အမ်းမြို့နယ်မှာ တောရိုင်းတိရစ္ဆာန်တွေရဲ့ အစိတ်အပိုင်းတွေ ဖမ်းဆီးရမိခဲ့တယ်လို့ ပြည်ထဲရေးက သတင်းထုတ်ပြန်ပါတယ်။

ဇွန် ၂၉ ရက် ညနေပိုင်းက ရဲတပ်ဖွဲ့ဝင်တွေနဲ့ အမ်းမြို့နယ်သစ်တောဦးစီးဌာန ပူးပေါင်းအဖွဲ့ဟာ အမ်းမြို့နယ်၊ ပျဉ်းတောရွာနေ ဦးအောင်ဝေ ရဲ့ နေအိမ်အား ဝင်ရောက် ရှာဖွေရာ ဝက်ဝံအရိုး ၂ ပိဿာခန့်၊ လိပ်ခွံ ၉ ခု၊ သင်းခွေချပ် (ခွံ) ၈၀ သားခန့်၊ တောဝက် (အစွယ်/အံ) ၆၀ သားခန့်၊ ဝက်ဝံအစွယ် ၁၅ ခု၊ ဝက်ဝံခေါင်း ၁ ခု၊ တောင်ဆိတ်ဂျို ၁ စုံ၊ ပြောင်ချို ၅ ခု၊ ဆတ်ချို ၇ ခု၊ တောဝက်သည်းခြေ ၅ ခု၊ တောကြောင် (အစွယ်/အံ) ၁၀ သားခန့်တို့အား သိမ်းဆည်းရမိခဲ့တယ်လို့ ဆိုပါတယ်။

ဦးအောင်ဝေ (ဖမ်းမိ) အား အမ်းမြို့မရဲစခန်းက (ပ) ၆၀/၂၀၁၈၊ ဇီဝမျိုးစုံကွဲနှင့် သဘာဝထိန်းသိမ်းနယ်များ ကာကွယ်စောင့်ရှောက်ခြင်းဆိုင်ရာ ဥပဒေပုဒ်မ ၄၀(က)/ ၄၁(က) နဲ့ အမှုဖွင့် စစ်ဆေးနေတယ်လို့ သိရပါတယ်။