Mevius (Mild 7) ကုမ္ပဏီက ဆေးလိပ်အရောင်းမြှင့်တင်ရေး ၀န်ထမ်းအမျိုးသမီး ၄၁ ယောက်ဟာ အကြောင်းမဲ့ အလုပ်ထုတ်ပြစ်ခံရတာနဲ့ပတ်သက်လို့ ဒီနေ့ မနက်ပိုင်းက မန္တလေးမြို့မှာ သတင်းစာရှင်းလင်းပွဲ ပြုလုပ်ခဲ့ကြပါတယ်။
မန္တလေးမြို့ ပြည်ကြီးတံခွန်မြို့နယ် (ဆ) ရပ်ကွက်အေးသုခလမ်းရှိ မြန်မာနိုင်ငံ စက်မှုလက်မှုနှင့် ဝန်ဆောင်မှုလုပ်ငန်းပေါင်းစုံ အလုပ်သမားသမဂ္ဂများအဖွဲ့ချုပ် အထက် မြန်မာပြည်ရုံးခွဲမှာ သတင်းစာရှင်းလင်းပွဲ ပြုလုပ်ခဲ့တာပါ။
ဆေးလိပ်အရောင်းမြှင့်တင်ရေး ၀န်ထမ်း မမျိုးမျိုးလွင်က “ကျမကို ဒီဇင်ဘာလ ၃၁ ရက်နေ့မှာ ကုမ္ပဏီ ရုံခန်းထဲကိုခေါ်ပြီး ဘာမှမသိတဲ့ စာရွက်ပေါ်မှာ အဓမ္မချိန်းခြောက်ပြီး လတ်မှတ်ထိုးခိုင်းလို့ ထိုးလိုက်ရတယ်။ လတ်မှတ်ထိုးပြီးမှ ကျမကို အလုပ်ထုတ်ပြီး နစ်နာကြေး ၁၅၀,၀၀၀ ကျပ်ပေးမှန်း သိခဲ့ရတယ်။ ကျမ မယူပဲပြန်လာခဲ့တယ်။ ဒီလိုချိန်းခြောက်ပြီး စာရွက်ပေါ်မှာလက်မှတ်ထိုးခိုင်းထာကို ကျမ လုံးဝမကျေနပ်ဘူး။ ဒါကြောင့် ကျမတို့နဲ့သက်ဆိုင်တဲ့ အလုပ်သမားဝန်ကြီးဌာနတွေအနေနဲ့ ထိထိရောက်ရောက် အရေးယူပေး စေချင်တယ်။ အခုလို ဘာမှန်းမသိဘဲ လက်မှတ်ထိုးခိုင်းတာ လိမ်ပြီးထိုးခိုင်း တာဖြစ်တယ်။ ကျမကတော့ မကျေနပ်ဘူး”လို့ ပြောပါတယ်။
ဝန်ထမ်းအမျိုးသမီးတွေကို အကြောင်းမဲ့ထုတ်ပစ်လိုက်တာဟာ တရားဥပဒေနဲ့ မညီညွတ်တဲ့အတွက် ပြင်းပြင်းထန်ထန် ကန့်ကွက်တယ်လို့ မြန်မာနိုင်ငံ စက်မှုလက်မှုနဲ့ လုပ်ငန်းပေါင်းဆုံအလုပ်သမားသမဂ္ဂအဖွဲ့ချုပ် အတွင်းရေးမှူး ဦးသက်နှင်းအောင်ကပြောပါတယ်။
“အရောင်းမြှင့်တင်ရေးဝန်ထမ်း အမျိုးသမီးတွေကို လိင်အကြမ်းဖက်မှုတွေရှိတယ်။ သားပြောမယားပြော ခံရတာတွေရှိပြီး ကိုယ်ထိလက်ရောက်ကျူးလွန်ခဲ့တာတွေ ရှိတယ်။ ဒီလိုဘဝတွေပေးဆက်ခဲ့တဲ့ ဝန်ထမ်းတွေကို အလုပ်ဖြုတ်ပြစ်တာကို ကန့်ကွက်တယ်။ ဒီကုမ္ပဏီကို အောင်မြင်အောင် ဘဝတွေအရှက် ဂုဏ်သိက္ခာတွေနဲ့ရင်းပြီး တည်ဆောက်ပေးခဲ့ကြတာ ဖြစ်တယ်။ အခုလို အလုပ်ထုတ်လိုက်တဲ့ ဆေးလိပ်မယ်တွေကို ထိုက်သင့်တဲ့နှစ်နာကြေးပေးရမယ်။ သက်ဆိုင်ရာ အလုပ်သမားဝန်ကြီး ဌာန ကုမ္ပဏီများ မှတ်ပုံတင်ဦးစီးဌာန. မြန်မာနိုင်ငံ ရင်းနှီးမြှုပ်နှံမှုကော်မရှင် စတဲ့ဌာနတွေက ဒီဥပဒေနဲ့ မညီညွှတ်တဲ့ ဆေးလိပ်ကုမ္ပဏီကို ဝင်ရောက်စစ်ဆေးဖို့လို့တယ်”လို့ပြောပါတယ်။
အခုလို ဆေးလိပ်ကုမ္ပဏီက ဆေးလိပ်အရောင်းမြှင့်တင်ရေး ၀န်ထမ်းအမျိုးသမီး ၄၀ ကျော်ကို အလုပ်ထုတ်ပစ်လိုက်တဲ့အတွက် သက်ဆိုင်ရာ အလုပ်သမားသမဂ္ဂအဖွဲ့အစည်းတွေနဲ့ ပူးပေါင်းပြီး အလုပ်ပြန်ရရှိရေးအတွက် ဆန္ဒပြ ကန်ပိန်း ပြုလုပ်သွားမယ်လို့ အတွင်းရေးမှူး မရည်မွန်အောင်က ပြောပါတယ်။
