တရားရုံးကိုဖိနပ်နဲ့ ပစ်ပေါက်ခဲ့တဲ့ ရှေ့နေဦးဇော်ဝင်းဟာ  ဒီနေ့ မနက်က ပြည်​ကြီးတံခွန်​မြို့နယ်​တရားရုံးမှာ တတိယအကြိမ်​ ရုံးထုတ်​​စစ်​​ဆေးနေစဉ် တရားခွင်မှာ မူးလဲတဲ့အတွက် မန္တလေးဆေးရုံမှာ အတွင်းလူနာအဖြစ် တင်ထားရပါတယ်။

နိုင်ငံတော် အကြည်အညို ပျက်စေမှုနဲ့ ဖမ်းဆီးခံခဲ့ရတဲ့ ရှေ့နေဦးဇော်ဝင်းဟာ ကျန်းမာ​ရေး မ​ကောင်းတဲ့အတွက်​ အနား​ပေးဖို့ ​​မြို့နယ်​တရားသူကြီးထံ ​တောင်းခံခဲ့​ပေမယ့်လည်း မြို့နယ်​ တရားသူကြီးက အနားမ​ပေးဘဲ ဆက်​လက်​စစ်​​ဆေးခဲ့တာ​ကြောင့် တရားခွင်​အတွင်းမူးပြီး လဲကြ ခဲ့တာ​ကြောင့် မန္တ​လေးပြည်​သူ့​ဆေးရုံကြီးအ​ရေး​ပေါ်ဌာနမှာ အတွင်းလူနာအဖြစ် ​တင်​ထားရ တာပါ။

၂၀၁၇ကုန်​​ဈေးနှုန်းကျဆင်း​ရေးလှုပ်ရှားသူ ကိုသိန်း​အောင်​မြင့်က “တရားရုံးစစ်​​ဆေး​နေချိန်​မှာ တရားခွင်​တံခါး​တွေကို ဝင်​​ပေါက်​တခုသာ ဖွင့်ပေးပြီး ကျန်​တဲ့တံခါးမှန်​တခါး​တွေ ပိတ်​၊ လိုက်​ကာ​တွေပါချပြီး ပိတ်​ထားခဲ့တာကြောင့် အခန်းတွင်းမှာ ​လေဝင်​​လေထွက်​ မ​ကောင်းလို့ အခုလို မူးလဲပြီး သတိ​မေ့ သွားတဲ့အထိ ဖြစ်​သွားရတယ်။ မလိုလားအပ်​တဲ့ ပြ​ဿနာ​တွေဖြစ်​ရတာပါ။ တကယ်​ဆို ဒီအမူဟာ လူသတ်​မှုလည်းမဟုတ်​ မုဒိမ်းမှုလည်းမဟုတ်​ ရာဇဝတ်​မှုလဲမဟုတ်​ဘဲနဲ့ အခုလိုမျိုး တံခါးအားလုံးပိတ်​ပြီး အမှုစစ်​​ဆေး​နေတာ​တွေဟာ လွတ်​လပ်​​သောတရားစီရင်​​ရေးအတွက်​ ​မေးခွန်းထုတ်​စရာ ဖြစ်​​နေတယ်​”လို့ ​ပြောပါတယ်​။

မန္တလေးမြို့ ပြည်ကြီးတံခွန်မြို့နယ် တရားရုံး တရားခွင်စစ်ဆေးပြီးချိန်မှာ တရားခွင်ရှေ့က ဆိုင်းဘုတ်ကို ဖိနပ်နဲ့ ပစ်ပေါက်ခဲ့တဲ့ အတွက်  ရှေ့နေဦးဇော်ဝင်းကို မတ်လ ၂၁ ရက် ည ၁၁ နာရီက နိုင်ငံတော်အကြည်အညိုပျက်စေမှုဖြင့် ဖမ်းဆီးခဲ့ပါတယ်​။

ပြည်ကြီးတံခွန်မြို့နယ် ဒုတိယအထွေထွေအုပ်ချုပ်ရေးမှူး ဦးကျော်စိုးက တရားလို ပြုလုပ်ပြီး မတ်လ ၂၀ ရက်မှာ နိုင်ငံတော်အကြည်အညိုပျက်စေမှု ပုဒ်မ ၅၀၅ (ခ)နဲ့ တရားရုံးဦးတိုက်လျှောက်ခဲ့တဲ့အတွက် ဖမ်းဝရမ်းထုတ်ပေးခဲ့ပြီး ဖမ်းဆီးခဲ့တာပါ။

ဒီအမှုနဲ့ပတ်သက်ပြီး မတ်လ ၂၂ ရက် မနက်ပိုင်းက ပြည်ကြီးတံခွန်မြို့နယ် တရားရုံး မှာ ရမန်ယူခဲ့ပြီး မတ်​လ ၂၈ ရက်​​နေ့ကို ဒုတိယအကြိမ်​ချိန်းဆိုခဲ့ပါတယ်​။

ရှေ့နေဦးဇော်ဝင်းက ပြည်ကြီးတံခွန်မြို့နယ် တရားရုံးမှာ မတ်လ ၁၅ ရက်က တရားရုံးမထေမဲ့မြင်မှုကို ပြန်လည်ချေပခွင့်မပေးပဲ ထောင်ဒဏ် လေးလ ချမှတ်လိုက်တာကြောင့် တရားခွင်စစ်ဆေးပြီးချိန်တွင် တရားခွင်ရှေ့က ဆိုင်းဘုတ်ကို ဖိနပ်နဲ့ ပစ်ပေါက်ခဲ့တာပါ။

ဖိနပ်နဲ့ ပစ်ပေါက်တဲ့အတွက် တွဲဘက်တရားသူကြီး ဒေါ်အေးယုမွန်ရဲ့ တိုင်ကြားချက် ကြောင့် မတ်လ ၁၆ ရက်က ဦးဇော်ဝင်းကို  ပြည်ကြီးတံခွန်မြို့မရဲစခန်းမှာ (ပ)၁၆၀/၂၀၁၈၊ ရာဇသတ်ကြီးဥပဒေပုဒ်​မ ၂၉၄/၃၅၃/၂၂၈/၅၀၆ တို့နဲ့လည်း ထပ်ပြီး အမှုဖွင့်လိုက်​ပါတယ်​။