ရန်ကုန်တိုင်း လှိုင်သာယာစက်မှုဇုန်ရှိ ပရီမီယာကော်ဖီမစ်စက်ရုံက ဆန္ဒပြ အလုပ်သမားတွေဟာ အလုပ်သမားအခွင့်အရေးချိုးဖောက်ခံနေရတာတွေနဲ့ ပတ်သက်လို့ ဖေဖော်ဝါရီ ၂၁ ရက်က မီဒီယာတွေကို သတင်းစာရှင်းလင်း ပြောကြားလိုက်ပါတယ်။
အလုပ်သမားတွေရဲ့ ဆန္ဒပြတောင်းဆိုချက်တွေမရမချင်း ပရီမီယာကော်ဖီစက်ရုံက ထုတ်ကုန်တွေမသောက်ကြဖို့လည်း ဆန္ဒပြအလုပ်သမားခေါင်းဆောင် မခိုင်ခင်မိုးကတောင်းဆိုပါတယ်။
“ကျမတို့အလုပ်သမားတွေကို နည်းမျိုးစုံနဲ့ လူ့အခွင့်အရေး ချိုးဖောက်နေတာတွေအတွက် တောင်းဆိုနေတာပါ။ သူတို့ဘက်က လာရောက်ညှိနှိုင်းတာမဟုတ်ပဲ သူတို့လိုချင်တာတွေကိုပဲ လာပြောသွားတာချည်းပဲ။ ကျမတို့ တောင်းပန်ချင်တာကတော့ ကျမတို့အလုပ်သမားတွေ ပြေလည်မှု မရမချင်း ပရီမီယာကော်ဖီ စက်ရုံက ထွက်တာတွေကို မစားသုံးကြပါနဲ့”
အလုပ်သမားတွေအနေနဲ့ လုပ်ခလစာနဲ့ပတ်သက်တာတွေ ကျန်းမာရေးခံစားခွင့်၊ ခွင့် ခံစားခွင့်၊ တန်းတူညီမျှမှု အပါအဝင် တောင်းဆိုချက် ၁၅ ကို တောင်းဆိုထားပါတယ်။
ဒီတောင်းဆိုချက်တွေထဲမှာ ၆ ချက်ဟာ ဥပဒေပါအခွင့်အရေးဖြစ်လို့ အလုပ်ရှင်ကိုယ်စားလှယ်တွေ ဘက်က မူလက လိုက်လျောထားပေမယ့် အခုနောက်ပိုင်းမှာတော့ ဒီအချက်တွေကို ခံစားခွင့် မပေးတော့ဘူးလို့ပါတယ်။
ပရီမီယာကော်ဖီစက်ရုံနဲ့ အလုပ်သမားတွေအငြင်းပွားမှုဟာ ဖေဖော်ဝါရီ ၂ ရက်နေ့ကနေ စတင်ခဲ့ပြီး ညှိနိူင်းမှု ၅ ကြိမ်လုပ်ခဲ့ပြီး အခုချိန်ထိပြေလည်မှု မရသေးတာပဲဖြစ်ပါတယ်။ အလုပ်သမားတွေရဲ့ တောင်းဆိုချက်တွေနဲ့ ပတ်သက်ပြီး အလုပ်ရှင် ပရီမီယာကော်ဖီ မစ်စက်ရုံတာဝန်ရှိသူတွေဘက်တော့ ထုတ်ဖော်ပြောဆိုတာ မရှိသေးပါဘူး။
