အမျိုးသမီး ၂ ဦးအား ဓားနဲ့ခုတ်သူကို ရဲတပ်ဖွဲ့ဝင်တွေနဲ့ တာဝန်ရှိသူတွေ သွားရောက်တားမြစ်စဉ် ပြန်လည်ရန်ပြုတဲ့အတွက် Pump Action သေနတ်နဲ့ ပစ်ခတ်ဖမ်းဆီးခဲ့တယ်လို့ ပြည်ထဲရေးက သတင်းထုတ်ပြန်ပါတယ်။
ဒီနေ့ မနက် ၇ နာရီခွဲက ကွမ်းခြံကုန်းမြို့နယ်၊ ကန်လျားရှည်ရွာနေ ဦးဖိုးချိုနေအိမ်ကို အလည်ရောက်နေတဲ့ ငရဲ (ခ) ရန်ကွိုင်း(၃၀ နှစ်)က ဦးဖိုးချိုနဲ့ ဇနီးဖြစ်သူဒေါ်ခင်သိန်းတို့ စကားပြောနေတုန်းမှာ တုတ်နဲ့ရိုက်ခဲ့တယ်လို့ ဆိုပါတယ်။ ပြီးတော့ တူမဖြစ်သူ မလဲ့လဲ့ဝင်း ကိုလည်း ဓားမနဲ့ ခုတ်လို့ အသီးသီးဒဏ်ရာ ရရှိခဲ့ပါတယ်။ ကျေးရွာတာဝန်ရှိသူတွေက ထိန်းသိမ်းဖို့ သွားတဲ့အခါ ငရဲက ပြန်လည်ရန်ပြုတာကြောင့် ရဲတပ်ဖွဲ့ဝင်တွေက Pump Action သေနတ်နဲ့ ပစ်ခတ်ဖမ်းဆီးခဲ့ရတာပါ။
ငရဲဆိုသူဟာ ရှမ်းပြည်နယ် နမ့်ခမ်းမြို့နယ်၊ မန်ဘူးရွာမှာ နေထိုင်ပြီး လွန်ခဲ့တဲ့ ၂ ရက်လောက်က ဦးဖိုးချိုအိမ်ကို အလည်လိုက်လာတာလို့ သိရပါတယ်။
ငရဲ(ခ)ရန်ကွိုင်းဟာ နေအိမ်အပေါ်ထပ်မှာ ဓားကိုင် ပုန်းအောင်းနေတာကြောင့် အိမ်အောက်ကို ဓားချ အဖမ်းခံဖို့ အကြိမ်ကြိမ်ပြောပေမယ့် အောက်ကို မဆင်းခဲ့ဘူးလို့ ထုတ်ပြန်ဖော်ပြထားပါတယ်။ ဒါကြောင့် ရဲတပ်ဖွဲ့ဝင်တွေက နေအိမ်အပေါ်ကိုတက်ပြီး ဖမ်းတဲ့အခါ ဓားနဲ့ခုတ်၊ ရန်ပြုခဲ့တာကြောင့် Pump Action သေနတ်နဲ့ ပစ်ခတ်ဖမ်းဆီးခဲ့ရတယ်လို့ ထုတ်ပြန်ပါတယ်။
ဒေါ်သိန်းမှာ ငရဲဓားနဲ့ ခုတ်တဲ့ ဒဏ်ရာကြောင့် ဦးခေါင်းနောက်စေ့ ပေါက်ပြဲဒဏ်ရာ ရရှိခဲ့ပြီး ဒေါ်ခင်သိန်းရဲ့ တူမဖြစ်သူ မလဲ့လဲ့ဝင်းမှာ ဦးခေါင်း နောက်စေ့ပြတ်ရှဒဏ်ရာ၊ အုတ်နီခဲနဲ့ ထုတာကြောင့် ငယ်ထိပ်ပေါက်ပြဲဒဏ်ရာ ရရှိခဲ့ပါတယ်။
ငရဲ(ခ)ရန်ကွိုင်းတွင် နဖူး၊၀ဲ/ယာလည်ပင်း၊ ၀ဲနံစောင်းပွန်းပဲ့၊ ၀ဲလက်ဖျံ၊ ၀ဲပေါင်၊ ၀ဲဒူး၊ ခြေထောက်၊ လက်၊ ပခုံးတို့တွင်ဒဏ်ရာရရှိခဲ့တဲ့အတွက် လက်ခုတ်ကုန်းပြည်သူ့ဆေးရုံကို ရဲတပ်ဖွဲ့ဝင်တွေက ပို့ဆောင်ကာ ဆေးကုသမှုခံယူနေပါတယ်။
ရဲတပ်ဖွဲ့ဝင်တွေနဲ့ တာဝန်ရှိသူတွေကို ပြန်လည်ခုခံရန်ပြုသူ ငရဲ(ခ)ရန်ကွိုင်းကို ဥပဒေအရ ဆက်လက် အရေးယူဆောင်ရွက်သွားမယ်လို့ သိရပါတယ်။
