နာမည်ကြီး စာရေးဆရာမင်းလူရဲ့ အချစ်ရူးကြီးရူးတော့သည် ၀တ္ထုကို ရုပ်ရှင်အဖြစ် ရိုက်ကူးပုံဖော်နေပြီး ဒီကားထဲမှာ သရုပ်ဆောင်မင်းသမီး အိချောပိုက ပါဝင်သရုပ်ဆောင်နေပါတယ်။ ရိုက်ကွင်းပေါ်မှ ဇာတ်ဝင်ခန်းပုံရိပ်တွေကိုတော့ အိချောပိုက သူ့ရဲ့ ဖေ့စ်ဘွတ်ခ် လူမှုကွန်ရက်စာမျက်နှာပေါ်မှတဆင့် မေလ ၂ ရက်နေ့မှာ မျှဝေထားခဲ့တာ ဖြစ်ပါတယ်။ ဒီကားကို ဒါရိုက်တာ ပြည်ဟိန်းသီဟက ဇာတ်ညွှန်းခွဲရိုက်ကူးခဲ့တာဖြစ်ကာ မင်းသား မင်းမော်ကွန်း၊ ခန့်စည်သူနဲ့ မင်းသမီးခိုင်သင်းကြည်တို့လည်း ပါဝင်ထားကြပါတယ်။ Memoirs Film Production က ပွဲဦးထွက် စီစဉ်ရိုက်ကူးခဲ့တဲ့ ဒီရုပ်ရှင်ကားကြီးရဲ့ ကန်တော့ပွဲပေးတဲ့ ပထမနေ့ပုံရိပ်တွေကိုတော့ ခန့်စည်သူက သူ့ရဲ့ ဖေ့စ်ဘွတ်ခ်ကတဆင့် “ဒီနေ့စရူးပါပြီ”လို့ ရေးပြီး မျှဝေထားခဲ့ပါသေးတယ်။ အိချောပိုကတော့ ဇာတ်ဝင်ခန်းထဲမှ ဓာတ်ပုံစုစုပေါင်း ၁၈ ပုံကို မျှဝေထားခဲ့တာ ဖြစ်ပြီး “ဒီကားလေးထဲမှာ “နီနီရောင်”အဖြစ် သရုပ်ဆောင်နေပါတယ်”လို့ ရေးထားတာကို တွေ့ရပါတယ်။ ဓာတ်ပုံ - အိချောပို ဖေ့ဘွတ်ခ်