မ​ကွေးတိုင်း ပြည်​သူ့​ဆေးရုံကြီးမှာ အခုနှစ်​အတွင်း ​သွေးလွန်​တုပ်​​ကွေး​ရောဂါ လူနာ ၅၀၀ ​ကျော်​ တက်​​ရောက်​​ဆေးကုသခဲ့ရာမှာ ​သေဆုံးသူ ၁၂ ဦးရှိပြီး ပြီးခဲ့တဲ့နှစ်တွေထက် ပိုများတယ်လို့ တိုင်းဆေးရုံအုပ်ကြီးက ပြောပါတယ်။

တိုင်း​ဆေးရုံအုပ်​ကြီး ​ဒေါက်​တာမြတ်​စိုးက "​သွေးလွန်​တုပ်​ကွေး​ရောဂါနဲ့ ၂၀၁၆ ခုနှစ်​မှာ ၁၀၀ ​ကျော်​နဲ့ ​သေဆုံးသူ ၂ ဦးရှိပါတယ်​။ ၂၀၁၇ ခုနှစ်​မှာ ၆ဝဝ ​ကျော်​၊ ​သေဆုံးသူ ၁၂ ​ယောက်​​လောက်​ရှိပါတယ်​။ ၂၀၁၈ ခုနှစ်​ ဇူလိုင်​လထိ ၅၄၇ ​ယောက်​နဲ့ ​သေဆုံးသူ ၁၂ ​ယောက်​ရှိ​နေပြီး ယခင်နှစ်တွေထက် ပိုမိုများပြားလာတယ်။ များလာတာကလည်း ဆရာ ဆရာမ​တွေနဲ့​ ဆေးရုံကြီးကို ပိုမိုအားကိုးလာတာ​ကြောင့်လား၊ ပြည်​သူ့ကျန်းမာ​ရေးဌာနက ခြင်​အန္တရာယ်​ကာကွယ်​မှု နည်းပါးလို့လားဆိုပြီး နှစ်​ပိုင်းရှိတယ်​၊ ​ဆေးရုံကြီးအ​နေနဲ့က​တော့ ကုသ​ရေးပိုင်းပဲ ​ဆောင်​ရွက်​တာဖြစ်​တယ်​” လို့ ​ပြောပါတယ်​။

အခုနှစ်​ဇူလိုင်​ ၁ လအတွင်း သုံးရာ​ကျော်​​လောက်​ တက်​​ရောက်​ကုသပြီး ၄ ဦး​ သေဆုံး ခဲ့ကာ ​တောင်​တွင်းကြီးနဲ့ မ​ကွေးမြို့နယ်​​တွေက ​ရောဂါဖြစ်​ပွားနှုန်း အများဆုံးဖြစ်​တယ်​လို့ ဆိုပါတယ်​။

“မိဘ​တွေကို မှာချင်​တာက ​မွေးကင်းစက​နေ အသက်​ ၁၄ နှစ်​ထိ ​အေဒီးခြင်​ အကိုက်​မခံရ​အောင်​ ဂရုစိုက်​ဖို့ လိုအပ်​တယ်​။ ခြင်​မခို​အောင်းနိုင်​​အောင်​ ဘုရား​​ညောင်​ရေ​၊ ​သောက်​​တော်​​ရေ ပုံမှန်​လဲ​ပေးတာတို့၊ တကိုယ်​ရည်​ သန့်​ရှင်း​ရေးနဲ့ ပတ်​ဝန်းကျင်​ သန့်​ရှင်း​ရေး​ တွေ လုပ်​​ဆောင်​ဖို့ တိုက်​တွန်းချင်​တယ်​။ ကျန်းမာရေး အ​လေ့ထ​ကောင်း​တွေ လုပ်​​ဆောင်​ခြင်း ဖြင့် ခြင်​​ကြောင့်ဖြစ်​တဲ့ တခြား​ရောဂါ​တွေပါ ကာကွယ်​နိုင်​မှာဖြစ်​တယ်​" လို့ ဆေးရုံအုပ်က ပြောပါတယ်​။

သတင်း-မင်းထီး