ရှမ်းပြည်နယ်၊ ညောင်ရွှေမြို့နယ်၊ မိုင်းသောက်ကျေးရွာအုပ်စုထဲရှိ သိမ်းဆည်းခံ မြေယာတွေကို သက်ဆိုင်ရာက ပြန်လည်စွန့်လွှတ်ပေးဖို့ တောင်သူမိသားစုတွေစုပေါင်းပြီး ဒီကနေ့ မနက် ဆန္ဒပြတောင်းဆိုပါတယ်။

ပါနွေးမီးသွေးဖုတ်ရွာ၊ ပါနွေးအလယ်ရွာ၊ ပါနွေးမြောက်ရွာ၊ ပါနွေးဓနုရွာနဲ့ ပေပင်ကျေးရွာ ၅ ရွာက တောင်သူ ၂၁ ဦးရဲ့ စိုက်ပျိုးမြေဧက ၄၃.၅၉ ကို ၁၉၉၁ ခုနှစ်က အာဏာပိုင်တွေရဲ့ သိမ်းယူခံခဲ့ရတာဖြစ်ပါတယ်။

အခုလက်ရှိ အဲ့ဒီမြေတွေကို မြတ်မင်္ဂလာဟိုတယ်က ၂၁.၈၂ ဧကနဲ့ ဗီလာအင်းလေး ဟိုတယ် ၂၁.၇၇ ဧကကို လုပ်ကိုင်ခွင့်ရထားပါတယ်။

ဒီမြေတွေပြန်ရဖို့ သက်ဆိုင်ရာဌာနတွေနဲ့ ကိုယ်စားလှယ်တွေကို တင်ပြထားပေမယ့် ဘာမှ ထူးခြားလာတာမရှိလို့ တောင်သူတွေက ဆန္ဒထုတ်ဖော်ကြတာဖြစ်ပါတယ်။