ပညာရေးအသုံးစရိတ် တိုးမြှင့်ပေးရေးအတွက် မန္တလေးရတနာပုံတက္ကသိုလ်မှာ ဆန္ဒထုတ်ဖော်နေကြတဲ့ သပိတ်စခန်းကို ဇန်နဝါရီ ၂၅ ရက်မနက် ၄နာ၇ီခွဲလောက်မှာ အာဏာပိုင်တွေက ၀င်ရောက်ဖြိုခွင်းပြီး ကျောင်သားတွေကို နေရပ်ပြန်ပို့ဆောင်လိုက်ပါတယ်။
မန္တလေးတိုင်းရဲတပ်ဖွဲ့နဲ့ သက်ဆိုင်ရာ မြို့နယ်အုပ်ချုပ်ရေးမှူးတွေ၊ ရတနာပုံ တက္ကသိုလ်ကျောင်းက ဆရာဆရာမတွေက သပိတ်စခန်းဖွင့် တိုက်ပွဲဝင်တောင်းဆိုနေကြတဲ့ ကျောင်းသား ၁၅၀ ကျော်ကို မန္တလာသီရိ အားကစားကွင်းထဲကို ပို့ဆောင်ကာ မန္တလေးတိုင်းဝန်ကြီးချုပ်ကတွေ့ဆုံပြီးနောက် နေရပ်ကိုပြန်ပို့ဖို့ စီစဉ်ပေးခဲ့ပါတယ်။
ဆန္ဒပြရာမှာပါဝင်တဲ့ မြင်းခြံက ကျောင်းသားတဦးက “ကျနော်တို့ကိုဆွဲခေါ်ဖမ်းတဲ့အခါမှာ မျက်နှာဖုံးအုပ်ထားတဲ့ လူ ၁၅၀ကျော်က ဆွဲဖမ်းပြီး ဖုန်းတွေကိုပါ တခါထဲသိမ်းသွားခဲ့တယ်။ ဖမ်းဆီးတဲ့အထဲမှာ အမျိုးသမီးတွေရောပါတာတွေ့တယ်။ မနက် ၇နာရီလောက်မှာ ထွေအုပ်တွေ ရောက်လာပြီး ရဲတွေက နာမည်တွေ၊ နေရပ်တွေမေးပြီးပြန်ပို့တယ်။ ကျနော်ကတော့ မြင်းခြံကဆိုတော့ မြင်းခြံအုပ်ချုပ်ရေးမှူးရုံးကနေပြီး မိဘတွေဆီပြန်အပ်တယ်။ မိဘတွေဆီပြန်ပို့တဲ့ သဘောပါ။ ကျောင်းကပြန်လာတက်မှာပါ အကြမ်းဖက်တာတော့မဟုတ်ဘူး”လို့ ပြောပါတယ်။
ပညာရေးစရိတ်တိုးမြှင့်ပေးရေး တိုက်ပွဲကော်မတီဝင်က ရတနာပုံတက္ကသိုလ် တတိယနှစ် ဥပဒေကျောင်းသား ကိုကျော်သီဟရဲကျော်က “ကျနော်တို့ကို ဖြိုခွင်းလိုက်တာပါ။ ကျနော်တို့က ကျောင်းသားတွေပါ။ ကျောင်းသားတွေရဲ့တောင်းဆိုမှုကို ပြည်သူတွေက တင်မြှောက်ထားတဲ့ အစိုးရ အနေနဲ့ ညှိနှိုင်းမှုမလုပ်ဘဲ အခုလိုလုပ်တာဟာ ပြောင်းလဲပါပြီဆိုပြီး ပြောနေပေမယ့် ဘာမှမပြောင်းလဲသေးဘူး။ အရင်ပုံစံအတိုင်းဘဲ ဆိုတာကို ပြသလိုက်တာပါပဲ။ ပညာရေးနဲ့ ပတ်သက်ပြီး အုပ်ချုပ်ရေးမှူးတွေပိုင်းက အခုအချိန်ထိ ဝင်ရောက်စွက်ဖက်နေတုန်းပါပဲ။ ကျောင်းထဲမှာတောင်မှ အခုလိုမျိုး ဝင်ရောက်ဖမ်းဆီးနေတုန်းပဲဆိုတာ ဒီမိုကရေစီလမ်းကြောင်ကို သွားနေပါတယ်ဆိုတဲ့ လမ်းကြောင်းမှာ ဒါဟာအခုအချိန်အထိ ဒီအုပ်ရေးပိုင်းက ဝင်ရောက်စွက်ဖက်မှုတွေ ရှိသေးတယ်ဆိုတာကို ပြသလိုက်တာ”လို့ ပြောပါတယ်။
ပညာရေးစရိတ်တိုးမြှင့်ပေးရေး တိုက်ပွဲကော်မတီဝင် ၇ ဦးအနေနဲ့ တွေ့ဆုံ တိုင်ပင်ဆွေးနွေးပြီး ရှေ့ဆက်တိုက်ပွဲကို အရှိန်မြှင့်လုပ်ဆောင်သွားမယ်လို့ပြောပါတယ်။
