လီဗာပူးနောက်ခံလူဟောင်း ဒီဂျန်လိုဗရန်က အသင်းကနေ ထွက်ခွာတော့မဲ့ မိုဟာမက်ဆာလာ အပေါ် အင်္ဂလန်မီဒီယာတွေနဲ့ ဂျေမီကာရေဂါတို့ရဲ့ ဆက်ဆံပုံဟာ ရွံစရာကောင်းတယ်လို့ ပြင်းပြင်းထန်ထန် ဝေဖန်လိုက်ပါတယ်။
ဆာလာဟာ အခုရာသီမှာ ရုန်းကန်ခဲ့ရပြီး လိဂ်ဂိုး ၇ ဂိုးပဲ သွင်းနိုင်ခဲ့တာပါ။ ဒါ့အပြင် ပြီးခဲ့တဲ့အပတ်ကမှ ရာထူးကပြုတ်သွားတဲ့ နည်းပြ စလော့နဲ့လည်း ဆက်ဆံရေး ပျက်ပြားခဲ့ပြီး အခုနွေရာသီမှာ အသင်းကနေ ထွက်ခွာဖို့ ဆုံးဖြတ်ခဲ့တာ ဖြစ်ပါတယ်။
လိုဗရန်ကတော့ ကာရေဂါဟာ တီဗီထက်မှာ ပိုက်ဆံရဖို့အတွက်ပဲ လျှောက်ပြောနေတာဖြစ်ပြီး ဆာလာရဲ့မျက်နှာကို တည့်တည့်ပြောရဲမှာ မဟုတ်ဘူးလို့ ဆိုပါတယ်။
ဒါ့အပြင် နည်းပြစလော့သာ စောစောပြုတ်ခဲ့ရင် ဆာလာဟာ လီဗာပူးမှာ ၁၀၀ ရာခိုင်နှုန်း ဆက်ရှိနေမှာလို့ ဆိုပါတယ်။
စလော့ကပဲ ဆာလာကို အသင်းကထွက်အောင် တွန်းအားပေးခဲ့တာလို့ ဖွင့်ဟခဲ့ပါတယ်။ လက်ရှိမှာတော့ ဆာလာရဲ့ အနာဂတ်အတွက် ကလပ်အသင်း အများအပြားက စောင့်ကြည့်နေကြပါတယ်။
