ရှမ်းပြည်နယ် သီပေါမြို့က ဓာတ်ပုံဆရာ စိုင်းခွန်မျိုးဆိုသူဟာ ပြီးခဲ့တဲ့သီတင်းပတ်က ရှမ်းပြည်မြောက်ပိုင်းမှာ ရှုခင်းအလှတွေ လိုက်ရိုက်ရင်း မိုင်းရယ်မြို့ မိုင်းဟဲင်းကျေးရွာမှာ ရင်သားအဆမတန်ကြီးမားတဲ့ ဝေဒနာ ခံစားရသူ ၁၃ နှစ်အရွယ် မိန်းကလေးငယ်တဦးကို တွေ့လို့ ဓာတ်ပုံရိုက်ယူပြီး ခွဲစိတ်ကုသနိုင်ရေးအတွက် ပရဟိတအဖွဲ့နဲ့ သီပေါဆေးရုံကြီးကို ဆက်သွယ်ကူညီပေးခဲ့ပါတယ်။
ဧပြီ ၉ ရက်နေ့မှာတော့ သီပေါဆေးရုံကြီးက ဆေးရုံအုပ်ကြီးနဲ့ ခွဲစိတ်ကုဆရာဝန်တွေ၊ ဆရာဝန် ဆရာမတွေနဲ့ တာဝန်ကျဝန်ထမ်းတွေက နန်းဆိုင်လူကို အောင်အောင်မြင်မြင် ကြိုးစား ခွဲစိတ်ကုသပေးနိုင်ခဲ့ကြပါတယ်။
နန်းဆိုင်လူရဲ့ မိသားစုဘဝအကြောင်း တစေ့တစောင်းနဲ့ ပတ်သက်ပြီး ဆေးရုံမှာ လာရောက်စောင့်ဆိုင်း ပြုစုနေတဲ့ မိခင်ဖြစ်သူ ဒေါ်နန်းယိန်းကို ဒီဗွီဘီက ဆက်သွယ်မေးမြန်းထားပါတယ်။
မေး - အဒေါ်တို့က ဘယ်ရွာကလဲ၊ အလုပ်အကိုင်က ဘာတွေလုပ်သလဲ။
ဖြေ - မိုင်းဟဲင်းရွာကပါ၊ လယ်ယာလုပ်ငန်းပဲ လုပ်ပါတယ်။
မေး - သမီးလေး ဘာကြောင့် အခုလို ရင်သားတွေ အဆမတန် ကြီးလာရတာကို ပြောပြပေးပါလား၊ ဖြစ်တာ ကြာပြီလား၊ ဘယ်အချိန်ကတည်းက စဖြစ်တာလဲ။
ဖြေ - သူ့ရင်က တခါတည်းကြီးတာတော့ မဟုတ်ဘူး၊ တဖြည်းဖြည်း နည်းနည်းချင်းစီ ကြီးလာတာ၊ တနှစ်ကျော် နှစ်နှစ်လောက်ရှိပြီထင်တယ်။
မေး - ဒီလိုကြီးလာတော့ သူ ဘယ်လိုဝေဒနာတွေ ခံစားရလဲ။ ဆေးကုတာတွေရော မလုပ်ဘူးလား။
ဖြေ - နာတော့ မနာဘူးတဲ့၊ ဒါပေမယ့် တအားကြီးလာတော့ လန့်တာပေါ့၊ ဆေးကုဖို့က ပိုက်ဆံမှမရှိဘဲ၊ ရွာမှာ ဆေးခန်းလည်းမရှိဘူး။ ရွာမှာ နေမကောင်းရင် မိုင်းရယ်ဆေးရုံသွားတယ်။ လမ်းလျှောက်သွားရင် တနေကုန်ကြာတယ်၊ အခုတော့ ကားနဲ့သွားတာပေါ့။
မေး - အဒေါ်တို့ မိုင်းရယ်ဆေးရုံကို မသွားဘူးလား။ အဲဒီက ရွာသူကြီးတွေကရော ဘာမှအကြံမပေးဘူးလား။
ဖြေ - ပိုက်ဆံမရှိလို့ မသွားဘူး။ သမီးက ဒီလိုဖြစ်ကတည်းက ရှက်ပြီး အိမ်ထဲက အိမ်ပြင် မထွက်လို့ သူ ဒီလိုဖြစ်နေတာကို ဘယ်သူမှ သိပ်မသိပါဘူးရှင့်။ ရွာသူကြီးတွေလည်း မသိလောက်ပါဘူး။
မေး - သမီးက ကျောင်းမသွားရဘူးလား။ ကျောင်းမတက်ဘူးလား။
ဖြေ - ကျမတို့ရွာမှာ စာသင်ကျောင်းမရှိဘူး။ တခြားမှာ သွားသင်ရတယ်။ သူများဆီသွားရင် ပိုက်ဆံလိုတယ်လေ၊ ကျောင်းမထားနိုင်ဘူး။ အရင်ကတော့ သူက ခြံအလုပ်တွေ ကူလုပ်တာပေါ့။ အခု အဲလိုဖြစ်တော့ အိမ်ပြင်မထွက်ရဲဘူးလေ။
မေး - သူ့အဖေကရော။
ဖြေ - သူတို့အဖေလည်း ဘာအလုပ်မှ မယ်မယ်ရရ မရှိပါဘူး။
မေး - အဒေါ်တို့မိသားစုမှာ အားလုံး ကလေးဘယ်နှစ်ယောက်ရှိလဲ။
ဖြေ - ကလေး ၄ ယောက်၊ နန်းဆိုင်လူက တတိယသမီး၊ သူ့အောက် မောင်လေးကိုတော့ ကျောင်းထားရပါတယ်။
မေး - သမီးကို ဘယ်လိုလုပ်ပြီး ခုလို သီပေါဆေးရုံမှာ ဆေးကုသဖို့ ဖြစ်လာရသလဲ။
ဖြေ - တန်ခူးလဆန်းတုန်းက သီပေါမှာသွားနေတဲ့ ကျမမောင်လေးတယောက် ရွာကို ပြန်လာလည်တယ်။ သူက သိသွားပြီး သူများတွေကို ပြောပြတာထင်တယ်။ မနေ့ကတော့ သူများတွေက ကျမတို့သားအမိကို ဆေးကုပေးမယ်ဆိုပြီး ကားနဲ့လာကြိုတယ်။ ကျမတို့လည်း လိုက်လာပြီး မနေ့ညက ဒီဆေးရုံမှာပဲ အိပ်စောင့်ပါတယ်။
မေး - အခု သမီးကို ခွဲစိတ်ကုသနေတယ်ဆိုတော့ စိတ်ထဲ ဘယ်လိုခံစားရလဲ။
ဖြေ - ဆေးရုံရောက်တော့ စိတ်လည်းအေးပါတယ်။ ခွဲနေတယ်ဆိုတော့ စိတ်လည်းပူပါတယ်။ ဘယ်လိုပြောရမှန်းမသိဘူး။
မေး - ကူညီပေးသူတွေကို ဘာပြောချင်လဲ။
ဖြေ - ကျေးဇူးတင်တာပေါ့ ၊ အကုန်လုံးကို။
အခုလိုပြောပြတဲ့အတွက် ကျေးဇူးတင်ပါတယ်။
