အိန္ဒိယရဲ့ အရှေ့မြောက်ပိုင်းက မငြိမ်မသက်ဖြစ်နေတဲ့ မဏိပူရပြည်နယ်မှာ ကူကီးမျိုးနွယ်စုဝင် အမျိုးသမီးတွေက မီတီမျိုးနွယ်စုရဲ့ နေအိမ် ၄ လုံးကို မီးရှို့ခဲ့တယ်လို့ ဇူလိုင် ၁၁ ရက်မှာ စွပ်စွဲခံရပြီးတဲ့နောက် အကြမ်းဖက်မှုတွေ တကျော့ပြန် ဖြစ်နေပါတယ်။
ဒီဖြစ်ရပ်ဟာ အခုနှစ်အစောပိုင်းမှာ လူ ၁၈ ယောက် ပြန်ပေးဆွဲခံခဲ့ရတဲ့ အင်ဖာအနောက်ပိုင်းခရိုင် လိုင်လွန်ဗိုင်ဖေးရွာနားမှာ ဖြစ်ခဲ့တာပါ။
ပြန်ပေးဆွဲခံရသူ ၆ ယောက်ရဲ့ အပိုင်းပိုင်းဖြတ်တောက်ခံထားရတဲ့ ရုပ်ကြွင်းတွေကို ဇွန် ၁၀ ရက်မှာ ပြန်တွေ့ခဲ့ပါတယ်။
စီးပွားရေးအကျိုးခံစားခွင့်တွေ၊ အလုပ်အကိုင် ခွဲတမ်းတွေနဲ့ ပတ်သက်ပြီး မဏိပူရပြည်နယ်ရဲ့ ဟိန္ဒူလူများစု မီတီအသိုက်အဝန်းနဲ့ ခရစ်ယာန်လူများစု ကူကီးမျိုးနွယ်စုတွေကြား လူမျိုးရေးပဋိပက္ခဟာ ၂၀၂၃ ခုနှစ် မေလမှာ စတင်ခဲ့ပါတယ်။
မီးလောင်နေတဲ့ အိမ်တွေဟာ ၂၀၂၃ ခုနှစ် လူမျိုးရေးပဋိပက္ခတွေအတွင်း အရင်က ဘေးလွတ်ရာဆီ ရွှေ့ပြောင်းခဲ့တဲ့အိမ်တွေဖြစ်ပြီး မီးရှို့ခံရချိန်မှာ လူသူ ကင်းမဲ့နေခဲ့ပါတယ်။
၂၀၂၃ အကြမ်းဖက်မှုကြောင့် လူ ၂၆၀ လောက် သေဆုံးပြီး ၆၀,၀၀၀ ကျော် အိုးမဲ့အိမ်မဲ့ ဖြစ်ခဲ့ရပါတယ်။
Source: Reuters
