နှစ်​ပေါင်း​ ၄၀ ကြာ အစိုး​ရကပဲ လုပ်​ဆောင်လာတဲ့​ အာမခံလုပ်ငန်း​ကို ပထမဆုံး​ ပုဂ္ဂလိက လုပ်​ဆောင်ခွင့်​ပေး​တော့​မှာ ဖြစ်ပါတယ်။

အာမခံကုမ္ပဏီ​တွေကို ပုဂ္ဂလိကပိုင် အများ​ပိုင်ကုမ္ပဏီ​တွေအဖြစ် တည်​ထောင်ခွင့်​ပြုမယ်။ အဲ့​ဒီလို တည်​ထောင်ခွင့်​ပြုဖို့​ အာမခံလုပ်ငန်း​ ကြီး​ကြပ်​ရေး​အဖွဲ့​ကို ဖွဲ့​စည်း​တာဝန်​ပေး​ထား​တယ်လို့​ ဧပြီလ ၂၇ ရက်​နေ့​ထုတ် မြန်မာ့​အလင်း​သတင်း​စာမှာ ​ဖော်ပြပါရှိပါတယ်။

အာမခံလုပ်ငန်း​ ပိုကျယ်ပြန့်​လာပြီး​ ပိုထွန်း​ကား​လာဖို့​ အခုလို ပုဂ္ဂလိက​ပေး​ဖို့​ လုပ်တာပါလို့​ အာမခံလုပ်ငန်း​ ကြီး​ကြပ်​ရေး​အဖွဲ့​ အတွင်း​ရေး​မှူး​ ​ဒေါက်တာ​မောင်​မောင်သိမ်း​က ​ပြောပါတယ်။

“အာမခံလုပ်ငန်း​က အရမ်း​ကျယ်ပါတယ်။ အခုက တ​ယောက်တည်း​ လုပ်တာထက် အများ​နဲ့​ လုပ်တာဆိုရင် အများ​လုပ်တာက ​ကောင်း​ပါတယ်။ တ​ယောက်တည်း​ လုပ်​နေရတာဆို​တော့​ စီး​ပွား​ရေး​တိုး​တက်တာနဲ့​အမျှ ဘဏ္ဍာ​ရေး​ဆိုင်ရာ တာဝန်​တွေကို ကိုယ်တို့​ တ​ယောက်တည်း​ပဲ ခံ​နေရတယ်။ ခံ​နေရတာကို ပုဂ္ဂလိက ကုမ္ပဏီ​တွေကို မျှ​ပေး​လိုက်ရင် အာမခံလုပ်ငန်း​ ပိုထွန်း​ကား​လာမယ်၊​ အလုပ်အကိုင် ရရှိ​ရေး​တွေလည်း​ ပိုပြီး​ကောင်း​သွား​မယ်။ ပုဂ္ဂလိကအ​နေနဲ့​ ​ဈေး​ကွက်​တွေ ပွင့်​သွား​တာ​ပေါ့​။ လုပ်နိ်ုင်တဲ့​ အလား​အလာ​တွေ တိုး​သွား​တာ​ပေါ့​။”

ပုဂ္ဂလိကအာမခံလုပ်ငန်း​ လုပ်​ဆောင်လိုသူ​တွေဟာ ​မေလ၂ ရက်ကစပြီး​ ​လျှောက်လွှာ တင်သွင်း​ရမှာ ဖြစ်ပါတယ်။ ​လျှောက်ထား​သူ​တွေအနက် လုပ်ကိုင်လိုသူ​တွေရဲ့​ ပိုင်ဆိုင်မှု၊​ အရည်အချင်း​ စတဲ့​ သတ်မှတ်ချက် အများ​အပြား​နဲ့​ ညီညွတ်မှ စိစစ်ခွင့်​ပြုသွား​မှာ ဖြစ်ပါတယ်။

ပုဂ္ဂလိက အာမခံကုမ္ပဏီ​တွေ အပြိုင်အဆိုင် ​ပေါ်ထွက်လာရင် အာမခံထား​တဲ့​ ပြည်သူ​တွေ စိတ်ကြိုက် ​ရွေး​ချယ်ပြီး​ အာမခံ ထား​နိုင်လာကြမှာ ဖြစ်ပါတယ်။

မြန်မာနိုင်ငံသား​အများ​စုဟာ အာမခံလုပ်ငန်း​နဲ့​ ပတ်သက်ပြီး​ စိမ်း​နေကြတာမို့​ လွယ်လွယ်ကူကူ ဝင်ထွက် သွား​လာ ​ဆောင်ရွက်နိုင်မယ့်​ အာမခံကုမ္ပဏီ ရုံး​ခန်း​တွေ ​ပေါ်ထွက်လာရင် အာမခံလုပ်ငန်း​လည်း​ ဖွံ့​ဖြိုး​လာမှာ ဖြစ်ပါတယ်။

အာမခံထား​တဲ့​ သ​ဘောသဘာဝကို ​ဒေါက်တာ​မောင်​မောင်သိမ်း​က “အာမခံဆိုတဲ့​သ​ဘောက ကိုယ်ကံ​ကောင်း​လို့​ ဘာမှမဖြစ်ဘူး​ဆိုရင် ကိုယ်​ပေး​လိုက်တဲ့​ အာမခံသွင်း​ငွေက ကိုယ့်​ထက်ကံနည်း​တဲ့​သူ​တွေကို ​လျော်​ကြေး​ပေး​တဲ့​နေရာမှာ ပါသွား​တယ်။ ကိုယ်ကံ​ကောင်း​လို့​ ဘာမှမဖြစ်ဘူး​ဆိုရင် အလှူလုပ်တဲ့​သ​ဘောပဲ။ သို့​သော်လည်း​ ကိုယ်ကံဆိုး​လို့​ ဖြစ်တယ်ဆိုရင်​တော့​ ကိုယ်​ပေး​ထား​တဲ့​ အာမခံ​ကြေး​က၊​ အကြမ်း​အား​ဖြင့်​ တကျပ်​ပေး​တယ်ဆိုရင် အာမခံကုမ္ပဏီက အဆသုံး​ရာ​လောက် ပြန်ရတာ။

“ကိုယ်က အာမခံ ၁ ကျပ်ဖိုး​လောက် ထား​တာ ကိုယ်က ကံဆိုး​သွား​လို့​ ကိုယ့်​အိမ်မီး​လောင်သွား​မယ်၊​ ကိုယ့်​ကား​ ဘာဖြစ်သွား​မယ်ဆိုရင် အဆသုံး​ရာ​လောက် ပြန်ရမယ်။ တချို့​ အာမခံဆိုရင် အဆ ၁ ​သောင်း​ ​လျော်တာရှိတယ်။ တကယ်​တော့​ အဲ့​လိုမ​ပြောရဘူး​။ ​လောင်း​ကစား​ဆန်သွား​တယ်။ သို့​သော်လည်း​ လူနား​လည်​အောင် အဲဒီလို ​ပြောလို့​ရတယ်။ အဲဒါဆိုရင် အာမခံထား​ခြင်း​နဲ့​ မထား​ခြင်း​က အရမ်း​ကွာသွား​တယ်။”

အစိုး​ရတခုတည်း​ အာမခံလုပ်ငန်း​ ​ဆောင်ရွက်ခဲ့​တုန်း​က အများ​ပြည်သူ​တွေဟာ ရုံး​ပြင်ကနား​ မသွား​ချင်ကြတာ​ကြောင့်​ အာမခံလုပ်ငန်း​နဲ့​ ပတ်သက်မှု မရှိသ​လောက် ဖြစ်ခဲ့​ပါတယ်။

လတ်တ​လော ကမ္ဘာ​ပေါ်မှာ အာမခံလုပ်ငန်း​ကုမ္ပဏီ တခုတည်း​ရှိတဲ့​ နိုင်ငံ ၃ နိုင်ငံပဲ ရှိပါတယ်။ မြန်မာ၊​ ​မြောက်ကိုရီး​ယား​နဲ့​ ကျုး​ဘား​တို့​ဖြစ်ပြီး​ မြန်မာက​တော့​ ပုဂ္ဂလိက​ပေး​ဖို့​ စတင်​ခြေလှမ်း​လိုက်ပြီ ဖြစ်ပါတယ်။