ဧရာဝတီတိုင်း၊ လပွတ္တာမြို့နယ်၊ အုန်းတပင်ကျေးရွာအုပ်စု၊ အောင်လှကျေးရွာနေ အသက် ၈၇ နှစ်အရွယ် အဘွားအိုတဦးအား မေလ ၁၂ ရက်ညက အဓမ္မပြုကျင့်ခဲ့တယ်ဆိုပြီး တိုင်တန်းချက်အရ လူငယ်တဦးကို ဖမ်းဆီးအမှုဖွင့် စစ်ဆေးနေတယ်လို့ ရဲက ပြောပါတယ်။
အဘွားအိုဟာ နေအိမ်ကနေ သားရှိရာ လယ်ထဲကို သွားရောက်ထမင်းပို့ပြီး မိုးချုပ်လို့ အိပ်ခဲ့ရာကနေ အသက် ၂၀ ခန့်အရွယ် လူငယ်တဦးက အဓမ္မပြုကျင့်ခဲ့တာလို့ အဘွားအိုကို ဆေးရုံပို့ ကူညီပေးခဲ့တဲ့ လပွတ္တာမြို့ခံ ကိုဝင်းနိုင်က ပြောပါတယ်။
“၁၂ ရက်နေ့ညက သားဖြစ်သူဆီကို ထမင်းသွားပို့ရင်းနဲ့ မိုးချုပ်တော့ သားဆီမှာပဲ အိပ်လိုက်တာပေါ့နော်။ သားက ညကျတော့ မိုးရွာတော့ စာရင်းကိုင်နဲ့အတူ ငါးထွက်လိုက်ကြတာပေါ့။ အဲဒီညဘက်မှာ ကွင်းထဲ ဆိုတော့လေ အဲလို အဓမ္မပြုကျင့်မှု ဖြစ်တာပေါ့။”
မြို့သစ် ၃ မိုင်ရဲစခန်းက ဒုရဲအုပ် ဌေးဝင်းက ၁၃ ရက်နေ့မှာ တိုင်ကြားချက်ရလို့ ၁၄ ရက်နေ့က ချက်ကြီး(ခ)အောင်ဇော်ဖြိုး ဆိုသူကို သွားရောက်ဖမ်းဆီးခဲ့ပြီး မုဒိမ်းမှုနဲ့ အမှုဖွင့် စစ်ဆေးနေတယ်လို့ ပြောပါတယ်။
“ကျနော်တို့စခန်းက ပထမ သတင်းပေး တိုင်တန်းချက်အမှတ် ပ အမှတ် ၆၄/၂၀၁၈ ရာဇသတ်ကြီး ပုဒ်မ ဥပဒေ ၃၇၆ နဲ့ အမှုဖွင့်ထားပါတယ်။ အခု အမှုစစ်ဆေးနေဆဲ ကာလမို့လို့ အချက်အလက်တွေပဲ ပြောပြလို့ရမယ်။ သူ့အခွင့်အရေးလည်း ရှိနေတာကိုး။”
အဘွားအိုကတော့ နံရိုးကျိုးသွားသလို သားအိမ်မှာလည်း ထိခိုက်သွားတဲ့အတွက် လက်ရှိ လပွတ္တာ ၃ မိုင် ခုတင် ၂၀၀ ဆေးရုံမှာ ဆေးကုသမှု ခံယူနေရတယ်လို့ ကူညီပေးနေတဲ့ ဒေါ်ခင်အေးပျော်က ပြောပါတယ်။
“ဒီကောင်လေးကို မီးရောင်နဲ့ မြင်တယ်တဲ့ အဘွားက ပြောတယ်လေ။ တကြိမ် ထွက်သွားပြီး နောက်တကြိမ် သားမယားအဖြစ် ပြန်လုပ်ပြန်ရော။ အဲဒီအဘွားကို ရေအိုင်ထဲ ဆွဲချတာတဲ့။ အခု နာလို့လေ။ နံရိုးတချောင်း ကျိုးသွားတယ်။ နာလို့ ဆေးရုံပြန်တင်တာ။ ဆရာဝန် အတည်ပြုတာကတော့ သားအိမ်မှာလည်း ၈ ချက် ကွဲသွားတယ်။ ဓာတ်မှန်ရိုက်တယ်လေ။ ဓာတ်မှန်ရိုက်ပြီးတော့ မိန်းမကိုယ်ကိုလည်း သူတို့ စမ်းသပ်တယ်လေ။”
ချက်ကြီး(ခ)အောင်ဇော်ဖြိုးဟာ မူးယစ်ဆေးဝါး သုံးတယ်လို့ ယူဆရပြီး လွန်ခဲ့တဲ့ လေး ငါးလကလည်း တခြားအမျိုးသမီး တယောက်ကို အလားတူ ကျူးလွန်ခဲ့ဖူးတယ်လို့လည်း ဒေါ်ခင်အေးပျော်က ပြောပါတယ်။
ကာယကံရှင် အဘွားအိုကလည်း “ရေအိုင်ထဲ ဆွဲချတော့ တိုင်ကို အတင်းဖက်ထားတာ။ မီးရောင်ထွန်းလာတော့ တက်သွားတယ်။ အဲဒီ တာဘောင်ဘက်ကို ထွက်ပြေးသွားတယ်။ အဲကောင်လေးကို တစ်ခါမဟုတ် နှစ်ခါမဟုတ် ဒီလူကို မသိဘဲနေမလား။ နေ့တိုင်းလည်း တနေ့ နှစ်ခါ သုံးခါ အိမ်လာနေတယ်။”
အဘွားအိုကို သွားရောက်ကူညီခဲ့တဲ့ ကိုဝင်းနိုင်ကတော့ ဒီလိုအဖြစ်မျိုး တခါမှ မကြားဖူးတဲ့အတွက် ဥပဒေအရ မှန်မှန်ကန်ကန် အရေးယူပေးစေချင်တယ်လို့ ပြောပါတယ်။
“ဒါတွေက မဖြစ်သင့်တဲ့ကိစ္စတွေ၊ နောက်တခုက ဒီလို အသက်အရွယ်တွေနဲ့ ဒီလို ငယ်ရွယ်တဲ့ ယောက်ျားသားတွေနဲ့ ဒါတွေက မဖြစ်သင့်တဲ့ကိစ္စပါ။ ကျနော်တို့ တခါမှ မကြားဖူးဘူး။ ဒါဟာမျိုးတွေက။ ကျနော်တို့ကတော့ ဥပဒေအရပဲ ဆောင်ရွက်စေချင်တာပေါ့နော်။။”
ပြီးခဲ့တဲ့ ဇန်နဝါရီလက တနိုင်ငံလုံးမှာ ဖြစ်ပွားတဲ့ အမှုကြီးတွေရဲ့ ဆယ်မှုမှာ ၉ မှုလောက်ဟာ လူသတ်မှုနဲ့ မုဒိမ်းမှုတွေ ဖြစ်တယ်လို့ မြန်မာနိုင်ငံရဲတပ်ဖွဲ့ ထုတ်ပြန်ချက်အရ သိရပါတယ်။
မုဒိမ်းမှု ၁၁၃ မှု ဖြစ်ခဲ့ပြီး ဧရာဝတီတိုင်းက ၂၄ မှုနဲ့ အများဆုံး ဖြစ်ခဲ့တာပါ။ ရန်ကုန်တိုင်းမှာ ၂၃ မှု၊ စစ်တိုင်းတိုင်းမှာတော့ ၁၆ မှု ဖြစ်ခဲ့ကြောင်း မြန်မာနိုင်ငံ ရဲတပ်ဖွဲ့က ထုတ်ပြန်ခဲ့ပါတယ်။
Photo : Yu Yu
