မြန်မာနိုင်ငံကနေ ထိုင်းနိုင်ငံကို ဖြတ်ကျော်ပြီး မလေးရှားနိုင်ငံထဲ တရားမ၀င် ၀င်ရောက်မယ့် မြန်မာနိုင်ငံသား ၆ ဦးကို ထိုင်းရဲကဖမ်းဆီးလိုက်ပါတယ်။
ဖေဖော်ဝါရီ ၂၆ ရက် ည ၁၁ နာရီလောက်က ထိုင်းတောင်ပိုင်း ဆုန်ခလာခရိုင် ဆဒေါင်းမြို့နယ် ဆမ်နပ်ခန်ရပ်ကွက်ထဲမှာ မလေးရှားဘက် ခိုးဝင်မယ့် မြန်မာ ၆ ဦးကို ဖမ်းဆီးရမိ တယ်လို့ ချယ်နယ် ၈ ထိုင်းတီဗွီသတင်းမှာ ဖော်ပြပါတယ်။
အမှတ် ၄၃၀၄ ထိုင်းနယ်ခြားစောင့်ရဲတပ်ဖွဲ့နဲ့ သတင်းတပ်ဖွဲ့တာဝန်ရှိသူတွေဟာ နယ်မြေတွင်းစောင့်ကြပ်စဉ် ကားတစ်စီးဝင်ရောက်လာပြီး ပြန်ထွက်သွားတဲ့အသံကို ကြားရ ကြောင်း၊ ခဏအကြာ လူတစ်စုက ခြေလျင်လျှောက်ပြီး ဖြတ်သန်းလာတာကြောင့် တာဝန်ရှိ သူတွေက စစ်ဆေးဖို့ရပ်ခိုင်းရာမှာ အချို့ကတောတွင်းအမှောင်ထဲ ထွက်ပြေးလွတ်မြောက်သွားပြီး ၆ ဦးကိုသာ ဖမ်းမိတယ်လို့ နယ်ခြားစောင့်ရဲတပ်ဖွဲ့က သတင်းထောက်ကို ပြောပါတယ်။
သူတို့ထဲမှာ အမျိုးသား ၄ ဦး၊ အမျိုးသမီး ၂ ဦးပါဝင်ပြီး ထိုင်းစကား အနည်းငယ် ပြောတတ်သူ တဦးပြောပြချက်အရ သူတို့ဟာ မြန်မာပြည် ရခိုင်ပြည်နယ်ဘက်ကဖြစ်ကြောင်း၊ မလေးရှားဘက်ကို တရားမ၀င်အလုပ်သွားလုပ်ဖို့ မြန်မာပွဲစားတစ်ဦးအဆက်အသွယ်နဲ့ လူတစ်ဦးလျှင် ကျပ် ၆ သိန်း (ထိုင်းဘတ်ငွေ တစ်သောင်းကျော်) ပေးကာ ရောက်ရှိလာတာဖြစ်ပြီး မလေးဘက်ကလူ လာအခေါ်ကို စောင့်ဆိုင်းစဉ် ခုလိုအဖမ်းခံရတာလို့ ဆိုပါတယ်။
သူတို့အားလုံးကို တရားမ၀င် ၀င်ရောက်မှုနဲ့အရေးယူဖို့ ဆဒေါင်းမြို့နယ် လ၀ကရဲရုံးကို ဆက်လက်ပို့ဆောင်ထားတယ်လို့ ဆိုပါတယ်။
ထိုင်းတောင်ပိုင်းအခြေစိုက် ပညာရေးနဲ့ဖွံ့ဖြိုးတိုးတက်ရေး ဖောင်ဒေးရှင်း FED မှ ကိုမင်းဦးက သူတို့အဖွဲ့အနေနဲ့ အဖမ်းခံထားရသူတွေကို သွားရောက်ကြည့်ရှု အားပေးခဲ့ရာမှာ ၄ ကြိမ်ရှိခဲ့ပြီဖြစ်ပြီး ပြီးခဲ့တဲ့ ဖေဖော်ဝါရီ ၂၄ ရက်က သွားကြည့်ခဲ့တဲ့ အုပ်စုမှာ ၂၀ ဦးရှိတယ်လို့ ဒီဗွီဘီကို ပြောပါတယ်။
“ ကျနော်တို့သွားကြည့်တဲ့ အုပ်စုထဲမှာ မလေးကိုသွားဖို့ လုပ်မယ့်သူ တွေက ၂၀ ဦးနဲ့ ပတ်စ်ပို့ကိစ္စနဲ့ အဖမ်းခံထားရတာက ၁ ယောက် ပေါင်း ၂၁ ယောက်ပေါ့။ ပွဲစားက လာထားသွားတဲ့နေရာမှာစောင့်ရင်း စစ်တပ်နဲ့ရဲကရောက်လာလို့ ဖမ်းခံထိကြတာ။ အရင် အုပ်စုတွေကတော့ လွတ်သွားပြီ၊ အဖမ်းခံရသူတွေကို လက်မှတ်ရှိသူ မရှိသူ၊ ရောက်လာတဲ့ အကြောင်းရင်း၊ ဘယ်ပွဲစားနဲ့လာလဲ။ လူကုန်ကူးမှုမြောက်မမြောက် အဲဒါတွေကို စစ်ဆေး၊ တရားရုံးတင်ပြီးမှ ပြန်လွတ်တော့ အမှုပေါ်မူတည်ပြီး တချို့က ၄- ၅ လ၊ တချို့က တစ်လ နှစ်လ အဲလိုကြာတတ်တယ်”
သူတို့သွားကြည့်တဲ့ လူတွေထဲမှာ အမျိုးသမီး ၄ ဦးပါပြီး သူတို့လိုအပ်တဲ့ တကိုယ်ရေသုံး ပစ္စည်းတွေ စားစရာတွေ ပို့ဆောင်ပေးခဲ့ကြောင်း၊ သူတို့တွေဟာ မြန်မာပြည် မော်လမြိုင်၊ ရန်ကုန်၊ နေပြည်တော်စတဲ့ အနယ်နယ်အရပ်ရပ်က မတူတဲ့ပွဲစားတွေနဲ့ သီးသန့်စီရောက်လာတာလို့ ဆိုပါတယ်။
မြန်မာပြည်ကနေ ထိုင်းကိုဖြတ်ပြီး မလေးရှားဘက်ဝင်မယ့်သူတွေထဲ အချို့မှာ ပွဲစားက တောထဲမှာ ရက်ပေါင်းရှည်ကြာ စွန့်ပစ်ထားပြီး မလေးရှားဘက်ကလည်း လာမခေါ်တာကြောင့် စားဝတ်နေရေး အခက်အခဲဖြစ်လာကာ တာဝန်ရှိသူတွေထံ လာရောက်အဖမ်းခံတာတွေလည်း ရှိခဲ့ပါတယ်။
