မန္တလေးတိုင်းဒေသကြီး မြင်းခြံမြို့နယ်ရဲ့ အဓိက ထွက်ကုန်ထဲမှာပါဝင်တဲ့ ကြက်သွန်နီဟာ တပတ်အတွင်းမှာ ဈေးနှုန်း ဆက်တိုက်ကျဆင်းနေတာကြောင့် ကြက်သွန်စိုက်တောင်သူတွေ အရှုံးပေါ်နေကြတယ်လုိ့ သိရပါတယ်။
မြင်းခြံ ရွှေဒင်္ဂါ ကြက်သွန်ပွဲရုံမှ ကိုကျော်ဇင်ဝင်းက "ခုတပတ်အတွင်းမှာ ကြက်သွန်နီဈေးနှုန်း ဆက်တိုက်ဆိုသလို ကျဆင်းနေတယ်။ အရောင်းအဝယ်ကလည်း မကောင်းဘူး။ ပြည်ပတွေဖြစ်တဲ့ ထိုင်း နဲ့ တရုတ်ဘတ်ကလည်း အနူတ်နည်းနေတယ်၊ ပြီးတော့ ရန်ကုန်၊ မော်လမြိုင် စတဲ့ နေရာတွေကလည်း အရောင်းအဝယ် အေးနေတယ်။ ရန်ကုန်ကလည်း လိုအပ်သလောက်ပဲ တင်ခွင့်ပြုတာ။ ကုန်ချိန်များပို့ရင် လက်မခံဘူးဆိုတော့ အရောင်းအဝယ် ကျဆင်းသွားတာပေါ့။ အဲ့ထက်ဆိုးတာက တောင်သူတွေဘတ်က လက်ရှိဈေးနှုန်းနဲ့ မကိုက်တော့ အရှုံးပေါ်တဲ့ အနေအထားမှာ ရှိနေတယ်” လို့ ဒီဗွီဘီကို ပြောပါတယ်။
ပြီးခဲ့တဲ့နှစ်က ခုလို ရာသီအချိန်မှာ ကြက်သွန်နီဈေးနှုန်း ၇၀၀ မှ ၈၀၀ ကျပ်ထိ အရောင်းအဝယ် ဖြစ်ခဲ့တာကြောင့် တောင်သူတွေ ထိခိုက်ဆုံးရှုံးမှု နည်းခဲ့တယ်လို့ သိရပါတယ်။
ကြက်သွန်စိုက်တောင်သူတဦးက "မနှစ်က ဒီအချိန်မှာ ကြက်သွန်ဈေးနှုန်း မဆိုးဘူးလို့ ပြောလို့ရတယ်။ ဒီနှစ်က ကြက်သွန် စစိုက်တဲ့အချိန်က မိုးများတယ်၊ ပျက်စီးဆုံးရှုံးမှုတွေ ရှိခဲ့တယ်။ အခြား ကုန်ကျစရိတ်တွေကများတော့ လက်ရှိဈေးနှုန်နဲ့က တောင်သူအများစုဟာ အရှုံးပေါ်နေတာပေါ့” လို့ ပြောပါတယ်။
မြင်းခြံ ကုန်စည်ဒိုင်မှာ နေ့စဉ် ကြက်သွန်နီ ကုန်ချိန် ပိဿာ ၁ သိန်းလောက် ဝင်ရောက်နေပြီး၊ လှောင်လက်စ (အထက်စ) ဖြစ်တဲ့ ကံဆင့်နဲ့ တလုတ်မြို့ စတဲ့ကျေးရွာက ထွက်ရှိတဲ့ ကြက်သွန်တွေဟာ ၁ ပိဿာ ၆၀၀ ကျပ် မှ ၆၃၅ ကျပ်ထိ အရောင်းအဝယ် ဖြစ်ခဲ့ပြီး၊ အခြားနယ်စုံမှ ထွက်ရှိတဲ့ ကြက်သွန်ဈေးနှုန်းဟာ ၃၅၀ မှ ၄၀၀ ကျပ်ထိသာ အရောင်းအဝယ် ဖြစ်ခဲ့တယ်လို့ သိရပါတယ်။
သတင်း-ရီရီထွန်း ( မြင်းခြံ )
