အိုင်းလိုင်နာ (eye liner) ကြောင့် ဘာတွေထိခိုက်နိုင်သလဲ

အိုင်းလိုင်နာ (eye liner) သုံးတော့မယ်ဆိုရင် သိထားသင့်တဲ့အချက်တွေကဘာတွေဖြစ်မလဲ

မျက်ခမ်းစပ်အတွင်းသားနဲ့အပြင်ဘက်ကို အိုင်းလိုင်နာဆိုးတာက မျက်လုံးလေးတွေ ဝင့်ဝင့်ကြွားကြွားလေးနဲ့လှပနေစေဖို့ မိတ်ကပ်ပညာရှင်တွေ အသုံးပြုတဲ့ မိတ်ကပ်ဖန်တီးမှုတစ်ရပ်ပါ။ ဒါပေမယ့် အိုင်းလိုင်နာကို မျက်လုံးနဲ့တအားကပ်ပြီးဆွဲမယ်ဆိုရင်တော့ ရေရှည်မှာ မျက်စိကိုထိခိုက်မှုတွေဖြစ်လာစေနိုင်တာကို သိပ္ပံပညာရှင်တွေက တွေ့ရှိခဲ့ပါတယ်။ အိုင်းလိုင်နာခဲတံကို မျက်ခမ်းအတွင်းသားမျာ ဆိုးတာက အိုင်းလိုင်နာအမှုန်တွေကို မျက်စိထဲဝင်စေပြီး မြင်အာရုံဆိုင်ရာ ပြဿနာတွေကိုဖြစ်စေနိုင်တယ်၊လို့လေ့လာမှုတစ်ရပ်မှာဖော်ပြထားပါတယ်။ အိုင်းလိုင်နာတွေမှာ များသောအားဖြင့် ဖယောင်း။အဆီ၊ဆီလီကွန်ဒြပ်ပေါင်းတွေနဲ့ သဘာဝသစ်စေးလိုအရာတွေပါဝင်ထုတ်လုပ်ထားတာ ဖြစ်ပါတယ်။ အဆိုပါ ပစ္စည်းတွေကို မျက်ခမ်းမှာ အိုင်းလိုင်နာကိုကြာရှည်ခံစေဖို့အသုံးပြုထားတာဖြစ်ပါတယ်။

မျက်လုံးကို ခိုးလိုးခုလုဖြစ်စေခြင်း

မျက်ခမ်း အတွင်းပိုင်းကိုရော အပြင်ဘက်ကိုပါ အိုင်းလိုင်နာဆိုးစေပြီး ၁၅ မိနစ်ကြာထားပြီးတဲ့နောက်မှာတော့ အိုင်းလိုင်နာမှာပါတဲ့ အမှုန်တွေရဲ့ ၁၅ ရာခိုင်နှုန်းကနေ ၂၀ ရာခိုင်နှုန်းလောက်မျက်စိထဲဝင်သွားတာကိုတွေ့ရှိခဲ့ရပါတယ်။ အိုင်းလိုင်နာကို မျက်ခမ်းအတွင်းပိုင်းမှာ အသုံးပြုတာက မျက်ခမ်းအပြင်ဘက်မှာဆိုးတာထက် မျက်လုံးထဲမှာ အလွှာပါးလေးတစ်ခုကွယ်နေသလိုဖြစ်ပေါ်စေတယ်ဆိုပါတယ်။ အိုင်းလိုင်နာမှာပါတဲ့ အမှုန်တွေက မျက်စိခြောက်သွေ့တတ်တဲ့သူတွေနဲ့ မျက်လုံးက အချို့ဓာတုပစ္စည်းတွေနဲ့ ဓာတ်မတည့်တာနဲ့ မျက်ကပ်မှန်တပ်သူတွေအနေနဲ့ မျက်ခမ်းအတွင်းပိုင်းမှာ အိုင်းလိုင်နာဆိုးတာက မျက်လုံးအတွင်းမှာခိုးလိုးခုလုဖြစ်စေနိုင်ပါတယ်။ မျက်လုံးတွေကျိန်းစပ်တာနီရဲတာတွေကိုလည်းဖြစ်ပေါ်ခံစားရစေနိုင်ပါတယ်။မျက်ခမ်းအတွင်းပိုင်းမှာ အိုင်းလိုင်နာဆိုးတာက မျက်စိရောဂါတွေကိုဖြစ်ပေါ်စေနိုင်ပါတယ်။

သက်တမ်းကြာနေတဲ့ အိုင်းလိုင်နာတွေမှာ ဘက်တီးရီးယားတွေရှိနေနိုင်ခြင်း

သက်တမ်းကြာနေတဲ့ အိုင်းလိုင်နာတွေမှာ ဘက်တီးရီးယားတွေပေါက်ဖွားနေနိုင်ပါတယ်။ အိုင်းလိုင်နာ ခဲတံကို ဆိုးခါနီးတိုင်း ချွန်ပြီးထိပ်ပိုင်းလေးကိုအနည်းငယ်ချိုးပေးတာက မျက်လုံးထဲကို ပိုးကူးစက်ဝင်ရောက်ခြင်းမဖြစ်အောင်ကာကွယ်ပေးနိုင်ပါတယ်။ မျက်လုံးထဲကို ပိုးတွေမဝင်ရောက်စေဖို့ အိပ်ခါနီးတိုင်းအိုင်းလိုင်းနာတွေနဲ့ မျက်လုံးနားတဝိုက်မှာလိမ်းထားတဲ့ မိတ်ကပ်တွေကိုဖျက်ပစ်ပါ။ အိုင်းလိုင်နာ ဆိုးနည်းမမှန်တာကလည်း မျက်လုံးကိုထိခိုက်စေနိုင်ပါတယ်။

အိုင်းလိုင်နာကို သန့်ရှင်းအောင်ထားပါ။

အိုင်းလိုင်နာနဲ့ မျက်လုံးအနီးတဝိုက်မှာ အသုံးပြုတဲ့ အလှကုန်တွေက ဝယ်ဝယ်ချင်းမှာ ဘေးကင်းပေမယ့် သေသေချာချာမထိန်းသိမ်းရင် အန္တရာယ်ရှိတဲ့ ဘက်တီးရီးယားတွေနဲ့မှိုပိုးတွေပေါက်ဖွားလာနိုင်ပါတယ်။ ထိုအလှကုန်တွေကို မျက်စိအနားတဝိုက်မှာအသုံးပြုမိမယ်ဆိုရင် မျက်စိထဲကို ပိုးဝင်ကူးစက်တာတွေဖြစ်ပေါ်နိုင်ပါတယ်။ အိုင်းလိုင်နာကနေ ပိုးကူးစက်တာကြောင့် အမျိုးသမီးတွေမှာ အမြင်အာရုံ ခေတ္တ ဆုံးရှုံးသွားတာမျိုးဖြစ်ပေါ်ခံစားရနိုင်ပါတယ်။ မျက်ခွံတွေက နုနယ်တဲ့ ခန္ဓာကိုယ်အစိတ်အပိုင်းတွေဖြစ်သလို ဓာတ်မတည့်တာ၊ စပ်ဖျဉ်းဖျဉ်းဖြစ်တာနဲ့မျက်လုံးအနီးတဝိုက်မှာ အခြားထိခိုက်မှုဗတွဖြစ်စေနိုင်တာကြောင့် အိုင်းလိုင်နာအပါအဝင် မျက်လုံးခြယ်သဖို့အတွက်အသုံးပြုတဲ့ အလှကုန်တွေရဲ့ ပါဝင်ပစ္စည်းတွေကို အရင်ဆုံး သေချာကြည့်ရှု့သင့်ပါတယ်။

အိုင်းလိုင်နာနဲ့ မျက်လုံးခြယ်သတဲ့ အလှကုန်တွေအသုံးပြုတော့မယ်ဆိုရင် ဒီအချက်လေးတွေကို သတိထားပေးပါ။

မျက်လုံးခြယ်သရာမှာအသုံးပြုတဲ့ အလှကုန်တွေကြောင့် စပ်ဖျဉ်းဖျဉ်းဖြစ်တယ်လို့ခံစားရရင် ဆက်မသုံးပါနဲ့။ မသက်သာဘဲအချိန်ကြာမြင့်စွာခံစားနေရမယ်ဆိုရင်တော့ ဆရာဝန်နဲ့ပြသပါ။
မျက်စိမှာကူးစက်ရောဂါ ခံစားနေရရင်ဖြစ်ဖြစ် မျက်လုံးတဝိုက်မှာ ကျိန်းစပ်တာမျိုးတွေဖြစ်နေမယ်ဆိုရင် မျက်စိခြယ်သတဲ့အလှကုန်တွေကို မသုံးပါနဲ့။ အနာပျောက်ကင်းတဲ့အထိ မသုံးဘဲနေပေးပါ။
လက်မှာရောဂါပိုးတွေရှိနေနိုင်တာကြောင့် မျက်လုံးကို လက်နဲ့ထိမိရင် ပိုးတွေမျက်စိထဲဝင်ရောက်နိုင်တာကြောင့် မျက်လုံးကိုခြယ်သတဲ့ အလှကုန်တွေအသုံးမပြုခင်မှာ လက်သေချာဆေးပါ။
မျက်လုံးတဝိုက်မှာအသုံးပြုမယ့် အလှပြင်ပစ္စည်းတွေကို သန့်ရှင်းအောင်ထားပေးပါ။
အလှကုန်တွေကို အခြားသူတွေနဲ့မျှမသုံးပါနဲ့။ အခြားသူတွေဆီကနေရောဂါတွေကူးစက်ခံရနိုင်ပါတယ်။
အလှပြင်ပစ္စည်းတွေရော အလှကုန်တွေမှာပါ ဖုန်တွေကပ်နေတာမျိုးမဖြစ်အောင်သတိပြုပါ။
သက်တမ်းကြာနေပြီဖြစ်တဲ့ အိုင်းလိုင်နာတွေကို အသုံးမပြုပါနဲ့။ မျက်တောင့်ကော့ဆေးတွေကို ဝယ်ပြီး ၂ လကနေ ၄လအတွင်းပဲအသုံးပြုပါ။
ခြောက်သါားတဲ့ မျက်တောင့်ကော့ဆေးတွေကိုလွှင့်ပစ်လိုက်ပါ၊တံတွေးစွတ်ပြီးသုံးမျိုးတွေ ရေစွတ်ပြီးသုံးတာမျိုးတွေ မလုပ်ပါနဲ့။ ရေစွတ်တာကပိုးတွေကိုပေါက်ပွားစေနိုင်ပါတယ်။
အလှကုန်တွေကို အပူချိန် ၈၅ ဒီဂရီ ဖာရင်ဟိုက်အထက်မှာ မသိမ်းပါနဲ့။ အလှကုန်တွေကို အပူချိန်ပြင်းနေတဲ့ကားတွေထဲမှာ အချိန်ကြာမြင့်စွာထားတာမျိုးမလုပ်ပါနဲ့။
မျက်လုံးအလှခြယ်ပစ္စည်းတွေကို ခြယ်သတဲ့အခါမှာပဲဖြစ်ဖြစ် ဖျက်တဲ့အခါမှာပဲဖြစ်ဖြစ် မျက်လုံးအတွင်းသားနဲ့ မျက်လုံးရဲ့အခြားနေရာတွေကို ထိခိုက်မိနိုင်တာကြောင့် ကားတွေနဲ့ ရွေ့လျားနေတဲ့အရာတွေပေါ်မှာမလုပ်ပါနဲ့။
မျက်လုံးအတွက်အသုံးပြုဖို့ထုတ်ထားတာမဟုတ်တဲ့ အလှကုန်တွေကို မျက်လုံးအနီးတဝိုက်မှာအသုံးမပြုပါနဲ့။ lipliner ကို အိုင်းလိုင်နာ အဖြစ်အသုံးမပြုပါနဲ့။