စစ်ကိုင်းတိုင်း ဗန်းမောက်မြို့မှာ  ဗိုလ်ချုပ်အောင်ဆန်းရဲ့ ၁၀၃နှစ်ပြည့်မွေးနေ့ကို ဂုဏ်ပြုတဲ့အနေနဲ့ ဗိုလ်ချုပ်အောင်ဆန်းပုံစံတူ ကြေးရုပ်တုကို ဒီနေ့မနက်ပိုင်းက ဖွင့်လှစ်ခဲ့ပါတယ်။

ဗိုလ်ချုပ်ကြေးရုပ်တုဟာ ကြေးပိဿာချိန် ၃၀၀နဲ့ ထုလုပ်ထားပြီး အမြင့် ၉ ပေရှိကာ ငွေကျပ်သိန်း ၂၀၀ ကျော်ကုန်ကျတယ်လို့သိရပါတယ်။

ကြေးရုပ်ကို ဗန်းမောက်မြို့နယ်အထွေထွေ အုပ်ချုပ်ရေးမှူးရုံးဝင်း လွတ်လပ်ရေး ကျောက်တိုင်ရှေ့မှာထားရှိပြီး  ကြေးရုပ်ဖွင့်ပွဲကိုတော့ လွှတ်တော်အမတ်တွေ၊ ဌာနဆိုင်ရာ တာဝန်သူတွေနဲ့ ပြည်သူတွေတက်ရောက်ခဲ့ကြပါတယ်။

ဒ့ါအပြင် ဗန်းမောက်မြို့နယ်က ကဒူးကနန်းတိုင်းရင်းသားတွေရဲ့ ရိုးရာအကတွေ၊ တေးသီချင်းတွေ၊ ရှမ်းနီတိုင်းရင်းသားတွေရဲ့ အကတွေ၊ တေးသီချင်းတွေနဲ့ သီဆိုဖျော်ဖြေခဲ့ကြပါတယ်။