ရွှေတိဂုံစေတီတော်ရဲ့ အရပ်ရပ်အလှူခံရငွေပေါင်းဟာ ဘဏ်မှာ အပ်ထားတာ ကျပ်သိန်းပေါင်း ၇ သိန်းလောက်ရှိပြီး ဒီနှစ်မှာ အတိုးအဖြစ် ကျပ်သိန်းပေါင်း ၄ သောင်း ကျော်ရခဲ့တယ်လို့ ရန်ကုန်တိုင်းဒေသကြီး လူမှုရေးဝန်ကြီးက ပြောပါတယ်။
ဒီနေ့ ကျင်းပတဲ့ ရန်ကုန်တိုင်းဒေသကြီး လွှတ်တော်မှာ ကိုယ်စားလှယ် ဦးကျော်ဇေယျက မေးတာကို ဝန်ကြီး ဦးနိုင်ငံလင်းက ဖြေကြားခဲ့တာပါ။
ရွှေတိဂုံ အပါအဝင် ရန်ကုန်ရှိ တန်ခိုးကြီးဘုရားတွေရဲ့ ဂေါပကအဖွဲ့ဝင်တွေအနေနဲ့ အလှူငွေတွေကို ဘဏ္ဍာရေးစည်းမျဉ်းနဲ့ အညီ ထိန်းသိမ်းသုံးစွဲနိုင်ဖို့ အတွက် အရည်အချင်းပြည့်ဝတဲ့ ပုဂ္ဂိုလ်တွေရဖို့ ဘယ်လို စီမံထားလဲဆိုတာနဲ့ ရွှေတိဂုံစေတီတော်မြတ်ကြီးရဲ့ ဂေါပကအဖွဲ့က မြန်မာ့စီးပွားရေးဘဏ် အသီးသီးမှာ နောက်ဆုံး အပ်နှံထားတဲ့ အလှူငွေစုစုပေါင်းတန်ဖိုး၊ ဘဏ်တိုးငွေတန်ဖိုးတွေကို ဘဏ်အမည်နဲ့တကွ ပွင့်လင်းမြင်သာစွာ သိရှိလိုတယ်လို့ မေးခဲ့ပါတယ်။
ပြီးတော့ ၂ဝ၁၆- ၁၇ ဘဏ္ဍာရေးနှစ်မှာ ရွှေတိဂုံ၊ ဆူးလေ၊ ကမ္ဘာအေး၊ ဗိုလ်တထောင်၊ စွယ်တော်မြတ်စေတီတွေမှာ အလှူငွေ ဘယ်လောက်ရထားလဲဆိုတာကိုလည်း မေးမြန်းခဲ့ ပါတယ်။
လူမှုရေးဝန်ကြီး ဦးနိုင်ငံလင်းက “ရွှေတိဂုံ အပါအဝင် ဘုရားစေတီတွေရဲ့ ဂေါပကအဖွဲ့ဝင်လူကြီးတွေအနေနဲ့ ဘုရားဖူးပြည်သူတွေ အဆင်ပြေရေးနဲ့ ရရှိတဲ့ အလှူငွေတွေကို ဘဏ္ဍာရေးစည်းမျဉ်းနဲ့အညီ ထိန်းသိမ်းနိုင်ဖို့ အရည်အချင်းပြည့်ဝတဲ့ လူပုဂ္ဂိုလ်တွေ ရရှိစေရေးအတွက် အကျင့်စာရိတ္တကောင်းမွန်တာ၊ ယုံကြည်စိတ်ချစွာ သာသနာပြု ဝေယျာဝစ္စ လုပ်ငန်းတွေ ထမ်းဆောင်နိုင်တာကို မူတည်ပြီး သာသနာရေးနဲ့ ယဉ်ကျေးမှုဝန်ကြီးဌာနနဲ့ တိုင်းအစိုးရအဖွဲ့တို့က ညှိနှိုင်းစိစစ်ပြီး ဂေါပက အဖွဲ့ရွေးချယ်ရေးကော်မတီ ဖွဲ့စည်းတာ၊ ဂေါပက စည်းမျဉ်းပါအတိုင်း ဂေါပကလူကြီးတွေကို ရွေးချယ်ပြီး စေတီတော်သြဝါဒစရိယ ဆရာတော်ကြီးတွေဆီမှာ သြဝါဒခံယူပြီး သက်ဆိုင်ရာ မြို့နယ်၊ တိုင်း သံဃနာယကအဖွဲ့ရဲ့ အတည်ပြုချက်နဲ့ ရွေးချယ် ဖွဲ့စည်းထားတယ်”လို့ ပြောပါတယ်။
ရွှေတိဂုံ စေတီတော်မြတ်ကြီးရဲ့ မြန်မာ့စီးပွားရေးဘဏ်အသီးသီးမှာ အပ်နှံထားတဲ့ အလှူငွေစုစုပေါင်းဟာ ကျပ်သိန်းပေါင်း ၆၉၉,၅၈၃ ရှိပြီး နိုင်ငံခြားငွေကတော့ အမေရိကန်ဒေါ်လာ ၁၅၂ သိန်းကျော်ဖြစ်တယ်လို့ ပြောပါတယ်။
“ငွေစုစာအုပ်တွေက အတိုးရရှိမှု အခြေအနေကတော့ ၂၀၁၆ ခုနှစ်မှာ သိန်းပေါင်း ၃၃၃၃၄ သိန်းဖြစ်ပါတယ်။ ၂၀၁၇ ခုနှစ်အတွက်တော့ သိန်းပေါင်း ၄၀၇၆၄ သိန်း ဖြစ်ပါတယ်” လို့ ပြောပါတယ်။
ဆူးလေစေတီတော်ရဲ့ ဘဏ်အပ်ငွေစုစုပေါင်းက ကျပ်သိန်းပေါင်း ၁၆၀၀၀ လောက်ရှိကြောင်း၊ ကမ္ဘာအေးစေတီတော်ရဲ့ ဘဏ်အပ်ငွေ စုစုပေါင်းက ၈၉၀၈ သိန်းကျော်၊ ဗိုလ်တထောင်စေတီတော်မှာ ၂၄၄၀၂ သိန်းကျော်နဲ့ အမေရိကန်ဒေါ်လာ ၁၅ သိန်းကျော်၊ စွယ်တော်မြတ်စေတီမှာ ဘဏ်အပ်ငွေစုစုပေါင်း ကျပ်သိန်း ၁၅,၈၁၉ ကျော် ရှိတယ်လို့လည်း ပြောပါတယ်။
ဂေါပကအဖွဲ့တွေအနေနဲ့ ရတဲ့ အလှူငွေတွေကို သက်ဆိုင်ရာစေတီတော်ဂေါပကအဖွဲ့ စည်းမျဉ်းစည်းကမ်းတွေနဲ့အညီ သြဝါဒါစရိယ ဆရာတော်ကြီးတွေရဲ့ သြဝါဒခံယူ သုံးစွဲနေပြီး ရရှိ သုံးစွဲတဲ့ အခြေအနေကို ခရိုင်၊ မြို့နယ် အထွေထွေအုပ်ချုပ်ရေးမှူးရုံးတွေနဲ့ တိုင်း သာသနာရေးဦးစီးရုံးတွေကို လစဉ် အစီရင်ခံနေတယ်လို့လည်း ဝန်ကြီးက ရှင်းပြခဲ့ပါတယ်။
