ရခိုင်ပြည်နယ်၊ မြေပုံမြို့နယ်မှာ လုပ်သေနတ် ၂ လက်နဲ့ ဆက်စပ်ပစ္စည်းတွေ ဖေဖော်ဝါရီ ၁၇ ရက်နေ့ မနက် ၁၀ နာရီခွဲလောက်က ဖမ်းဆီးရမိခဲ့ပါတယ်။

ကိုရံပြင်နယ်မြေရဲစခန်းမှ တပ်ဖွဲ့ဝင်တွေဟာ မြေပုံမြို့နယ် ပြည့်ချောင်းကျေးရွာနေ ဦးလှရွှေ (၄၂-နှစ်) ရဲ့ နေအိမ်အား ဝင်ရောက် ရှာဖွေရာ အရှည် ၅ ပေ၊ ၄ လက်မလောက်ရှိ လုပ်သေနတ် ၂ လက်၊ ယမ်းစိမ်း ၂ ကျပ်ခွဲသား၊ ခဲသီး ၉ လုံး၊ ယမ်းခွေ ၉၀ ခု၊ ကျောပိုးအိတ် ၁ လုံးတို့ကို ဖမ်းဆီးရမိခဲ့တယ်လို့ ဆိုပါတယ်။

ဖမ်းဆီးရမိတဲ့ ဦးလှရွှေကို မြေပုံမြို့မရဲစခန်းက လက်နက်ဥပဒေ ပုဒ်မ ၁၉(စ) နဲ့ အမှုဖွင့် စစ်ဆေးနေကြောင်း သိရပါတယ်။

ဓာတ်ပုံ - ပြည်ထဲရေး