စစ်ကိုင်းတိုင်း၊ ကသာမြို့မှာ မေလ ၁၈ ရက်နေ့က အမျိုးသမီး အိမ်တွင်းမှု သက်မွေးလုပ်ငန်း သင်တန်းကျောင်းဖွင့်ပွဲနဲ့ အခြေခံသင်တန်း အမှတ်စဉ်(၁) ကို ဖွင့်လှစ်ခဲ့ပါတယ်။
အမျိုးသမီးအိမ်တွင်း သက်မွေးမှု သင်တန်းကျောင်းကို ၂၀၁၇/၂၀၁၈ ဘဏ္ဍာရေးနှစ် ခွင့်ပြုရန်ပုံငွေ ကျပ်သန်းပေါင်း (၈၄၁.၈၅) သန်းကျပ် အကုန်ကျခံ ဆောက်လုပ်ခဲ့တာဖြစ်ပြီး နယ်စပ်ဒေသရှိ တိုင်းရင်းသူလေးများကို အိမ်တွင်းမှု သက်မွေးပညာရပ်များ သင်ကြားပေးဖို့နဲ့ သင်ကြားတတ်မြောက်တဲ့ အသက်မွေးဝမ်းကြောင်းပညာနဲ့ ကိုယ်ပိုင် စီပွားရေးလုပ်ငန်း ထူထောင်နိုင်တဲ့အထိ ရည်ရွယ် ဖွင့်လှစ်ပေးတာဖြစ်ကြောင်း နယ်လုံဝန်ကြီး ဗိုလ်မှူးကြီး ကျော်သန့်နိုင် က ပြောပါတယ် ။
“အသက် ၁၆ နှစ်ကနေ အသက် ၃၅ နှစ်အတွင်း အမျိုးသမီးတွေအနေနဲ့ ဒီသင်တန်းကို တက်ရောက်သင်ကြားနိုင်ပြီး သက်မွေးမှုပညာရပ်တွေ သင်ကြားပေးတဲ့အပြင် အိပ်စရာ၊ နေစရာနဲ့ စားနပ်ရိက္ခာတွေအတွက်ကိုပါ စီစဉ် ပေးသွားမှာဖြစ်ပြီး သင်တန်းသူ ၇၀ ကို သင်တန်းနည်း ပြဆရာမ ၇ ဦးတို့ က သင်တန်းကာလ ၃ လခွဲ သင်ကြားပေးမှာ ဖြစ်တယ်” လို့ ကျောင်းအုပ်ဆရာမကြီး ဒေါ်ကေခိုင်ဝင်းမြင့် က ဆိုပါတယ်။
အမျိုးသမီး အိမ်တွင်းမှုသက်မွေးလုပ်ငန်း သင်တန်းကျောင်းကို ယင်းမာပင်၊ ပုလဲ၊ ဆားလင်းကြီး၊ ခန္တီး၊ လေရှီုး၊ လဟယ်၊ နန်းယွန်း၊ ကသာ မြို့အပါအဝင် စစ်ကိုင်းတိုင်း ဒေသကြီးအတွင်းမှာ သင်တန်းကျောင်း ၈ ကျောင်း ကျောင်းဖွင့်လှစ်ပေးထားနိုင်ခဲ့ကြောင်း သိရပါတယ် ။
သီဟဆွေ-ကသာ
