အင်္ဂလန်ကွင်းလယ်လူ ဒက်ကလန်ရိုက်စ်ဟာ အာဆင်နယ်အသင်းနဲ့ ရေရှည်သက်တမ်းတိုး စာချုပ်သစ် ချုပ်ဆိုဖို့ နီးစပ်နေပြီလို့ ဘီဘီစီအားကစားသတင်းမှာ ဖော်ပြပါတယ်။

အသက် ၂၇ နှစ်အရွယ် ရိုက်စ်ဟာ ၂၀၂၃ ခုနှစ်က ဝက်စ်ဟမ်း အသင်းဆီကနေ ပေါင် ၁၀၅ သန်းနဲ့ ရောက်ရှိလာသူ ဖြစ်ပြီး၊ အာဆင်နယ်အတွက် ၁၆၅ ပွဲ ပါဝင်ကစားပေးထားသလို ပြီးခဲ့တဲ့ ရာသီက အသင်းရဲ့ ပရီးမီးယားလိဂ် ချန်ပီယံဆု ရရှိရေးမှာ အဓိက ကူညီပေးခဲ့သူ ဖြစ်ပါတယ်။

စာချုပ်သစ်အရ သူ့ရဲ့ လက်ရှိ တပတ် လုပ်ခ ပေါင် ၂၄၀,၀၀၀ ထက် ပိုမို ရရှိမှာဖြစ်ပြီး၊ အသင်းမှာ လုပ်ခ အများဆုံးရရှိနေတဲ့ ဆာကာလိုပဲ တပတ်ကို ပေါင် ၃၅၀,၀၀၀ ဝန်းကျင် ရရှိသွားမယ်လို့ သိရပါတယ်။