“တည်တည်ကြည်ကြည် ပုံစံနဲ့ဆိုတော့ ညီမက မထင်မိဘူးလေ။ ကုမ္ပဏီမှာဆို ညီမက ကိုယ့်အလုပ်ကိုယ်လုပ်ဖို့ပဲ စိတ်ဝင်စားတယ်။ တရက်ကတော့… အလုပ်ကိစ္စ ပြောစရာရှိလို့ဆိုပြီး ညီမကို သီးခြားခေါ်တွေ့တယ်။ ဒါပေမယ့် ရုံးဆင်းချိန်ကျော်နေပြီ။ တခြားရုံးသူရုံးသားတွေလည်း ပြန်ကုန်ကြပြီ။ ရုံးခန်းတွေလည်း ပိတ်နေပြီ။ ညီမကို လက်တွေကိုင်၊ ပခုံးတွေကိုင်နဲ့…၊ အဲဒီလို စကားမပြောပါနဲ့လို့ ဆိုတော့… သူဌေးက မင်းအသား ပဲ့ပါသွားလို့လားတဲ့”
“ဘတ်စ်ကားကျပ်ရင်… အရင်ဆုံး ဂရုစိုက်ရတာက ခါးပိုက်နှိုက်နဲ့ လက်သရမ်းသူတွေပဲ။ ကိုယ့်အနား တအားတိုးလာပြီဆိုရင်… ဘာလို့လဲလို့ စဉ်းစားရပြီ။ တရက်က YBS 4 လိုင်းကား စီးသွားတယ်။ ရုံးချိန်ဆိုတော့… ကားကလည်း ကြပ်လိုက်တာ၊ ညီမနောက်ဘက်ကနေ တအားဖိကပ်ပြီး ယောက်ျားတယောက်က ခါးကိုပါ ဖက်မလိုအထိ ဖြစ်တယ်။ ဒေါသဖြစ်လိုက်တာလေ…။ ဒါနဲ့ ရှေ့ကို ရအောင်တိုးတယ်၊ သူကပါ လိုက်တိုးတယ်။ ဒေါသဖြစ်ဖြစ်နဲ့ ‘ရှင်… ဘာလုပ်တာလဲ’ လို့ အော်လိုက်တော့မှ ရပ်သွားတယ်”
“မကြီးရယ်… ညီမက သတင်းထောက်တယောက်ပါ။ သတင်းထောက်မို့ တောင်ငူကနေ ရန်ကုန် ပြန်အလာ၊ အဝေးပြေး ခရီးသည်တင်ယာဉ်ပေါ်မှာ ဖြစ်တာ။ ညီမထိုင်ခုံရဲ့ နောက်ခုံက ခရီးသည်အမျိုးသားတဦးက ညီမတင်ပါးကို လက်နဲ့ မထိတထိ လာလုပ်တယ်။ ညီမက ‘ဘာလို့ အဲဒီလိုလုပ်တာလဲ’ လို့ မေးတော့ သူက ‘နင် ဘာလုပ်ချင်တာလဲ၊ ဘယ်လိုေ-ာက်ချိုးနဲ့ လာမေးနေတာလဲ၊ ဘာဖြစ်ချင်လဲ’ လို့ဆိုတယ်။ ကားသမားကလည်း ရဲစခန်းကို မောင်းမပေးနိုင်ဘူးတဲ့။ ဒါနဲ့ Facebook ပေါ်တင်ပြီး ကျမနဲ့သိတဲ့ တခြားသတင်းသမားတွေကို အကူအညီတောင်းတော့မှ… ဘောနီအမြန်လမ်းမကြီး ရဲစခန်းက သစ်နီရဲကင်းကနေ ကားကိုတားပြီး စစ်ခဲ့တာပါ”
အခုပြောခဲ့တာက မတူညီတဲ့ နယ်ပယ်က အမျိုးသမီးသုံးဦးရဲ့ “လိင်ပိုင်းဆိုင်ရာ နှောင့်ယှက် စော်ကားခံရမှုတွေနဲ့ ပတ်သက်တဲ့ ရင်ဖွင့်သံတွေ” ပါ။ လုပ်ငန်းခွင်မှာ၊ လမ်းပေါ်မှာ၊ သွားလာ လှုပ်ရှားရာမှာ အမျိုးသမီးတွေအနေနဲ့ ကျင့်ဝတ်သိက္ခာမရှိတဲ့ တချို့သော ယောက်ျားတွေရဲ့ လိင်ပိုင်းဆိုင်ရာ နှောင့်ယှက်မှုနဲ့ တွေ့ကြုံနေရပါတယ်။ ဒါဟာ အမျိုးသမီးတွေရဲ့ဘဝ လုံခြုံမှုနဲ့ ပတ်သက်ပြီး မေးခွန်းတွေကိုပါ ထွက်ပေါ်စေပါတယ်။
“မေမဒီ” ဟာ နာမည်နဲ့လိုက်အောင် ချောမောလှပသူတဦးဖြစ်ပြီး ခရီးသွားလုပ်ငန်းနဲ့ ပတ်သက်တဲ့ ကုမ္ပဏီတခုမှာ အလုပ် လုပ်ကိုင်နေသူပါ။ ရုပ်ရည်ချောမောပြီး ယောက်ျားလေးတွေနဲ့ အရောတဝင် နေတတ်သူ မဟုတ်ပါဘူး။ သူမမှာ ချစ်သူရှိပေမယ့် အလုပ်ချိန် ပြင်ပမှာသာတွေ့ပြီး အလုပ်နဲ့ ကိုယ်ရေးကိုယ်တာကိုပါ ခွဲခြားထားသူပါ။ တရက်မှာတော့ သူမရဲ့သူဌေးက ဖုန်းဆက်ပါတယ်။ ကုမ္ပဏီရဲ့ ရှေ့လုပ်ငန်းစဉ်တွေနဲ့ ပတ်သက်ပြီး တိုင်ပင်ဆွေးနွေးစရာရှိလို့ဆိုပြီး အကြောင်းပြပါတယ်။
“ပုံမှန်ရုံးဆင်းချိန်က ညနေ ၅ နာရီခွဲ။ ဆရာလာမယ်၊ ခဏစောင့်ပါဆိုတော့… ညီမက စောင့်ရနိုး၊ မစောင့်ရနိုးနဲ့ပေါ့။ ဒါပေမယ့် ကုမ္ပဏီအတွက်ဆိုတော့ ညီမလည်း ဘော့စ်ဆိုတော့ မဖြစ်မနေ စောင့်ရတော့တယ်။ ညီမတဦးတည်းအတွက်တင် မကဘူး… ကုမ္ပဏီရဲ့ ရှေ့လုပ်ငန်းစဉ် ဆိုတော့ ညီမ မဖြစ်မနေ စောင့်ရတော့တာပဲ အစ်မရယ်။ ဒီလိုနဲ့ ဘော့စ်လည်း ရောက်လာတယ်၊ ပထမတော့… ကုမ္ပဏီနဲ့ပတ်သက်တာတွေ ပြောပါတယ်။ ရှေ့ဆက်လုပ်ဆောင်မယ့် အလုပ်ကိစ္စတွေလည်း ပါပါတယ်။ အဲဒီအချိန်အထိ အေးအေးဆေးဆေးပဲ။ နောက်နာရီဝက်လောက်လည်း ကြာရော ဘော့စ်က ‘မေမဒီက ချောလိုက်တာ…၊ ကိုယ့်ကို စိတ်မဝင်စားဘူးလား’ လို့ ညီမရဲ့ ပခုံးကိုကိုင်ပြီး ပြောလာတယ်။ မေမဒီဟာ အံ့သြတုန်လှုပ်မိပေမယ့် အကောင်းဆုံး တုံ့ပြန်နိုင်ခဲ့ပါတယ်။
“ဆရာက ကျမရဲ့ အလုပ်ရှင်ပါ။ ကျမမှာ ချစ်သူရှိတယ်။ ဆရာ့ကို ကျမ စိတ်မဝင်စားပါဘူး။ လက်ကိုမကိုင်ပါနဲ့။ ကျမက မိကောင်းဖခင် သားသမီးပါ” လို့။
မေမဒီက သူမရဲ့ ကိုယ်ကျင့်တရားကို ထိန်းသိမ်းခဲ့ပေမယ့် ကံကြမ္မာက သူမကို မျက်နှာသာ မပေးခဲ့ပါဘူး။ ဘာဖြစ်လို့လဲဆိုတော့ အဲဒီကိစ္စဖြစ်ပြီး ၂ လလောက်အကြာမှာ ကုမ္ပဏီမှာ လူလျှော့တယ်ဆိုတဲ့ အကြောင်းပြချက်နဲ့ သူမကို အလုပ်က နုတ်ထွက်စေခဲ့လို့ပါပဲ။
“ညီမက စိတ်ဓာတ်မကျဘူး။ အခုဆို ညီမ ကျွမ်းကျင်တာက ဘာသာစကားမို့… အိမ်တွေမှာ အင်္ဂလိပ်စာ လိုက်သင်ပေးတယ်။ နောက်မှ ညီမ သိလိုက်ရတာက ဘော့စ်က သူ့အကြိုက် မလိုက်တဲ့သူတွေကို အနုနည်းနဲ့ ပ,ထုတ်ခဲ့တယ်ဆိုတာပဲ”
“မအေးသီတာချစ်” ကတော့ အစိုးရဝန်ထမ်းတဦး ဖြစ်ပြီး သူမနေထိုင်တဲ့ ယုဇနဥယျာဉ်မြို့တော်ကနေ မြို့ထဲကို နေ့စဉ် ရုံးတက်ရသူပါ။ မြို့ထဲကို ရောက်ဖို့ဆိုရင် YBS 4 ကို စီးရတာမို့… ဘတ်စကားပေါ်မှာ လိင်ပိုင်းဆိုင်ရာ နှောင့်ယှက်ခံရတာကို ပြန်ပြောပြပါတယ်။ သူမက အနည်းဆုံးတော့ သူမ လွယ်ထားတဲ့ အိတ်ထဲမှာ တွယ်ချိတ်ဆောင်ထားတယ်လို့လည်း ဆိုပါတယ်။
“ကျမက ရုံးဝန်ထမ်းဆိုတော့ ရုံးသွား၊ ရုံးပြန်ချိန်မှာဆို ကားကြပ်တာများတယ်။ အောက်ဆိုက်ကားကို ငွေ ၅၀၀ ကျပ်ပေးပြီး စီးလို့ရပေမယ့် အသွားအပြန် ၁၀၀၀ ကျပ်ဆိုတော့ ဝန်ထမ်းတယောက်အနေနဲ့ အမြဲမစီးနိုင်ဘူးလေ။ ကားပေါ်မှာ လူပေါင်းစုံဆိုတော့… နှမသားချင်း မစာနာသူက ပါလာတတ်တာပဲ။ မသိချင်ယောင်ဆောင် ငြိမ်ခံနေရင်လည်း ပိုဆိုးလာမှာလေ” လို့ ပြောပြတယ်။
သတင်းထောက် မသဲကိုကတော့ ရဲရင့်သတ္တိရှိသူ တယောက်မို့ ဟိုင်းဝေးဘတ်စကားလိုင်းပေါ်မှာ ကြုံခဲ့ရတဲ့ လိင်ပိုင်းဆိုင်ရာ နှောင့်ယှက်စော်ကားသူကို ရဲစခန်းရောက်အောင် ခေါ်ဆောင်သွားနိုင်ခဲ့ပါတယ်။ သူမကို အဲဒီလိုပြုမူသူက လှိုင်သာယာမြို့နယ်မှာ နေထိုင်တဲ့ အမျိုးသားတယောက်ဖြစ်ပြီး သူပြုမူခဲ့တာကို ဝန်ခံခဲ့တယ်လို့ သိရပါတယ်။ ကျူးလွန်သူက သူ့အမှားကို တောင်းပန်ပြီး ဝန်ခံခဲ့တာကြောင့် သတင်းထောက် မသဲကိုက ခံဝန်ထိုးခိုင်းတာလောက်ပဲ လုပ်စေခဲ့တယ်လို့ ဆိုပါတယ်။
ဒါပေမယ့် သူမ စီးနင်းခဲ့တဲ့ ယာဉ်မောင်းကနေ မသဲကိုကို ခြိမ်းခြောက်မှုတွေ ပြုလုပ်ခဲ့တာတွေကို နောက်ဆက်တွဲ တွေ့ကြုံခဲ့ရပြန်ပါတယ်။ ဒီကိစ္စနဲ့ပတ်သက်ပြီး မသဲကိုက “အမျိုးသမီးများရဲ့ စိတ်ဓာတ်ကို မုဒိမ်းကျင့် မခံရအောင် ကာကွယ်ပါ” ဆိုတဲ့ ဆောင်းပါးတပုဒ်ကို ဧရာဝတီသတင်းစာမျက်နှာမှာ ရေးသားခဲ့ပါတယ်။
“ကျမကြောင့် ခရီးသည်တွေ ခရီးစဉ်မှာ နှောင့်နှေးသွားတဲ့အတွက် တောင်းပန်ပါတယ်ရှင်။ ကျမရဲ့လုပ်ရပ်ဟာ ပုံကြီးချဲ့တယ်လို့ မြင်ချင် မြင်ကြမယ်။ တကယ်တော့ တခြားအမျိုးသမီးတွေကို ဒီလို ထပ်မစော်ကားရဲအောင်…၊ အမျိုးသမီးတွေကို တန်ဖိုးထားတတ်အောင် သင်ခန်းစာပေးတာပါ။ ကျမတို့ အမျိုးသမီးတွေကို တန်ဖိုးထားကြပါ” လို့ ပြောခဲ့ပြီး ကားပေါ်က ပြန်ဆင်းလာခဲ့သည်လို့ ဆောင်းပါးမှာ ရေးသားထားပါတယ်။ မသဲကိုဟာ ကလေးနှစ်ယောက်မိခင် ဖြစ်ပေမယ့် အမျိုးသမီးထုအပေါ် လိင်ပိုင်းဆိုင်ရာ နှောင့်ယှက်စော်ကားမှုကို ငုံ့မခံတဲ့ သတ္တိကို ပြသခဲ့တာလည်း ဖြစ်ပါတယ်။
Sexual Harassment လို့ခေါ်တဲ့ လိင်ပိုင်းဆိုင်ရာ နှောင့်ယှက်မှုတွေနဲ့ ပတ်သက်ပြီး အရပ်ဘက် အဖွဲ့အစည်းတွေ ဖြစ်ကြတဲ့ Gender Equality Network၊ ဖန်တီးအိမ် အပါအဝင် အဖွဲ့အစည်းများက ပြင်းထန်စွာ ရှုတ်ချကြောင်း သဘောထား ထုတ်ပြန်ချက်တွေ ထုတ်ပြန်ကြတာလည်း ရှိပါတယ်။ ဒီလိုတွေ့ကြုံလာရတဲ့အခါမှာ အမျိုးသမီးတွေအနေနဲ့ ရှက်ရွံ့လို့ ငုံ့ခံနေတာမျိုးက အခြေအနေကို ပိုမိုဆိုရွားသွားစေပါတယ်။
လူ့အခွင့်အရေး လှုပ်ရှားသူလည်းဖြစ်၊ လူမှုအခြေပြုဆောင်းပါးများ ရေးနေသူလည်း ဖြစ်တဲ့ ဒေါ်ဇာခြည်ညိမ်းက သူမရဲ့အမြင်ကို အခုလို ပြောပြပါတယ်။
“လိင်ပိုင်းဆိုင်ရာ ထိပါးနှောင့်ယှက်မှုပြုရာမှာ နှုတ်၊ ရုပ်ပုံ၊ သို့မဟုတ် အမြင်အာရုံနဲ့ ကိုယ်ထိလက်ရောက်ဆိုပြီး ခွဲခြားနိုင်ပါတယ်။ နှုတ်အားဖြင့်ဆိုရာမှာ ဝတ်စားဆင်ယင်ပုံကို လှောင်ပြောင်ပြောဆိုမှု၊ လူတဦးတယောက်ရဲ့ ကိုယ်ခန္ဓာ၊ လိင်စိတ်ကိုင်းညွတ်မှု၊ ကျား/မ ဖြစ်တည်မှုတို့အပေါ် လှောင်ပြောင်တဲ့ ဟာသတွေ၊ မှတ်ချက်ချပြောဆိုမှုတွေ ပါဝင်ပါတယ်”
အဲဒီတော့ အမျိုးသမီးတွေအနေနဲ့ ကိုယ့်အပေါ် လိင်ပိုင်းဆိုင်ရာ နှောင့်ယှက်မှုတွေကို ဘယ်လိုနေရာတွေမှာ တွေ့ကြုံနိုင်ရမလဲလို့ စဉ်းစားစရာ ဖြစ်လာပါတယ်။
အိမ်မှာ၊ အလုပ်ခွင်မှာ၊ လမ်းပေါ်မှာ၊ ပဋိပက္ခ ဖြစ်ပွားရာ နေရာတွေမှာ… စသဖြင့် နေရာစုံမှာ ဖြစ်နိုင်ပါတယ်။ ဥပမာ – တအိမ်တည်းမှာ နေထိုင်ကြတဲ့ မောင်နှမတွေကြားမှာတောင် အစ်ကိုဖြစ်သူက မိဘတွေမရှိခိုက်မှာ ညီမဖြစ်သူကို မဖွယ်မရာ လုပ်တာမျိုးတွေ ဖြစ်တတ်တဲ့သဘော ရှိပါတယ်။ တချို့မိဘတွေကလည်း အဲဒီလိုပြုမူတဲ့ သားဖြစ်သူကို ကြပ်ကြပ်မတ်မတ် မဆုံးမဘဲ သမီးမိန်းကလေးကိုသာ အနေအထိုင်မတတ်လို့ ဖြစ်ရသလို အပြစ်တင်တာတွေလည်း တွေ့နေရပါတယ်။
အမျိုးသမီးတွေအပေါ် လိင်ပိုင်းဆိုင်ရာ နှောင့်ယှက်မှုတွေကနေ ကာကွယ်ဖို့က အမျိုးသမီးတွေမှာသာ မကဘဲ အမျိုးသားတွေမှာပါ တာဝန်ရှိပါတယ်။ နှောင့်ယှက်စော်ကားမှုနဲ့ တွေ့လာရင် ငုံ့ခံမနေဘဲ တခုခုကိုတုံ့ပြန်တာ၊ ဒီထက်ပိုဆိုးလာရင် အမှုဖွင့်တိုင်ကြားတာ၊ အမျိုးသမီးအရေး လုပ်ဆောင်နေတဲ့ အဖွဲ့တွေကို အကြောင်းကြားတာမျိုး ပြုလုပ်သင့်ပါတယ်။
အမျိုးသမီးတွေအပေါ် ကာယအိနြေ္ဒပျက်ပြားအောင် လုပ်ဆောင်ခဲ့ရင် ပြစ်ဒဏ်လည်း ချမှတ်နိုင်ပါတယ်။ ရာဇသတ်ကြီး ဥပဒေပုဒ်မ (၃၅၄) အရ – အမြင့်ဆုံးပြစ်ဒဏ် ထောင်ဒဏ် (၂) နှစ်နှဲ့ ငွေဒဏ်ကို ချမှတ်နိုင်တာပါ။ ရှက်ရွံ့ပြီး တိုင်ကြားတာမျိုး မရှိခဲ့ရင်တော့… လိင်ပိုင်းဆိုင်ရာ နှောင့်ယှက်ချင်တဲ့ ယောက်ျားသားတွေအကြိုက် ဖြစ်သွားနိုင်တာကိုလည်း သတိပြုကြစေလိုပါတယ်။
“မအေးသီတာချစ်” ကတော့ အမျိုးသမီးတွေအနေနဲ့ အမူအရာနဲ့ပဲဖြစ်ဖြစ်၊ နှုတ်အားဖြင့်ပဲ ဖြစ်ဖြစ်၊ ကိုယ်ထိလက်ရောက်ပဲ ဖြစ်ဖြစ် နှောင့်ယှက်မှုတွေကို လက်မခံဖို့ အခုလို တိုက်တွန်းလိုက်ပါတယ်။
“ခေတ်ရဲ့အခြေအနေနဲ့ ရင်ပေါင်တန်းပြီး အလုပ်လုပ်နေရတာပါ။ တဆင့်နိမ့်ပြီး ညီမတို့ကို နှောင့်ယှက်တာကို ခံလိုက်ရင် နောက်တခါ နှောင့်ယှက်ဖို့ကို အခွင့်အရေးပေး၊ လက်လှမ်းခေါ်နေသလိုမျိုး ဖြစ်သွားပါလိမ့်မယ်။ ရတဲ့နည်းနဲ့ တုံ့ပြန်ပါလို့ ပြောချင်တယ်။ မိန်းကလေးတွေဟာ ယောက်ျားတွေရဲ့ အဖျော်ဖြေခံမဟုတ်ဘူး၊ တိုင်ကြားဖို့လိုလာရင် တိုင်ကြားကြပါ၊ ဒါမှ ညီမတို့ဘဝ လုံခြုံမှုရှိမှာပါ” လို့ ပြောပါတယ်။
သွေး (စစ်ကိုင်း)
(hiburma.net ဝက်ဘ်ဆိုက်မှ ပြန်လည်ဖော်ပြသည်။)
