အချိန်ညနေ (၆) နာရီ၊ မန္တလေးမှ မူဆယ်သို့သွားမည့် လိုင်းကားတစီးပေါ်တွင် အသက် (၂၅) နှစ်အရွယ် နန်းမွေခမ်းတယောက် လိုက်ပါခဲ့သည်။
ညအချိန်တွင် နန်းမွေခမ်းထိုင်ခုံ၏ အနောက်တွင်ထိုင်သည့် အမျိုးသားတဦးက ခြေထောက်ဖြင့် သူမအား ထိတို့သကဲ့သို့ လက်ဖြင့်လည်း ပခုံးကို လာရောက်ထိတို့မှုများ စတင်ပြုလုပ်လာသည်။
သို့သော် နန်းမွေခမ်းကတော့ ရှက်စိတ်ဖြင့် မည်သူကိုမှ မပြောပြရဲဘဲ သည်းခံပြီး လိုက်ပါခဲ့ရသည်။
“ကျမက ကားပြတင်းပေါက်နားမှာ ထိုင်တာ။ ကျမနောက်တည့်တည့်မှာတော့ အမျိုးသားတယောက် ထိုင်တယ်။ သူက ကျမခုံကြားထဲ ခြေထောက်နဲ့ထိုးပြီး ကျမတင်ပါးကို လာလာထိတယ်။ အစက မတော်တဆလို့ ထင်ခဲ့တယ်" ဟု နန်းမွေခမ်းတယောက် ကြုံခဲ့ဖူးသည့် အဖြစ်အပျက်ကို ပြန်လည် ပြောပြနေခြင်း ဖြစ်သည်။
ဆက်လက်ပြီး နန်းမွေခမ်းက “နောက် ဘယ်လောက်အတင့်ရဲလာလဲဆိုရင် လက်နဲ့ ပခုံးကို လာပုတ်တာ၊ ခြေထောက်နဲ့ ကလိတာတွေ လုပ်တယ်။ ကျမလည်း ညဘက်ဆိုတော့ ဘာမှ ပြန်မပြောရဲဘူး။ တချက်တချက်တော့ ကျမ ချောင်းဆိုးသလိုတော့ အသံပြုလိုက်တယ်” ဟု သူမက ထိုညက ဖြစ်ပျက်ခဲ့သည်ကို စဉ်းစားပြီး ပြန်ပြောပြသည်။
အမျိုးသားတဦးက သူမကို ထိကပါးရိကပါး ပြုလုပ်ခဲ့ပေမယ့် သူမအနေဖြင့် မည်သူ့ကိုမျှ သွားရောက် မတိုင်ကြားခဲ့သလို မည်ကဲ့သို့ ပြန်လည်တုံ့ပြန်ရမည်ကိုလည်း မသိရှိသဖြင့် မဝံ့မရဲဖြင့် ငြိမ်နေခဲ့ရသည်ဟု နန်းမွေခမ်းက ဆိုပါသည်။
“ကျမ ဘာမှမတုံ့ပြန်ခဲ့ရဘူး။ ဘယ်လိုတုံ့ပြန်ရမှန်းလည်း မသိဘူး။ ပြောရမှာလည်း ရှက်တယ်။ မပြောထွက်ခဲ့ဘူး” ဟု နန်းမွေခမ်းက ပြောသည်။
ထိုကဲ့သို့ ဖြစ်ပျက်ပြီးနောက်ပိုင်းမှာတော့ ခရီးသွားလျှင် မလုံခြုံတော့သလို ခံစားရပြီး ကားပေါ်မှာ အိပ်ခြင်း၊ စိတ်လွတ်လက်လွတ်ထိုင်ခြင်းများ မပြုလုပ်ရဲတော့ကြောင်းလည်း နန်းမွေခမ်းက ထပ်လောင်းပြောသည်။
“ခရီးသွားရမှာ ကားစီးရမှာ အလိုလိုကြောက်နေတယ်။ ကိုယ့်နောက်မှာ ယောကျာ်းတွေထိုင်ရင် မလုံခြုံတော့ဘူး။ ကားလက်မှတ်ဝယ်ရင်လည်း ဘေးခုံနဲ့ နောက်ခုံမှာ ယောက်ျားမဖြစ်ဖို့နဲ့ ဆုတောင်းနေရတယ်” ဟု နန်းမွေခမ်းတယောက် လက်ရှိခံစားနေရသော ခံစားချက်ကို ရင်ဖွင့်သည်။
မြန်မာနိုင်ငံတွင် နေထိုင်သည့် အမျိုးသမီးများကို လူမသိသူမသိ ကာယိနြေ္ဒ ထိပါးစော်ကားမှုများ နေ့စဉ်နှင့်အမျှ ပြုလုပ်နေမှုကြောင့် အမျိုးသမီးများ၏ နေ့စဉ် ခရီးသွားလာမှုမှာ လုံခြုံမှုမရှိကြောင်း အမျိုးသမီးအရေး ဆောင်ရွက်သူတွေက ပြောဆိုထားသည်။
ထို့နည်းတူ ယခုနှစ် ဇူလိုင်လအတွင်း တောင်ငူမှ ရန်ကုန်သို့ လာမည့် လိုင်းကားပေါ်တွင် မသဲကိုတယောက် တင်ပါးကို လာထိတာခံရပြီး ကားသမားကို ပြောပြသော်လည်း ဖြေရှင်းပေးမှုများ မပြုလုပ်ပေးခဲ့ပေ။
“ကျမ တောင်ငူကနေ ရန်ကုန်ကို နေ့ကားနဲ့ပြန်လာချိန် ကျမနောက်ခုံက အမျိုးသားတယောက်က ကျမတင်ပါးကို လာတို့တာတွေ ထိတာတွေ လုပ်တယ်” ဟု မသဲကိုက ပြောပြသည်။
“ကျမလည်း မလုပ်ဖို့ ပြောတော့ ကျမကို အဲဒီအမျိုးသားက အရှက်ရအောင် ပြန်အော်ပါတယ်” ဟု မသဲကိုက သူမ ကြုံခဲ့ရသည့်ဖြစ်စဉ်ကို ပြန်လည်ပြောပြသည်။
မသဲကိုက သူမထိုင်ခုံကို အနောက်သို့လှန်ချထားပြီး သူမနောက်တွင်ထိုင်သည့် အမျိုးသားတဦးက ရည်ရွယ်ချက်ရှိရှိဖြင့် (၂) ကြိမ်တိတိ လာရောက်ထိခဲ့ကြောင်း ပြောပြသည်။
လူတယောက်အနေဖြင့် မတော်တဆ ထိမိခဲ့ပါက “အစ်မရေ ညီမရေ မတော်တဆထိမိလို့ တောင်းပန်ပါတယ်၊ စသဖြင့် ပြောဆိုလို့ရပါတယ်” ဟု သူမကဆိုသည်။
သို့သော် မသဲကိုကို ကာယိနြေ္ဒထိပါးခဲ့သည့် အမျိုးသားကမူ ထိုကဲ့သို့ မပြောဆိုသည့်အပြင် “ဘာအချိုးတွေ လာလုပ်နေတာလဲ” ဟု ရင့်သီးစွာ ပြန်ပြောခဲ့ပါသည်။ “မသိရင် ကျမကပဲ ဇာတ်လမ်းဆင်တဲ့ပုံစံမျိုး ဖြစ်နေတယ်” ဟု သူမ ကြုံခဲ့ရတာကို ထပ်မံပြောဆိုသည်။
အမျိုးသမီးများကို ကာယိနြေ္ဒ ထိပါးနှောင့်ယှက်တတ်သည့် အမျိုးသားအများစုသည် အမျိုးသမီးများက ပြန်လည်တုံ့ပြန်သည့်အခါ အမျိုးသမီးများကို အရှက်ရအောင် ပြန်လည်အော်ငေါက်သည့်နည်းကို အသုံးပြုတတ်ကြသည်။
“ကားပေါ်မှာလည်း လူတွေရှိပါတယ်။ အားလုံးက ထိုင်ခုံမှာထိုင်ပြီး ကြည့်နေကြပါတယ်။ တယောက်မှလည်း ဝင်မပါကြဘူး။ အဲဒီမှာ ကျမက ကားသမားကို အနောက်ကနေ လာထိနေ တို့နေတယ်။ ကာယိနြေ္ဒပျက်အောင် လုပ်နေတယ်။ ရဲစခန်းကို မောင်းပေးပါလို့ ပြောတော့ သူတို့က ကျမကို ရယ်(ရီ) နေသေးတယ်” ဟု မသဲကိုက ကြုံတွေ့ရသည်များကို ပြန်လည်ပြောပြသည်။
အမျိုးသမီးတယောက်အနေဖြင့် အကူအညီတောင်းကာ ရဲစခန်းကို မောင်းပေးရန် ပြောဆိုခဲ့သော်လည်း ကားသမားက “ခရီးသည်တွေ အများကြီးနဲ့ အလုပ်လုပ်နေတာ။ ခင်ဗျားအတွက်နဲ့ ခရီးသည်တွေအားလုံး ဒုက္ခရောက်ကုန်မယ်ဆိုပြီး ပြောပါတယ်” ဟု မသဲကိုက ပြောပြသည်။
ခရီးသည်အချင်းချင်းလည်း အကူအညီပေးမှု မရှိသည့်အပြင် “ကျမကို ပြဿနာမဟုတ်ဘဲ ပြဿနာရှာတယ်ဆိုတဲ့ ပုံစံနဲ့ ကြည့်ကြပါတယ်။ ထိတာပဲ ဘာဖြစ်လဲဆိုတဲ့ ပုံစံတွေနဲ့ ကျမကိုကြည့်နေကြတယ်” ဟု မသဲကိုက ဆိုသည်။
ခရီးသည်များထံ အခကြေးငွေများ ယူဆောင်ထားပြီး ပြေးဆွဲနေသည့် မော်တော်ယာဉ်များအနေဖြင့် ယခုလို လက်လွတ်စပယ် ပြောဆိုသည့် စိတ်ဓာတ်ကို အံ့သြမိကြောင်း၊ ခရီးသည်များ ပြဿနာဖြစ်သည့်အခါ ကားပေါ်မှဆင်းသွားရန် ပြောဆိုသည်ကိုလည်း အံ့သြမိကြောင်း မသဲကိုက ဆိုသည်။
မသဲကို ပြောဆိုသကဲ့သို့ ကားသမားက ရဲစခန်းကို မမောင်းပေးဘဲ သူလိုရာခရီးကိုသာ ဆက်မောင်းခဲ့သည်။
သို့သော် မသဲကိုက ကားပေါ်တွင် ဖြစ်ပွားခဲ့သည့် ပြဿနာကို အွန်လိုင်းပေါ်တွင် တင်လိုက်သည့်အခါ မသဲကို၏ အသိမိတ်ဆွေများက လမ်းခရီးရှိ ရဲစခန်းသို့ အကြောင်းကြား တိုင်ကြားပေးခဲ့သည်။
ရဲများက အမြန်လမ်း မိုင်တိုင် (၅၂) တွင် ကားကို လာရောက်တားသည့်အခါ “ကျမ ကားပေါ်ကနေဆင်းပြီး ကျူးလွန်သူကို လက်ညှိုးညွှန်ပြလိုက်တယ်။ ကျမနဲ့ အဲဒီလူကို ရဲက သစ်နီရဲကင်းကို ခေါ်သွားပါတယ်” ဟု မသဲကိုက ဆိုသည်။
ထိုသို့ အခက်အခဲ ကြုံနေချိန်တွင် မသဲကိုတယောက် မိမိ၏ အိမ်ထောင်ဘက်ထံ ဖုန်းဆက်ပြောကြားခဲ့သော်လည်း ခင်ပွန်းသည်ကိုယ်တိုင်က စိတ်လျော့ခိုင်းကာ သူမကို ပြဿနာရှာသူတယောက် အဖြစ်သာ မြင်ကြောင်း သူမက ပြန်ပြောပြသည်။
“ကျမဘက်ကို ရပ်တည်မယ့်သူက ကျမယောက်ျားတောင် မရှိပါဘူး” ဟု မသဲကိုက ဝမ်းနည်းစွာဖြင့် ပြန်ပြောသည်။
ကားပေါ်မှ ဆင်းလာချိန်တွင်လည်း လူလတ်ပိုင်းအရွယ် အမျိုးသမီးတဦးက “အသားလေး ထိတာများ ပဲ့ပါသွားတာမှတ်လို့” ဆိုသည့်စကားကို ပြောဆိုနေခဲ့သည်ဟု မသဲကိုက ဆက်လက်ပြောပြသည်။
ဖြစ်စဉ်ကိုကြည့်လျှင် မြန်မာလူမျိုးများသည် အမျိုးသမီးတဦးကို ကာယိနြေ္ဒထိပါးမှု ပြုလုပ်သည်ကို ဖြစ်ရိုးဖြစ်စဉ်ဟုသာ များသောအားဖြင့် ထင်မြင်ယူဆနေကြသည်ကို တွေ့မြင်ရမည်ဖြစ်သည်။
မြန်မာနိုင်ငံရှိ အမျိုးသမီးများ၏ ခန္ဓာကိုယ်ကို အမျိုးသားများက ထိကိုင်စော်ကားမှု ပြုသည့်အခါ အမျိုးသားများကို ပြစ်တင်ပြောဆိုခြင်းထက် အမျိုးသမီးများကို ကဲ့ရဲ့ဝေဖန်မှုက ပိုများနေသည်။
အမျိုးသမီးများ ကာယိနြေ္ဒစော်ကားခံရလာပါက အမျိုးသမီးများမှာ ထုတ်ဖော်ပြောကြားရန် အခြေအနေမပေးခြင်း၊ လူ့အသိုင်းအဝန်းက ဖေးမမှု မရှိခြင်းတို့ကြောင့် အများစုက ထုတ်ဖော်ပြောဆိုမှု မရှိကြောင်း အမျိုးသမီးရေး တက်ကြွဆောင်ရွက်သူများက မှတ်ချက်ပြု ပြောဆိုကြသည်။
မြန်မာနိုင်ငံတွင် အမျိုးသမီးများ တယောက်တည်း ခရီးသွားလာရခြင်းသည် မည်သည့်နေရာမှ မလုံခြုံကြောင်း၊ မိမိနေရပ်နှင့် ဝေးသည့်အရပ်ကို သွားရမည်ဆိုပါက အဖက်ဖက်မှ အန္တရာယ်နှင့် အချိန်မရွေး ရင်ဆိုင်ကြုံတွေ့နိုင်ကြောင်း မြန်မာအမျိုးသမီးသတင်းသမားများအဖွဲ့ (Myanmar Women Journalists Society) မှ မသူဇာက ပြောသည်။
“အဝေးပြေးကားပေါ်မှာတောင် လုံခြုံမှုမရှိတဲ့ အခြေအနေ။ ကျမဆို တယောက်တည်း ခရီးသွားရင် အမြဲတမ်း တဦးတည်းထိုင်ခုံနဲ့ပဲ သွားချင်တယ်။ ဘာလို့ဆို ဘေးမှာ အမျိုးသားတဦးဦး လာထိုင်မှာ တအားကြောက်တယ်။ အခုဆို ရှေ့ရော နောက်မှာပါ အမျိုးသားတဦးဦး ပါလာဖို့ ကြောက်နေရပြီ” ဟု သူဇာက ပြောသည်။
ဆက်လက်ပြီး ကားပေါ်တွင် အမျိုးသမီးများကို ကာယိနြေ္ဒထိခိုက်အောင် လုပ်ဆောင်ပါက အဝေးပြေးကားဂိတ်များ၊ ကုမ္ပဏီများအနေဖြင့် ယာဉ်မောင်းများနှင့် ယာဉ်အကူများကို မည်ကဲ့သို့ ကူညီဆောင်ရွက်ပေးရမည်ကို အသိပညာပေးမှုများ အများကြီး လုပ်ပေးရန် လိုအပ်ပြီး ပြဿနာ ဖြစ်လာပါက ရဲစခန်းသို့ မောင်းပေးရန် ကားသမားများတွင် တာဝန်ရှိသည်ကို သိရှိထားရန်လိုအပ်ကြောင်း သူဇာက မှတ်ချက်ပြုသည်။
မြန်မာနိုင်ငံတွင် အဝေးပြေးကားများ၊ လိုင်းကားများပေါ်တွင် ကာယိနြေ္ဒ ထိခိုက်စော်ကားခံရပါက မည်သို့ကာကွယ်ရမည်ကို သိရှိသော်လည်း လက်တွေ့တွင် အကောင်အထည်ဖော်ရန် ခက်ခဲနေကြောင်း၊ ထိုကိစ္စနှင့်ပတ်သက်ပြီး ကားသမားနှင့် ယာဉ်နောက်လိုက်တွေပါ ပူးပေါင်းဆောင်ရွက်ရန် လိုအပ်ကြောင်း Legal Aid Project မှ စီမံကိန်း မန်နေဂျာ တရားလွှတ်တော်ရှေ့နေ ဦးငိုင်ဆာ့ခ်က ပြောပါတယ်။
“အဝေးပြေးကားပေါ်မှာ အမျိုးသမီးတွေ ကာယိနြေ္ဒ ထိခိုက်စော်ကားခံရရင် ကားသမားနဲ့ ယာဉ်နောက်လိုက်တွေက ပူးပေါင်းဆောင်ရွက်မှု မရှိဘူး။ အလုပ်ခံရရင်၊ ကျူးလွန်ခံရရင်၊ အမှုဖွင့်ဖို့ ရဲစခန်းကို ကားမောင်းပေးတာမျိုး ကူညီပေးရမှာ။ အခုက အဲဒါမျိုးမရှိဘူး” ဟု ဦးငိုင်ဆာ့ခ်က ဆိုသည်။
မည်သူမဆို မိန်းမတဦးရဲ့ ကာယိနြေ္ဒကို စော်ကားရန် ကြံရွယ်၍ ပြောဆိုခြင်း၊ အသံပြုခြင်း၊ ကိုယ်အမူအရာ ပြုလုပ်ခြင်း၊ အရာဝတ္ထုတခုခုကို ပြသခြင်းများသည် ပြစ်မှုဆိုင်ရာ ဥပဒေပုဒ်မ (၅၀၉) မိန်းမတို့ရဲ့ ကာယိနြေ္ဒကို ထိခိုက်စေသော ပုဒ်မအဖြစ် ထောင်ဒဏ် (၂) နှစ်၊ ငွေဒဏ်နှင့် ဒဏ် (၂) ရပ်လုံး ချမှတ်နိုင်သည်ကို အမျိုးသမီးများ သိရှိထားရန် လိုအပ်ပါသည်။
အမျိုးသမီးများအနေဖြင့် လိုင်းကားများ၊ အဝေးပြေးကားများပေါ်တွင် ပြဿနာတခုခု ဖြစ်ခဲ့ပါက ကြောက်ရွံ့စိတ်မဖြစ်ဘဲ ရဲရဲဝံ့ဝံ့ပြောဆိုပြီး အကူအညီတောင်းရန်နှင့် ကူညီသူ မရှိခဲ့လျှင်တောင် မိမိဘာသာ ကာကွယ်နိုင်အောင် ကြိုးစားရန် လိုအပ်ကြောင်း၊ ထိုသို့ပြုလုပ်မှသာ အနာဂတ်တွင် အမျိုးသမီးများ ထိုသို့ ဘေးအန္တရာယ်တွေ့မှုများ လျော့ပါးသွားစေမည်ဖြစ်သည်ဟုလည်း အမျိုးသမီးရေး တက်ကြွလှုပ်ရှားသူများက ပြောဆိုလိုက်သည်။
နန်းဆိုင်နွမ်
(hiburma.net ဝက်ဘ်ဆိုက်မှ ပြန်လည်ဖော်ပြသည်။)
