ကချင်စစ်ဘေးသင့် ပြည်သူတွေအတွက် ထောက်ပံ့ကူညီနိုင်ဖို့ ငြိမ်းချမ်းခြင်း သံစဉ်ည အကပဒေသာနဲ့ ဂီတဖျော်ဖြေပွဲကို မန္တလေးမြို့မှာ ကျင်းပခဲ့ပါတယ်။

ငြိမ်းချမ်းခြင်း သံစဉ်ည အကပဒေသာနဲ့ ဂီတဖျော်ဖြေပွဲကို ဇူလိုင် ၉ ရက်နေ့က မန္တလေးမြို့ Oriental House ခန်းမမှာ ကျင်းပခဲ့ပါတယ်။

ရန်ပုံငွေ အကပဒေသာဖျော်ဖြေပွဲမှာ ကချင်ရိုးရာအကတွေ၊ ကချင်မျိုးနွယ်စုဝတ်စုံတွေနဲ့ ခေတ်ပေါ် ဖက်ရှင်တွေ၊ Talents မော်ဒယ်တွေနဲ့ တေးသံရှင်တွေ သီဆိုဖျော်ဖြေမှုတွေ နဲ့ ဖျော်ဖြေတင်ဆက်ခဲ့ကြတာပါ။

ဖျော်ဖြေပွဲမှာ စုစုပေါင်း အလှူငွေ သိန်း ၁၆၀ ကျော်ရရှိထားပါတယ်။ အလှူငွေ ကျပ်သိန်းပေါင်း ၁၁၀ ကျော်နဲ့ အ၀တ်အစား၊ ဆေးဝါး စတဲ့ ပစ္စည်းအလှူကတော့ သိန်းပေါင်း ၅၀ ကျော်ရရှိထားပါတယ်။