မြန်မာဘက်ကို ခိုးဝင်လာတဲ့ အကြမ်းဖက်သမားလို့ ယူဆရတဲ့ ဘဂါင်္လီ ၃ ဦးကို ပစ်ခတ်ဖမ်းဆီးရာမှ ၁ ဦး အသေဖမ်းမိခဲ့တယ်လို့ ရဲမှူး ၀င်းကျော်က ပြောပါတယ်။
ဇန်နဝါရီ ၂၆ ရက်နေ့ ည ၈ နာရီခွဲလောက်က ရခိုင်ပြည်နယ် မောင်တောမြို့ အမှတ်(၁) ဝင်/ထွက်စခန်း (POE) နဲ့ မောင်နီရွာ ကင်းစခန်းကြားမှာရှိတဲ့ ခြံစည်းရိုးတလျှောက်မှာ ကင်းစခန်း တာဝန်ရှိသူတွေ လှည့်ကင်းဆောင်ရွက်နေတဲ့အချိန်မှာ အနောက်မြောက်ဘက်မှာ မသင်္ကာဖွယ် လူ ၃ ဦး တွေ့တဲ့အတွက် ဓာတ်မီးထိုးကြည့်ရာ နယ်စပ်ခြံစည်းရိုးဖောက်ကာ ထွက်ပြေးသွားတာကြောင့် ပစ်ခတ်ဖမ်းဆီးခဲ့ရပြီး ၁ ဦး အသေနဲ့ ၂ ဦးက ထွက်ပြေးလွတ်မြောက်သွားခဲ့တယ်လို့ ပြောပါတယ်။
"ကျနော်တို့က ခြံစည်းရိုးတလျှောက်ကင်းလှည့်စဉ် သူတို့ ၃ ဦးက ခိုးဝင်လာတော့ ဖမ်းမိဖို့ကြိုးစားခဲ့တယ်။ ပြီးတော့ ပစ်ခတ်ပြီး ၁ ဦးအသေ ဖမ်းမိထားပါတယ်။ အခု မောင်တောဆေးရုံကို ပို့ထားပါတယ်။ ဘယ်သူဆိုတာ အခုထိအတည်မပြုနိုင်သေးပါဘူး။ မောင်နီရွာကျေးရွာ အုပ်ချုပ်ရေးမှူးကို စုံစမ်းဖော်ထုတ်ဖို့ တာဝန်ပေးထားပါတယ်။ အကြမ်းဖက်ဖို့ ခိုးဝင်လာတာတော သေချာပါတယ်” လို့ ရဲမှူး ၀င်းကျော်က ပြောပါတယ်။
အလောင်းနဲ့အတူ ၂၀ လက်မအရွယ် သံပုဆိန် ၁ လက်၊ သံရိုက် ဆိတ်ချို ၁ လက်၊ အရိုးအသွား ၉ လက်မခန့်ရှိ ဓားဦးချွန် ၁ လက်၊ အရိုးပြုတ် ဆောက် ၁ လက်၊ ၁၀ လက်မအရွယ် ဝက်အူလှည့် ၁ ချောင်း၊ ဆေးထိုးအပ်အသေး ၁ ချောင်း၊ တရုတ်လုပ် ဓာတ်မီး ၁ လက်၊ အရိုးအသွား ၁၃ လက်မအရွယ် ဓားမြှောင် ၁ ချောင်း နဲ့ သံပတ္တာ ၁ ခု ရှာဖွေဖမ်းဆီးရမိတယ်လို့ အတည်ပြုပြောကြားခဲ့ပါတယ်။
