မြန်မာပြည် ဒေသအနှံ့အပြားမှာ မိုးအဆက်မပြတ် ရွာသွန်းပြီး မြို့တွေ၊ နယ်တွေ အသီးသီးမှာ ရေကြီးမှုတွေနဲ့ တွေ့ကြုံနေရသလို ရခိုင်ပြည်နယ် မင်းပြားမြို့နယ်မှာလည်း ကျေးရွာ ၂၀ ကျော် ရေနစ်မြုပ်နေပါတယ်။
မင်းပြားမြို့နယ်က ပြည်နယ်လွှတ်တော်ကိုယ်စားလှယ် ဦးလှသိန်းအောင်က “မနေ့က ရေစတက်နေတယ်။ ဒီကနေ့မှာ လေးမြို့မြစ်ရဲ့ စိုးရိမ်အမှတ်ကို ရောက်နေပြီခင်ဗျ။ ရွာကတော့ ၂၀ ကျော် ရေနစ်မြုပ်နေပြီ။ မင်းပြားမြို့ ရပ်ကွက်တချို့တွေနဲ့ ကျေးရွာတွေမှာ နစ်မြုပ်နေတာပါ။ မင်းပြားမြို့ထဲမှာဆိုရင် ရေ ၂ ပေကနေ ၃ ပေအထိ တက်နေတယ်။ မင်းပြားမြို့နယ်၊ လေးမြို့ချောင်းနဲ့ ပန်းမြောင်းကြီးချောင်းဘက်တွေမှာ ဆိုရင် ရေ ၄ ပေအထိ တက်နေတယ်” လို့ ပြောပါတယ်။
မင်းပြားမြို့နယ် ပန်းမြောင်းကြီးချောင်း ကျေးရွာတွေဖြစ်ကြတဲ့ ဒုံးသား၊ ဆန်းဆိပ်၊ တံခွန်တိုင်၊ ကုလားမတောင်၊ ဝါးတောင်၊ မင်းဖူး၊ အသေကာလကျေးရွာနဲ့ ပုလဲတောင် ကျေးရွာတို့မှာလည်း ရေ ၄ ပေအထိ တက်နေတာပါ။
ဒါ့အပြင် မင်းပြားမြို့နယ် ဖုံသာချောင်းဘက်မှာလည်း မင်းတမ်းမ၊ လက်ခုပ်၊ စိတ္တရ၊ ကျောက်မော်၊ ဖုံသာချောင်း၊ သလူချောင်းကျေးရွာတွေမှာလည်း ရေ ၄ ပေကျော်ထိ တက်နေတယ်လို့ သိရပါတယ်။
ရေဘေးသင့်ပြည်သူတွေကို ကူညီကယ်ဆယ်ရေးတွေ လုပ်ဖို့ စီစဉ်နေတယ်လို့ မင်းပြားလွှတ်တော်ကိုယ်စားလှယ် ဦးလှသိန်းအောင်က ဒီဗွီဘီကို ပြောပါတယ်။
“ကျနော်တို့ သက်ဆိုင်ရာကတဆင့် ကျေးရွာက အုပ်ချုပ်ရေးမှူးတွေကို ညွန်ကြားစာ ပို့ထားပြီးပြီ၊ အဲဒီမှာ ကျေးရွာမှာ သက်ကြီးရွယ်အိုတွေနဲ့ ကလေးတွေကို နီးစပ်ရာ ဘုန်းတော်ကြီးကျောင်းနဲ့ စာသင်ကျောင်းတွေမှာ ပြောင်းရွှေ့ထားဖို့ ပြောထားပါတယ်။ အဲ့ဒီမှာ တောင်ကုန်းထက်မှာ ဆောက်လုပ်ထားတဲ့ ဘုန်းကြီးကျောင်းတွေ ရှိတယ်။ စာသင်ကျောင်းတွေ ရှိတယ်”လို့ ပြောပါတယ်။
ဒါ့အပြင် မိုးအဆက်မပြတ်ရွာသွန်း ရေကြီးမှုတွေကြောင့် မြောက်ဦး၊ ကျောက်တော်၊ ပုဏ္ဏားကျွန်း စတဲ့မြို့နယ်တွေမှာလည်း စာသင်ကျောင်းတချို့ကို ပိတ်ထားရပါတယ်။
ဝဏ္ဏခွာညို
