ဧရာဝတီတိုင်းဒေသကြီး မြန်အောင်ရေနံမြေ တွင်းအမှတ် ၁၇၂ မှ ရေနံစိမ်းတစ်နေ့ စည် ၁ဝဝ စတင်ထွက်ရှိနေပြီလို့ ပြန်ကြားရေးသတင်းမှာ ဖော်ပြပါတယ်။
လျှပ်စစ်နှင့် စွမ်းအင်ဝန်ကြီးဌာန မြန်မာ့ရေနံနှင့် သဘာဝဓာတ်ငွေ့လုပ်ငန်း ဧရာဝတီတိုင်း ဒေသကြီး မြန်အောင်မြို့နယ် မြန်အောင် ရေနံမြေ တွင်းအမှတ် ၁၇၂ မှ မေ ၁ဝ ရက်မှာ ရေနံစိမ်းတစ်နေ့ စည် ၁ဝဝ နဲ့ သဘာဝဓာတ်ငွေ့ ဝ ဒသမ ၁၉ ကုဗပေသန်း စတင်ထုတ်ယူနေပြီလို့ ဆိုပါတယ်။
မြန်အောင်ရေနံမြေမှာ ရေနံတွင်းပေါင်း ၁၇၃ တွင်းရှိကာ လက်ရှိ ရေနံတွင်း ၁၂ တွင်းမှ ရေနံစိမ်း ၂၇ စည်နဲ့ သဘာဝဓာတ်ငွေ့ ဝ ဒသမ ၁ ကုဗပေသန်း ထုတ်ယူနေပြီး ယခု တွင်းအမှတ် ၁၇၂ ကနေ ရေနံစိမ်းစည် ၁ဝဝ နဲ့ သဘာဝဓာတ်ငွေ့ ဝ ဒသမ ၁၉ ကုဗပေသန်း စတင်ထွက်ရှိခဲ့လို့ တနေ့ကို ရေနံစိမ်း ၁၂၇ စည်နဲ့ သဘာဝဓာတ်ငွေ့ ဝ ဒသမ ၂၉ ကုဗပေသန်း ထုတ်လုပ်နိုင်ပြီလို့ မြန်အောင်ရေနံမြေ အထွေထွေမန်နေဂျာ ဦးလှမျိုးထွန်းကပြောကြောင်း သတင်းမှာ ဖော်ပြထားပါတယ်။
ဧရာဝတီတိုင်းဒေသကြီး မြန်အောင်မြို့နယ်အတွင်းရှိ မြန်အောင်ရေနံမြေကို ၁၉၆၄ ခုနှစ်တွင် စတင်တွေ့ရှိခဲ့တာဖြစ်ပြီး နှစ်ပေါင်း ၅ဝ ကျော်သက်တမ်းရှိသော ရေနံမြေဖြစ်ပါတယ်။ ရေနံမြေဧရိယာမှာ အလျား ၅ မိုင်၊ အနံ ၁ ဒသမ ၅ မိုင် ကျယ်ဝန်းပြီး မိုင်အိုဆင်း သက်တမ်းရှိသော ကျောက်လွှာတွေအတွင်းရှိ ရေနံနဲ့ သဘာဝဓာတ်ငွေ့ကို သဲကြောတွေကနေ ထုတ်ယူရရှိနေတာလို့ သိရပါတယ်။
