စစ်တောင်းမြစ်ရေကြီးတဲ့အတွက် ဒီနေ့မနက် အစောပိုင်းကစပြီး တောင်ငူမြို့ အနိမ့်ပိုင်း ရပ်ကွက်တွေမှာ ရေဝင်ပြီး ရေကြီး ရေလျှံနေပါတယ်။
ဒီမနက် ၅ နာရီလောက်ကစပြီး အနိမ့်ပိုင်းရပ်ကွက်တွေမှာ ရေဝင်နေတာဖြစ်ပြီး ရေတက်မြန်တယ်လို့ ဒေသခံ ဦးစောဟေမူးထူးက ပြောပါတယ်။
တောင်ငူမြို့ စစ်တောင်းတံတား အရှေ့ဘက်ကမ်း ရပ်ကွက်တွေမှာ ရေဝင်ကာ ရေကြီး ရေလျှံနေတာဖြစ်ပြီး ကျောင်းတွေလည်း ပိတ်ထားသလို အမှတ် ၅ ကျောင်းမှာ ကယ်ဆယ်ရေးစခန်း ဖွင့်ထားတယ်လို့ ဆိုပါတယ်။
“အရှေ့ဘက်ကမ်းကျောင်းတွေ ပိတ်တယ်၊ မြို့ထဲက ကျောင်းတွေတော့ ဖွင့်တယ်။ အနိမ့်ပိုင်းတွေ အိမ်ထဲ ရေဝင်ကုန်ပြီ။ ဘယ်လောက်ဆိုတာ တိုင်းမရဘူးလေ။ တချို့နေရာဆို ခါးထိရောက်တယ်။ အနိမ့်အမြင့်မတူဘူး” လို့ ဦးစောဟေမူးထူးက ပြောပါတယ်။
မနေ့က ဖြစ်ပွားခဲ့တဲ့ ဆွာချောင်းရေလှောင်တမံ ရေပိုလွှဲကျိုးပေါက်ခဲ့လို့ ရေတာရှည် မြို့နယ်အတွင်း ဆွာမြို့အပါအဝင် ကျေးရွာ ၈၅ ရွာ ရေကြီးပြီး အိမ်ထောင်စု ၁၄၃၅၇ စုလူဦးရေ ၆၃၀၀၀ ကျော် ရေဘေးသင့်ခဲ့တာပါ။
ဆွာချောင်းရေကနေ ရေတွေ စစ်တောင်းမြစ်ထဲစီးဝင်ပြီး တောင်ငူမှာ ခုလိုရေကြီးတာလို့ ယူဆကြောင်း ဒေသခံတွေက ပြောပါတယ်။
