ထိုင်းနိုင်ငံကနေ ပြန်လာမယ့် ဒုက္ခသည်တွေနေထိုင်ဖို့အတွက် မြ၀တီခရိုင်၊ ဝေါလေမြိုင်မှာ အိမ်ရာတွေ ဆောက်လုပ်နေတာ ၈၅ ရာခိုင်နှုန်း ပြီးစီပြီလို့ ပြန်ကြားရေးသတင်းမှာ ဖော်ပြပါတယ်။

ကရင်ပြည်နယ်၊ မြ၀တီခရိုင် ဝေါလေမြိုင်မြို့ လော့ခေါ်ကျေးရွာ အုပ်စု အူးဟူးထကျေးရွာမှာ နီပွန် ဖောင်ဒေးရှင်းရဲ့ ထောက်ပံ့လှူဒါန်းငွေနဲ့ Lwin & Soe Brother ကုမ္ပဏီမှ တာဝန်ယူ တည်ဆောက်နေတာပါ။

ထိုင်းနိုင်ငံကနေ ပြန်လာမယ့် ဒုက္ခသည်တွေ လက်ခံဖို့အတွက် တန်ဖိုးနည်းအိမ်ရာ အလုံး ၅၀ ဆောက်လုပ်နေတာ ၈၅ ရာခိုင်နှုန်းပြီးစီးနေပြီလို့ ဆိုပါတယ်။

အိမ်ရာအဆောက်အအုံအရွယ် အစားမှာ အလျား ပေ ၄၀၊ အနံ ၂၂ ပေ၊ အမြင့် ၁၆ ပေရှိ Steel structure အုပ်ညှပ် တစ်ထပ်တိုက်ဖြစ်ပြီး အိမ်တစ်လုံးအတွက် ရန်ပုံငွေချထားပေးမှုမှာ ၁၂၃ သိန်း ဖြစ်သည်။

အဆိုပါ အိမ်ရာတွေမှာ အိပ်ခန်း နှစ်ခန်း၊ ဧည့်ခန်း တစ်ခန်း၊ မီးဖိုချောင် တစ်ခန်းနဲ့ ရေချိုးခန်းအိမ်သာတွဲလျက် တစ်ခန်းပါရှိပါတယ်။ အိမ်ရာတွေကို ဇွန်လမကုန်ခင် ၁၀၀ ရာခိုင်နှုန်းပြီးစီးအောင် ဆောင်ရွက်သွားမယ်လို့ ဆိုပါတယ်။