ပြီးခဲ့တဲ့ ဧပြီ ၁၁ ရက်နေ့က အစိုးရတပ်နဲ့ ကချင်လွတ်လပ်ရေးတပ်မတော်တို့အကြား ဖြစ်ပွားခဲ့တဲ့ တိုက်ပွဲကြောင့် တနိုင်းမြို့နယ် အောင်လော့ဒ်ကျေးရွာမှာ ပိတ်မိနေတဲ့သူတချို့ကို မြို့နယ်အုပ်ချုပ်ရေးမှူးအဖွဲ့က ဦးဆောင်ပြီး သွားရောက်ကယ်ဆယ်ခဲ့ပါတယ်။
သွားရောက်ကယ်ဆယ်ခဲ့တဲ့ အထဲမှာပါဝင်တဲ့ တနိုင်းမြို့နယ် ပြည်သူ့လွှတ်တော်ကိုယ်စား လှယ် ဦးလင်းလင်းဦးက “သူတို့ကတော့ အောင်လော့ဒ်ရွာသားတွေ မဟုတ်ဘူး။ အောင်လော့ဒ်ဘက်မှာ အလုပ်သွားလုပ်နေတဲ့ ရွှေ့ပြောင်းအလုပ်သမားတွေ။ စုစုပေါင်း ၂၂၅ ဦးပေါ့။ အဲဒါကို ပြည်နယ်ကဘက်က ကြက်ခြေနီအသင်းနဲ့ တနိုင်းက ကြက်ခြေနီအဖွဲ့တွေ သွားပြီးမှ ပြန်ခေါ်ခဲ့တာပေါ့။ မနေ့က ကျနော်တို့ ပြည်သူ့လွှတ်တော်ကိုယ်စားလှယ်၊ အမျိုးသားလွတ်တော်ကိုယ်စားလှယ်၊ မြို့နယ်အုပ်ချုပ်ရေးမှူးဦးဆောင်တဲ့ ဌာနဆိုင်ရာကိုယ်စားလှယ်တွေ မနေ့က တနိုင်းမြို့ အောင်စိုးမိုး ကျေးရွာမှာ သွားကူတာပေါ့။ ”
တောတွင်းထွက်ပြေးနေရတဲ့ အောင်လော့ဒ်ရွာသားတွေကတော့ မြို့ထဲမလာရဲဘဲ တောတွင်းတွေမှာသာ ထွက်ပြေးနေရဆဲပဲလို့ ဆိုပါတယ်။
အောင်စိုးမိုးကျေးရွာကို ရောက်လာတဲ့ အောင်လော့ဒ်က ရွှေ့ပြောင်းလုပ်သားတွေကိုတော့ မနေ့က တပ်ကစစ်ဆေးမှုတွေလုပ်ခဲ့ပြီး ဒီကနေ့မှာ သူတို့နေရပ်ကို ထွက်ခွာမယ်လို့လည်း ဦးလင်းလင်းဦးက ပြောပါတယ်။
ကချင်ပြည်နယ်၊ တနိုင်းမြို့နယ်၊ အောင်လော့ဒ်ရွာက စစ်ဘေးကြောင့် ထွက်ပြေး တိမ်းရှောင်နေရတဲ့ ဒေသခံတွေ အိမ်ပြန်နိုင်ရေးအတွက် တပ်မတော်က ကူညီသွားမယ်လို့ တနိုင်းမြို့ပေါ်မှာ ဧပြီ ၈ ရက်နေ့က လိုက်လံကြေညာခဲ့ပါတယ်။
