ဒီလ ၂၄ ရက်နေ့ညက ပဲခူးတိုင်း သာယာဝတီမြို့မှာ ဆန္ဒပြလူငယ်တွေကို ရဲစခန်းမှူးက ထိုးကြိတ်တဲ့အပေါ် အမျိုးသားဒီမိုကရေစီအဖွဲ့ချုပ် (သာယာဝတီမြို့နယ်) ရဲ့ သဘောထားကို မြို့နယ်အုပ်ချုပ်ရေးမှူးက ခေါ်ယူညှိနှိုင်း မေးမြန်းပါတယ်။
လျှပ်စစ်မီးရရှိရေး ဖယောင်းတိုင်ထွန်း ဆန္ဒပြတဲ့ လူငယ် ၅ ဦးကို သုံးဆယ်တံတားအနီးမှာ ရဲ ၁၆ ယောက်ခန့်က တားပြီး ရဲစခန်းမှူး ဦးစိန်ထွေးနဲ့ အရပ်ဝတ်တဦးက ကိုယ်ထိလက်ရောက် ထိုးကြိတ်ခဲ့ပါတယ်။ ဒီကိစ္စ မီဒီယာမှာပါလာပြီးတဲ့နောက် သတင်းတပ်ဖွဲ့က ထိုးကြိတ်ခံရသူ လူငယ်တွေကို မေးမြန်းခဲ့ပါတယ်။ ထိုးခံရတဲ့ လူငယ် ကိုအောင်မျိုး အပါအဝင် လူငယ်တချို့ဟာ အမျိုးသားဒီမိုကရေစီအဖွဲ့ချုပ်ဝင်တွေ ဖြစ်ကြပါတယ်။
ဒီနေ့ မြို့နယ်အုပ်ချုပ်ရေးမှူးက သာယာဝတီမြို့နယ်အဖွဲ့ချုပ် ဥက္ကဋ္ဌ ဦးအောင်မြင့်ကို မြို့နယ်အုပ်ချုပ်ရေးမှူးရုံးကို ခေါ်ယူမေးမြန်းပါတယ်။
ဦးအောင်မြင့်က “မေ ၂၄ရက် ညက ဖြစ်တာကို ခေါ်ယူညှိနှိုင်းဆွေးနွေးတာပေါ့။ အန်အယ်လ်ဒီ ပါတီအနေနဲ့ ဒီကိစ္စကို ဥပဒေအရ ဆက်လက် အရေးယူနိုင်မလားပေါ့။ ကျနော်တို့က ပြဿနာဖြစ်ပွားတဲ့ ကလေးသည် အန်အယ်လ်ဒီပါတီဝင် ဖြစ်တယ်။ ဒါပေမယ့် သူ့ရဲ့ နိုင်ငံရေး လှုပ်ရှားမှုက အန်အယ်လ်ဒီပါတီ တစုလုံးအနေနဲ့ လုပ်တာမဟုတ်ဘဲ သူတို့လူငယ်တစု လုပ်တာဖြစ်တဲ့အတွက် ရဲရဲ့ဥပဒေအရ တရားစွဲမှု မစွဲမှုသည် ကာယကံရှင် ကိုအောင်မျိုးနဲ့သာ အဓိက သက်ဆိုင်သည်လို့ ကျနော်တို့က ဖြေရှင်းချက်ပေးတယ်။ တကယ်လို့ ကိုအောင်မျိုးက အန်အယ်လ်ဒီ ပါတီဝင်ဖြစ်တဲ့အတွက် ပါတီက အရေးယူဆောင်ရွက်ပေးပါလို့ တင်ပြလာရင်လည်း ကျနော်တို့က အရေးယူဆောင်ရွက်ပေးမယ်လို့ ဖြေကြားလိုက်တယ်” လို့ ပြောပါတယ်။
ဒီတွေ့ဆုံရာမှာ မြို့နယ်ဥပဒေ အကြံပေးအရာရှိတွေ၊ မြို့နယ်ရဲတပ်ဖွဲ့မှူး၊ ထိုးကြိတ်တဲ့ ရဲစခန်းမှူး ဦးစိန်ထွေးနဲ့ မြို့နယ်ကော်မရှင် တာဝန်ရှိသူတွေပါ တက်ရောက်ကြတယ်လို့ ဆိုပါတယ်။ ပါတီက ကာယကံရှင် လူငယ်တွေကို ပါတီရုံးကို ခေါ်ထားတယ်လို့ သူက ဆက်ပြောပါတယ်။
“ကာယကံရှင် ကိုအောင်မျိုးတို့ကို ရုံးကိုခေါ်ထားတယ်။ သူတို့ကို ဖြစ်ပွားတဲ့ ပြဿနာနဲ့ ပတ်သက်ပြီး ပါတီအနေနဲ့ ဆောင်ရွက်ပေးရမှာလား။ တဦးချင်းစီအနေနဲ့ တရားစွဲဆိုရမှာလား ဆိုတာမေးမြန်းရမယ်။ ကလေးတွေကို ဆင့်ခေါ်ထားပါတယ်။”
လျှပ်စစ်မီးရရှိရေး ဆန္ဒပြပွဲတွေကို သာယာဝတီခရိုင် သုံးဆယ်မြို့မှာ မေ ၂၅ ရက်နေ့ညကလည်း လမ်းလျှောက် စီတန်းလှည့်လည်ခြင်းမပြုဘဲ သတ်မှတ်နေရာတွေမှာလုပ်ခဲ့ပြီး ၂၇ ရက်နေ့ထိ ဆက်လက် လုပ်ဆောင်သွားမယ်လို့ ဦးအောင်မြင့်က ပြောပါတယ်။
ဆန္ဒပြပွဲတွေကို ကျန်နေရာမှာ အကြမ်းဖက်မှုမရှိပေမယ့် ပြည်မြို့မှာလည်း ရဲက လူ ၆ ယောက်ကို ထိုးကြိတ်ဖမ်းဆီးပြီး ပြည်ထောင်အချုပ်မှာ စီတန်းလှည့်လည် ဆန္ဒပြခွင့် ဥပဒေပုဒ်မနဲ့ တရားစွဲထားပါတယ်။ လယ်သမားတွေဘက်ကလည်း ရိုက်နှက်သူ ရဲတွေကို သောကြာနေ့က ရဲစခန်းမှာ အမှုဖွင့်ရာ ရဲက အမှုလက်မခံတာကြောင့် လာမယ့် တနင်္လာနေ့ ရုံးဖွင့်ရက်မှာ တရားရုံးကို ဦးတိုက်လျှောက် တိုင်တန်းတော့မှာ ဖြစ်ပါတယ်။
မေ ၂၀ ရက်ကစလို့ လျှပ်စစ်မီးရရေး တောင်းဆိုဆန္ဒပြပွဲတွေ မန္တလေး၊ သုံးခွ၊ ရန်ကုန် မုံရွာနဲ့ ပေါင်းတည် စတဲ့နေရာတွေမှာ ဖြစ်နေတာပါ။
