ကာကွယ်ရေးဝန်ကြီးဌာနက အစိုးရထံ ပြန်လည်အပ်နှံတဲ့ မြေယာ ၁၉၆၉ ဧကထဲက ဧက ၆၀၀ ကျော်ကို နိုင်ငံတော် ဒုသမ္မတ ဦးဟင်နရီဗန်ထီးယူက ရှမ်းပြည်နယ် တောင်ပိုင်းရှိ မူလပိုင်ရှင်တောင်သူတွေကို မတ်လ ၁၄ ရက်နေ့က တောင်ကြီးမြို့ မြို့တော်ခန်းမမှာ ပြန်လည်လွှဲပြောင်းပေးအပ်ခဲ့ပါတယ်။
အဓ်ိက တပ်မတော် သိမ်းထားတဲ့မြေယာဖြစ်တဲ့ ရပ်စောက်မြို့နယ်နဲ့ ဖယ်ခုံမြို့နယ်တို့က လယ်မြေဧကတွေကို ပုံစံ-၃ ယာယီ ပြန်လည်လုပ်ပိုင်ခွင့်နဲ့ လွှဲပြောင်းပေးတာ ဖြစ်ပါတယ်။
ပြန်လည်စွန့်လွှတ်ပြီး ရရှိလာတဲ့ မြေယာတွေကို တောင်သူတွေအနေနဲ့ လယ်ယာစိုက်ပျိုးရေးအတွက် အကျိုးရှိအောင် အသုံးချဖို့ ဒုသမ္မတ ဟင်နရီဗန်ထီးယူက တိုက်တွန်းခဲ့ပါတယ်။
“ဒီနေ့ တရားဝင် ပိုင်ဆိုင်ခွင့်နဲ့ ပြန်လည်လုပ်ပိုင်ခွင့် ရရှိကြတဲ့ တောင်သူများအနေနဲ့ မိမိတို့ဒေသခံများအကြိုက် ဆန်စပါးမျိုးတွေအပြင် ပြည်ပကို တင်ပို့နိုင်ဖို့အတွက် အရည်အသွေးမြင့် ဆန်စပါးမျိုးကို ရွေးချယ် စိုက်ပျိုးဆောင်ရွက်ကြဖို့ တိုက်တွန်း မှာကြားချင်ပါတယ်။ နိုင်ငံအကျိုး၊ ပြည်သူ့အကျိုးကို ရှေးရှုပြီး လယ်ယာစိုက်ပျိုးရေးလုပ်ငန်းကို တိုးချဲ့မြှင့်တင်နိုင်ဖို့အတွက် သက်ဆိုင်ရာဌာန အဖွဲ့အစည်းများအနေနဲ့ ပြန်လည်စွန့်လွှတ်ဖို့ ကျန်မြေတွေကို စွန့်လွှတ်ပေးနိုင်ဖို့ ဆက်လက်ကြိုးပမ်းဆောင်ရွက်ဖို့ကိုလည်း တိုက်တွန်းလိုပါတယ်။ ပြန်လည်စွန့်လွှတ်မြေများကို လက်ခံရရှိတဲ့ တောင်သူလယ်သမားများအနေနဲ့ အကျိုးရှိရှိ ထိရောက်စွာ စိုက်ပျိုးထုတ်လုပ်နိုင်ဖို့ကိုလည်း ကြိုးစားပေးကြစေလိုပါတယ်။”
ဖယ်ခုံ၊ မိုးဗြဲမြေသိမ်းခံ တောင်သူ ကိုယ်စားလှယ် ကိုအောင်မျိုးခန့်က “ဝမ်းသာပါတယ်။ ကျနော်တို့ ဒီမြေတွေ ပြန်ရဖို့ ကြိုးစားလာတာလည်း ၅ နှစ်လောက်ရှိပြီ။ အပြည့်အဝတော့ ပြန်မရဘူးပေါ့နော်။ သူတို့ ပြန်စွန့်လွှတ်တဲ့ အနေအထားဖြစ်တဲ့အတွက် ဝမ်းသာ ဝမ်းနည်းလည်း ဖြစ်မိပါတယ်။ မြို့နယ်တခုလုံး အတိုင်းအတာဆိုရင်တော့ တပ်ပေါင်းက ၅ တပ်လောက် ရှိတယ်ဗျ။ ဧကပေါင်း ၆ ထောင်၊ ၇ ထောင်ကျော်လောက် ရှိတယ်။ လက်ရှိ ကျနော် ကိုင်တွယ်တဲ့ အမှုပေါင်းကတော့ ၄၂၂-တပ်ရင်းရဲ့ သိမ်းဆည်းမြေအမှုတွဲ အစိတ်အပိုင်းတခုလောက်ပဲ ကိုင်တွယ်ထားတာပါ။ ကျနော်တို့ တောင်းဆိုတာ ဧကပေါင်း ၅၀၀ ကျော်လောက်ပဲ။ ၃၀၀ ကျော်ကျော်လေးပဲ ပြန်ရရှိတာပါ။ ဧက ၁၅၀ ကျော်ကတော့ ဆက်ပြီးတောင်းဆိုနေဆဲပေါ့နော်။ အခု ပြန်စွန့်တဲ့မြေကို ကျနော်တို့ ရရှိပြီးပြီဆိုရင်တော့ စိုက်ပျိုးရေးအပိုင်းမှာ စပါးတွေ၊ ပြောင်းတွေ စိုက်ပျိုးကြမယ်။ တချို့ကတော့ ခြံမြေတွေ အားတော့မှ စိုက်ပျိုးကြမှာပေါ့” လို့ ပြောပါတယ်။
မတ်လ ၁၄ ရက်နေ့ လွှဲအပ်ပွဲမှာ ရပ်စောက်မြို့နယ်၊ အင်တောမြို့၊ နန်းကောင်မူကျေးရွာ အုပ်စုက အမှတ်-၃၅၃ ခြေမြန်တပ်ရင်းမှ မြေဧက ၃၇၆ နဲ့ ဖယ်ခုံမြို့နယ် မိုးဗြဲကျေးရွာအုပ်စုက ခြေမြန်တပ်ရင်း ခြေမြန်တပ်-၄၂၂ မှ မြေဧက ၃၇၇ ဒသမ ၇၃ ဧကအနက် မြေဧရိယာ ၂၄၆ ဒသမ ၄၈ ဧက အပါအ၀င် သိမ်းဆည်မြေယာတွေကို ပြန်လည်လွှဲပြောင်းပေးအပ်ခဲ့တယ်လို့ သိရပါတယ်။
သတင်း - ခွန်ရာဇာ
