ပုဂံညောင်ဦးအနီးရှိ ပလင်းကမ်းသာယာဆင်စခန်း ဝင်ငွေကောင်းနေ
DVB
·
May 17, 2018
ပုဂံညောင်ဦးဒေသအနားမှာရှိတဲ့ ပလင်းကမ်းသာယာဆင်စခန်းဟာ မြန်မာ့သစ်လုပ်ငန်းနဲ့ သစ်ထုတ်လုပ်ရေးဌာနမှာရှိတဲ့ ဆင်စခန်း ၁၈ ခုထဲမှ ဝင်ငွေ အကောင်းဆုံးဖြစ်တယ်လို့ ပလင်းကမ်း သာယာဆင်စခန်းမှ လက်ထောက်မန်နေဂျာရဲ့ ပြောဆိုချက်အရ သိရပါတယ်။
သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန လက်အောက်ရှိ မြန်မာ့သစ်လုပ်ငန်းနှင့် သစ်ထုတ်လုပ်ရေးအနေနဲ့ ဆင်စခန်း ၁၈ ခု ရှိရာမှာ မန္တလေးတိုင်း ညောင်ဦးမြို့နယ် မြင်းခြံ- ညောင်ဦး ကားလမ်းမဘေး အနီးရှိ ပလင်းကမ်းသာယာဆင်စခန်းဟာ ဝင်ငွေ အကောင်းဆုံးနဲ့ ဧည့်သည်ဝင်ရောက်မှု အများဆုံးဖြစ်နေတာပါ။
လက်ထောက်မန်နေဂျာ ဦးမျိုးမင်းက"ဆင်နဲ့ပတ်သက်တဲ့ အသိပညာနဲ့ ဆင်တွေကို ချစ်ခင်မြတ်နိုးလာစေဖို့ဆိုပြီး ရည်ရွယ်ချက်အတူ ပြည်တွင်းပြည်ပ ခရီးသွားတွေ စိတ် အပန်းဖြေအနားယူလည်ပတ်စရာ နေရာတခု ဖြစ်ပေါ်စေရန်အတွက် ခုလို ဖွင့်လှစ်ခဲ့တာ”လို့ ဒီဗွီဘီ ကို ပြောပါတယ်။
အကျယ်အဝန်း ၄ဒသမ ၁၈ ဧက ရှိတဲ့ ပလင်းကမ်းသာယာဆင်စခန်းဟာ ဧရာဝတီမြစ်ကမ်းနဘေးမှာ တည်ရှိပြီ မြင်းခြံကနေ လာရင် ၃၅ မိုင် ခရီး၊ ညောင်ဦးမှ လာရင် ၅ မိုင် ခရီးသာသွားရတာဖြစ်ပါတယ်။
စခန်းမှာ ဆင်အထီး ၃ ကောင်၊ အမ ၃ကောင်နဲ့ ၃ နှစ်အရွယ်ဆင်ထီးလေး တစ်ကောင် ရှိတာဖြစ်ပါတယ်။ ခရီးသွားတွေနားနေဖို့ တဲတန်းလျား ၁၃လုံးလောက် ပါဝင်ပြီး ဆင်တွေ ကျန်းမာရေးစောင့်ရှောက်ဖို့တော့ ဆင်ဆရာဝန် ၂ ဦး ထားရှိတယ်လို့ သိရပါတယ်။
လာမယ့် ပွင့်လင်းရာသီမှာ ဧရာဝတီမြစ်အလည် သောင်ပြင်ပေါ်မှာ လာလည်တဲ့ ဧည့်သည်တွေ အပန်းဖြေရေကူးဖို့နဲ့ အပန်းဖြေ နားနေတဲတွေ တိုးချဲ့ဆောက်သွားဖို့ရှိတယ်လို့ လက်ထောက်မန်နေဂျာ ဦးမျိုးမင်းကပြောပါတယ်။
ပလင်းကမ်းသာယာဆင်စခန်းကို ၂၀၁၈ မတ်လ ၂၈ ရက်က ဖွင့်လှစ်ခဲ့တာဖြစ်ပြီး နေ့စဉ် မနက် ၆ နာရီမှ ညနေ ၆ နာရီအထိဖွင့်လှစ်ကာ၊ ဝင်ကြေးကိုတော့ ပြည်တွင်းဧည့်သည် တစ်ဦးကို ၁၀၀၀ ကျပ်၊ နိုင်ငံခြားသား တစ်ဦးကို ၁၀၀၀၀ ကျပ် သတ်မှတ်ထားပါတယ်။
ဆင်စီးမယ်ဆိုပါက ပြည်တွင်းဧည့်သည်ကို ၅၀၀၀ ကျပ် သတ်မှတ်ပြီး ပြည်ပဧည့်သည်ကို ၁၀၀၀၀ ကျပ် သတ်မှတ်ထားကာ ဧရာဝတီမြစ်အတွင်း လည်ပတ်ဖို့အတွက်လည်း ရေယာဉ်တွေ ထားရှိပါတယ်။
ဆင်စခန်းကို လာရောက်လည်ပတ်သူ တဦးက “ခုမှစဖွင့်တာ မကြာသေးတော့ စိတ်ဝင်စားပြီးလာခဲ့တာပါ။ ထူးထူးခြားခြားတော့ ဘာမှမရှိပါဘူး။ ဆင်စီးချင်တာရယ်၊ ပြီးတော့ ပုဂံနဲ့နီးတော့ ပိုပြီးလာဖြစ်တာပေါ့။ ဝင်ကြေးက ကျပ် ၁၀၀၀ ထိ သတ်မှတ်တာ များပါတယ်”လို့ ပြောပါတယ်။
လက်ရှိမှာတော့ ပလင်းကမ်းသာယာဆင်စခန်းဟာ နေ့စဉ်ပုံမှန် ဧည့်သည်ဝင်ရောက်မှု ရှိခဲ့ကာ၊ အစိုးရရုံးပိတ်ရက်တွေနဲ့ အခြား ပိတ်ရက်တွေမှာတော့ လာရောက်လည်ပတ်သူ အများအပြားရှိ ပါတယ်။
သတင်း - ရီရီထွန်း (မြင်းခြံ)
