမယ်။ ရဲတပ်ရင်း လုံခြုံရေးကို တိုးမြင့်ဆောင်ရွက်သွားမယ်”လို့ ထွေအုပ် ဦးမျိုးမင်းအောင်က ပြောပါတယ်။

စက်​တင်​ဘာ ၁၇ ရက်​က တမူးမြို့ ပဲတန်း​ပေါက်​အနီးမှာ စန္ဒကူးရပ်​ကွက်​​နေ ဝါဆို​အောင်​ (၁၈)နှစ်​ ကျပမ်းလုပ်ကိုင်သူဟာ ဆိုင်​ကယ်​နဲ့ အမှတ် ​(၁) ဂိတ်​မှ (၂) ဂိတ်​ သွားရာလမ်းအတိုင်း ယာဘက်​ကပ်ေ​မာင်းနှင်​လာစဉ်​ ပဲတန်း​ပေါက်​အ​ရှေ့အ​ရောက်မှာ အိန္ဒိယနိုင်​ငံ မိုး​ရေးမြို့ ရပ်​ကွက်​ (၄)​နေထိုင်​သူ ဦးအွန်​ခို​ထောင်​ဘိုင်​တီး ​မောင်းနှင်​လာ​တဲ့ ဆိုင်​ကယ်​နဲ့ ချိတ်​မိပြီး လဲကျသွားခဲ့တာပါ။

ဒီနောက် ဦးအွန်​ခို​ထောင်​ဘိုင်​တီးက မောင်​ဝါဆို​အောင်​အား လက်​သီးနဲ့ ထိုးနှက်​ရာ ​မောင်​ဝါဆို​အောင်​က​ ရှောင်​​တိမ်းထွက်​သွားခဲ့​ပြီး  ​မိုး​ရေးမြို့ဘက်​မှ တမူးမြို့ဘက်​သို့လမ်း​ လျှောက်​ပြန်​လာတဲ့ တန့်​ဆည်​မြို့​​ မင်္ဂလာဒုံရပ်​ကွက်​နေသူ ကို​ဇော်​မင်း (ခ)​ လေးအိုး​ကျော်​​ဆွေ ကို ဦးအွန်​ခို​ထောင်​ဘိုင်​တီး အပါအ၀င် ၅ ဦးလောက် ဝိုင်းဝန်းထိုးကြိတ်​တဲ့အတွက် ဦး​ခေါင်း​ နောက်​​စေ့​ပေါက်​ပြဲ ဒဏ်​ရာနဲ့ ယာလက်​ဖျံပွန်းပဲ့ဒဏ်​ရာများရရှိကာ တမူးမြို့ပြည်​သူ့​ဆေးရုံသို့  တင်​ပို့ ကုသနေပြီး လူစုလူ​ဝေးဖြစ်​​ပေါ်ခဲ့​တာပါ။

တမူးမြို့ခံ ကို​မောင်​သားက “အပြန်​အလှန်​​တော့ မဟုတ်​​ဘူး။ သူတို့က မြန်​မာ​ဆေးသမားကို အရင်​ရိုက်​တယ်​။ ပြီး​တော့ ဆိုင်​ကယ်​သမားကို ထိုးတယ်​။ ဒါကို ဂိတ်​ကဆိုင်​ကယ်​သမား​တွေက မ​ကျေနပ်​လို့ လုပ်​ကျတယ်​။ ရိုက်​တဲ့​ကောင်​က အထဲထွက်​​ပြေး တယ်​။ သူတို့ဘက်​က တားဆီး နှိမ်​နင်း​ရေးအဖွဲ့က အဲ​လောက်​ထိ ​ရိုက်​နှက်​တာ​တော့ နှစ်​ဖက်​နိုင်​ငံ ဆက်​ဆံ​ရေးအ​နေနဲ့ ကြည့်ရင်​ မသင့်တော်​​ဘူး။ နည်းနည်းပါးပါး ဆုံးမလွှတ်​လိုက်​ ပြီးတာပဲ။ ခုဟာက ​မေ့လဲ​နေ​အောင်​ထိ ရိုက်​နှက်​ထားတာ။”လို့ ပြောပါတယ်။

သတင်း - ဂေါင်ဂေါင်