မန္တလေးမြို့၊ ချမ်းမြသာစည်မြို့နယ်၊ ၅၆-လမ်း၊ အောင်ဆန်းလမ်းထောင့် သန်းတရာ လက်ဖက်ရည်ဆိုင်မှာ မေ ၂၁ ညက လူ ၆ ယောက်ဝင်လာပြီး စားပွဲထိုး အလုပ်သမား ၂ ဦးကို ဓားနဲ့ခုတ်မှုဖြစ်ပွားခဲ့ပါတယ်။
မေလ ၂၁ ရက် ည ၁၁ နာရီကျော်က သန်းတရာ လက်ဖက်ရည်ဆိုင်ပိတ်အပြီး အိပ်ရာခင်းနေချိန်မှာ ဆိုင်ကယ် ၂ စီး၊ လူ ၆ ယောက်ဝင်လာပြီး ဘာမှ ပြောဆိုခြင်းမရှိဘဲ စားပွဲထိုး ၂ ဦးဖြစ်တဲ့ မောင်ကျော်မင်းနိုင်နဲ့ မောင်လင်းနောင်တို့ကို ဓားနဲ့ဝင်ခုတ်ပြီး ဖုန်းနဲ့အတူ ငွေ ၁ သောင်းကျော်ကို လုယူထွက်ပြေးသွားခဲ့တယ်လို့ ဓားခုတ်ခံခဲ့ရတဲ့ မောင်မင်းနောင်က ပြောပါတယ်။
ကံသာယာမှုခင်းကြိုတင်ကာကွယ်ရေးအင်အားစု ခေါင်းဆောင် ကိုသန်းထွန်းလေးက “ကျနော်တို့ မှုခင်းကြိုတင်ကာကွယ်ရေးအဖွဲ့ကို ည ၁၂ နာရီလောက်မှာ လှမ်းအကြောင်းကြားခဲ့ တာမို့ ကျနော်တို့အဖွဲ့က သွားရောက်ကူညီစစ်ဆေးပေးခဲ့ပြီး ၂၂ ရက်နေ့ ညမှာ ၅၃၊ ရွာလယ်လမ်းမှာ ကောင်လေး ၆ ယောက် အရက်သောက်နေတာကို တွေ့လို့ ခေါ်ယူ စစ်ဆေးပြီး ဓားခုတ်ခံရသူတွေကို ဒီ ၆ ယောက်ထဲမှာ ဓားနဲ့ ဝင်ခုတ်တဲ့သူတွေ ပါလားလို့ မေးမြန်းတော့ ပါတယ်လို့ ပြောတဲ့အတွက် ရဲစခန်းကို အပ်ခဲ့တယ်”လို့ပြောပါတယ်။
ဒါပေမယ့် အောင်ပင်လယ်ရဲစခန်းက အဆိုပါ ၆ယောက်ကို နောက်ပိုင်းမှာ ပြန်လွှတ်ပေးခဲ့တယ်လို့လည်း ကိုသန်းထွန်းလေးကပြောပါတယ်။
“တရားခံပါဆိုပြီး ဖမ်းပို့တဲ့လူတွေကို အောင်ပင်လယ်ရဲစခန်းအနေနဲ့ ပြန်လွှတ်ပေးလိုက်တာဟာ ပြန်မလွှတ်သင့်ပါဘူး။ တရားဥပဒေစိုးမိုးရေးအတွက် ဒီလူတွေကို မဖြစ်မနေ ဖမ်းဆီးအရေးယူသင့်ပါလျှက်နဲ့ ပြန်လွှတ်လိုက်တာဟာ တရားဥပဒေစိုးမိုးရေးကို စိန်ခေါ်ရာလည်း ရောက်ပါတယ်။ ရပ်ကွက်ပြည်သူတွေရဲ့ ပူးပေါင်းဆောင်ရွက်မှုကို မထီမဲ့မြင် လုပ်ရာလည်း ရောက်ပါတယ်”
ချမ်းမြသာစည်မြို့နယ် အောင်ပင်လယ်နယ်မြေရဲစခန်းမှူး ရဲအုပ်ခင်ဇော်ကတော့ သန်းတရာလက်ဖက်ရည်ဆိုင်မှာ ဖြစ်ခဲ့တဲ့ ဖြစ်စဉ်နဲ့ပတ်သက်ပြီး သံသယရှိတဲ့သူ ၆ ဦးကို ခေါ်ယူမေးမြန်းစစ်ဆေးနေတယ်လို့ ပြောပါတယ်။
“တရားခံမဟုတ်တဲ့သူကို တရားခံလို့ စွပ်စွဲမိခဲ့ရင် သူ့ဘက်က အရမ်းကို နစ်နာမယ်။ ဒါကြောင့် လုပ်ထုံးလုပ်နည်းနဲ့အညီ မျက်မြင်သက်သေတွေကို မေးမြန်းနေသလို ဓားခုတ်ခံရတဲ့ သူတွေကိုလည်း မေးမြန်းပြီး အမှုမှန်ကို အမြန်ဆုံး ပေါ်ပေါက်အောင် ဆောင်ရွက်နေပါတယ်။”
အဆိုပါ သံသယရှိတဲ့ ၆ ဦးကိုတော့ အပြင်းအထန်နာကျင်စေမှု ဥပဒေ ပုဒ်မ ၃၂၆၊ အားပေးကူညီထောက်ပံ့မှု ပုဒ်မ ၁၁၄ တို့နဲ့ အမှုဖွင့် ရမန်ယူထားပါတယ်။
