ကရုဏာမျိုးစေ့က ဦးဆောင်ပြီး လူမှုကွန်ရက်တွေမှာ အမုန်းစကားတွေမပြောဖို့ မန္တလေးမြို့
၆၆ လမ်း ၂၆ လမ်းဒေါင့်အောင်မြေသာစံမြို့နယ်မှာ ကမ်ပိန်းပြုလုပ်ခဲ့ပါတယ်။
“ကိုယ်ရဲ့ပတ်ဝန်းကျင်းမှာ တဦးနဲ့တဦး၊ တယောက်နဲ့တယောက် လူတစုနဲ့တစု အမုန်းစကားတွေမပြောကြဖို့ အချင်းချင်းပိုပြီးချစ်လာ တယ်ဆိုရင် ကျမတို့နိုင်ငံဟာ ဒီထက်ပိုပြီး သာယာလှပလာတဲ့ ဖက်ဒရယ်ပြည်ထောင်စုကို ရောက်နိုင်ဖို့ ဒီရည်ရွယ်ချက်နဲ့ ဒီကမ်ပိန်းကိုလုပ်တာပါ။ အဓိကကတော့ ဘာသာမတူ လူမျိုးမတူသူတွေ ကြားထဲမှာ ပိုပြီးချစ်ခင်လာဖို့ ဒီနေ့ သော့တွဲတစ်ထောင်ကို ပေးဝေတဲ့ ကမ်ပိန်းပြုလုပ်ရတာ”လို့ ဖွံ့ဖြိုးရေးဌာနချုပ်(ဗဟို)က မစုချစ်ကပြောပါတယ်။
ဒီအဖွဲ့ဟာ ဘာသာပေါင်းစုံစုပေါင်းပြီး သစ်ပင်တွေစိုက်နေသလို ဂမ်ရွာ ဖောင်တော်ဦးကျောင်း မဟာရီစင်တာတွေမှာလည်း သင်တန်းတွေပို့ချနေပြီး မန္တလေး၊ ရွှေဘို လာရိူး၊ ရန်ကုန်၊ ပဲခူးတွေမှာ ဆက်လက်ပြီး ကမ်ပိန်းတွေကို ပြုလုပ်သွားမှာလည်း ဖြစ်ပါတယ်။
“ဘာသာကြီးငါးဘာသာအနေနဲ့ တဘာသာနဲ့ တဘာသာ တယောက်နဲ့တယောက် သူတိုရဲ့ လွတ်လပ်စွာ ကိုးကွယ်ခွင့်ကိုနားလည်တယ်။ အပြန်အလှန်နားလည်မှုရှိကြမယ်။ တယောက်နဲ့တယောက် ကရုဏာထားပေးနိုင်မယ်ဆိုရင်တော့ ဒီလိုမျိုး တဘာသာနဲ့တဘာသာ အမုန်းပွားနေတာတွေ မရှိတော့ဘူး။ တယောက်နဲ့တယောက် အမုန်းပွားနေတာတွေ မရှိတော့ဘူး။ တယောက်နဲ့တယောက် အပြန်အလှန်ဂရုဏာထား ဖို့ကအရေးကြီးတယ်” လို့ သုံးသပ်ပြောဆိုခဲ့ပါတယ်။
ဘာသာပေါင်းစုံအနေ့နဲ့ အမုန်းစကား ဒို့မပွား ငြိမ်းချမ်းရေးကို ဒို့လိုလား ဘာသာပေါင်းစုံ အတူလက်တွဲ ငြိမ်းချမ်းရေးတွေ ပိုခိုင်မြဲစေဖို့ ရည်ရွယ်ချက်နဲ့ ဒီကရုဏာမျိုးစေ့အဖွဲ့ကို ၂၀၁၇ခု နှစ်ကစတင်တည်ထောင်ခဲ့ပြီး ဘာသာပေါင်းစုံက လူငယ်လူရွယ်တွေ ပါဝင်ဖွဲ့စည်းထားပါတယ်။
