အမေရိကန်စူပါဟီးရိုး ရုပ်ရှင်ပရိသတ်တွေအကြိုက်တွေ့စေမယ့် Ant- Man and the Wasp ဆိုတဲ့ ရုပ်ရှင်ကားကို လာမယ့် ဇူလိုင်လ ၆ ရက်နေ့မှာ ရုံတင်ပြသတော့မှာ ဖြစ်ပါတယ်။

ဒီရုပ်ရှင်ကားဟာ Marvel Comics တွေကို ရုပ်ရှင်အဖြစ် ပြန်အသက်သွင်းထားတဲ့ ရုပ်ရှင် Series အနေနဲ့ ထွက်ရှိလာခဲ့တာဖြစ်ပြီး ဒီကားကိုတော့ လာမယ့် ၂ဝ၁၉ ခု နှစ်မှာ နောက်ထပ်ထွက်လာမယ့် Avengers ဇာတ်ကားနဲ့ ချိတ်ဆက်သွားမလို့လည်း ကြေညာထားပါတယ်။

ဒီရုပ်ရှင်ကားကိုတော့ အမေရိကန်ရုပ်ရှင် ဒါရိုက်တာ Peyton Reed က ရိုက်ကူးပုံ ဖော်ထားပြီး Marvel Studios က ထုတ်လုပ်ကာ Walt Disney Studio Motion Pictures က ဖြန့်ချိလိုက်တာပါ။

Marvel Comics ဇာတ်ကောင် Ant Man နေရာမှာတော့ အမေရိကန်မင်းသား Paul Rudd က သရုပ်ဆောင်ထားပြီး Supervillain ဇာတ်ကောင် Red Queen နေရာမှာ တော့ ကနေဒီယန်းမင်းသမီး Evangeline Lilly က အပြိုင်ပါဝင် သရုပ်ဆောင်ထားကာ ဘယ်လိုစွန့်စားခန်းတွေ၊ တိုက်ခိုက်မှုတွေနဲ့ ပုံဖော်ရိုက်ကူးထားမလဲဆိုတာကို ပရိသတ်တွေက မကြာခင်မှာ ကြည့်ရှုရတော့မှာပါ။

ဒီကားအထူးပွဲကိုတော့ ပြီးခဲ့တဲ့ ဇွန်လ ၂၅ ရက်နေ့မှာ ကနဦးပြသခဲ့ပြီး ချီးကျူးမှု တွေလည်း ရရှိထားတာ ဖြစ်ပါတယ်။

ကြာမြင့်ချိန် ၁၁၈ မိနစ်ရှိတဲ့ ဒီရုပ်ရှင်ကားကို Box Office က ရုံတင်တဲ့ ပထမ ပတ်မှာတင် ဝင်ငွေ ၆၉ သန်းက နေ သန်း ၈ဝ ထိ ရရှိနိုင်မယ်လို့ ခန့်မှန်းထားပါတယ်။