၂၀၀၈ ဖွဲ့စည်းပုံအခြေခံဥပဒေကို ဖျက်သိမ်းပေးရေးအတွက် မန္တလေးတိုင်းဒေသကြီး မဟာအောင်မြေမြို့နယ် မနော်ယမန်ပြည်သူ့ဟစ်တိုင်ကွင်းမှာ တက်ကြွလှုပ်ရှားသူတွေက ဆန္ဒပြတောင်းဆိုခဲ့ကြပါတယ်။
ဖက်ဒရယ်ပြည်ထောင်စုတည်ထောင်ရေး၊ ၂၁ ရာစုပြည်ထောင်စုငြိမ်းချမ်းရေးညီလာခံ အောင်မြင်ရေး ဒို့အရေး၊ ၂၀၀၈ ဖွဲ့စည်းပုံအခြေခံဥပဒေ အလိုမရှိစတဲ့ ကြွေးကြော်သံတွေနဲ့ မတ်လ ၁၈ရက်နေ့က ဆန္ဒထုတ်ဖော်ခဲ့ကြတာဖြစ်ပါတယ်။
ဆန္ဒပြရာမှာပါဝင်တဲ့ ကိုရဲဇော်ထွန်းက “၂၀၀၈ ခုနှစ်မှာ နာဂစ်မုန်တိုင်းကျလို့ ပြည်သူတွေဝမ်းနည်းပူဆွေးပြီး ဒုက္ခရောက်နေကြတဲ့အချိန်ကို အခွင့်ကောင်းယူပြီး အာဏာရှင်လူတစုက သူတို့ရဲ့ အခွင့်အရေးတွေ မပျောက်ပျက်ရေးကို ရှေးရူပြီး ဟောဒီ ၂၀၀၈အခြေခံဥပဒေဖွဲ့စည်းပုံကို ရေးဆွဲ ခဲ့တာဖြစ်တယ်။ ဒီ ၂၀၀၈ ဥပဒေကြောင့် ပြည်သူတင်ထားတဲ့ အစိုးရအနေနဲ့ ပြည့်ပြည့်ဝဝ ပြည်သူအတွက်လုပ်ချင်ပေမယ့် လုပ်လို့မရဘူး။ မတရားကောက်ကျစ်စဉ်းလဲတဲ့ လူတစုက ကိုယ်အာဏာရဖို့အရေး တည်မြဲဖို့အရေး ရေးဆွဲထားတဲ့ ဒီ ၂၀၀၈ဥပဒေကြီးကို ကျနော် အနေနဲ့ ဆန့်ကျင်ပါတယ်။”လို့ ပြောပါတယ်။
ကိုရာဇာထွန်း ကျောင်းသားသမဂ္ဂဥက္ကဋ္ဌ (ရမည်းသင်း)က“၂၀၀၈ အခြေခံဥပဒေကို ပြင်ဆင်ဖို့ရာမှာ တပ်မတော်ဘက်က မီးစိမ်းမပြမချင်းပြင်ဆင်ဖို့မလွယ်ဘူး။ ဥပဒေပြုရေး၊ အုပ်ချုပ်ရေး၊ တရားစီရင်ရေးတွေမှာ စစ်တပ်က လွှမ်းမိုးထားတာကို ကျနော်တို့အနေနဲ့ ဘယ်လိုမှ လက်မခံနိုင်ဘူး ပြင်ဆင်ဖို့ အရမ်းခက်ခဲတယ်။ ခက်ခဲအောင်လည်း လုပ်ထားတယ်။ အဲဒါကြောင့် အခြေခံဥပဒေကိုပြင်ဆင်ဖို့မလုပ်ဘဲဖျက်သိမ်းရမယ်။”လို့ ပြောပါတယ်။
ဒီဆန္ဒပြပွဲမှာ မန္တလေးမြို့က နိုင်ငံရေးတက်ကြွလှုပ်ရှားသူ ၁၅၀ နီးပါးတက်ရောက်ခဲ့ကြပြီး ၂၀၀၈ အခြေခံဥပဒေကို ကန်ကွက်တဲ့ တီရှပ်အင်္ကျီတွေ ဝတ်ဆင်ဆန္ဒပြခဲ့ကြပါတယ်။
