ထိုင်းတောင်ပိုင်း ဆူရတ်ဌာနီခရိုင် ခိုတောင် လိပ်ကျွန်းမှာ လွန်ခဲ့တဲ့ ၃ နှစ်ကျော်က ဗြိတိန်နိုင်ငံသား ၂ ဦး အသတ်ခံရတဲ့အမှုနဲ့ ပတ်သက်ပြီး မြန်မာအလုပ်သမား လူငယ် ၂ ဦး သေဒဏ်အပြစ်ပေးခံထားရတာမှာ သက်သေတွေယုတ္တိမတန်တဲ့အတွက် မြန်မာလူငယ်နှစ်ဦး လွတ်မြောက်ရေး မြန်မာသံရုံးနဲ့ လူမှုအဖွဲ့အစည်းတွေက ကြိုးပမ်းနေပါတယ်။
တရားလိုဘက်က စွပ်စွဲချက် သက်သေမခိုင်လုံကြောင်း မြန်မာနိုင်ငံ ဥပဒေအကြံပေး အရာရှိနဲ့ ထိုင်း လူ့ အခွင့် အရေးကောင်စီဘက်က အပိုဒ် ၅ ပိုဒ် ၊ အချက်ပေါင်း ၁၅ ချက် ပါ စာမျက်နှာပေါင်း ၃၁၉ မျက်နှာကို ထောက်ပြပြီး ကော့ဆမွီခရိုင်တရားရုံးကို တင်ထားခဲ့ရာမှာ တရားလိုဘက်မှ အစိုးရရှေ့နေတွေက အဆိုပါအချက်တွေကို ပြန်လည်ခုခံချေပ လျှောက်လဲ ချက်ပေး ရမှာ ဖြစ်ပါတယ်။
ဒါပေမယ့် အစိုးရရှေ့နေဘက်က လျှောက်လဲချေပချက်အဆင်မသင့်သေးလို့ဆိုပြီး အယူခံ ရက်တိုးပေးဖို့ ယခင်က ၃ ကြိမ်တောင်းဆိုခဲ့ကာ ဒီဇင်ဘာ ၂၂ ရက်ရုံးချိန်းမှာလည်း ၂၀၁၈ ဇန်န၀ါရီ ၂၃ ရက်နေ့ထိ အယူခံတိုးပေးဖို့ စတုတ္ထအကြိမ်မြောက် ထပ်မံတောင်းဆိုခဲ့တယ်လို့ ဒီအမှုမှာ လိုက်ပါကူညီဆောင်ရွက်ပေးနေတဲ့ ရှေ့နေ ဦးအောင်မျိုးသန့်က ဒီဗွီဘီကို ပြောပါတယ်။
“တာဝန်ရှိတဲ့ အစိုးရရှေ့နေဘက်ကနေပြီးတော့ လျှောက်လဲချက်တင်ဖို့၊ အမှန်ကတော့ တင်ဖြစ်အောင်တင်ရမယ့် အနေအထားပါ။ ဒီလိုအနေအထားမှာ အဆင့်မြင့် တရားရုံးမှာ အမှန်တရားကို ဆုံးဖြတ်ဖို့ဆိုရင် နှစ်ဘက်၊ ဒီဘက်က အယူခံလျှောက်လွှာ၊ သူတို့ဘက်ကတင်တဲ့ လျှောက်လဲချက် ဒါကိုပူးပေါင်းကြည့်ပြီးတော့မှ မျှတမှန်ကန်တယ်လို့ ယူဆ မှာဖြစ်တဲ့ အတွက်ကြောင့်မို့ သူတို့ဘက်တင်မယ့် လျှောက်လဲချက်ကို စောင့်ဆိုင်းပေးတယ်လို့ဘဲ ကျနော်မြင်ပါတယ်။ လာမယ့်လ ၂၃ ရက်နေ့မှာတော့ တစုံတရာထူးခြားနိုင်ပါတယ်။”
လူငယ်နှစ်ဦးဘက်က သက်သေမခိုင်လုံကြောင်း သုံးသပ်တင်ပြထားတဲ့ နောက်ဆုံးဆင့် အယူခံလွှာမှာ ဒီအန်အေစစ်ဆေးရာမှာ ဥပဒေနည်းလမ်းမကျတာတွေ၊ သက်သေခံပစ္စည်း ပြည့်စုံအောင်မသိမ်းဆည်းခဲ့တာ၊ သက်သေခံပစ္စည်းသိမ်းဆည်းရာမှာလည်း လုပ်ထုံးလုပ်နည်း နဲ့ မညီညွတ်တာ စတဲ့အချက်တွေ ပါဝင်တယ်လို့ ဆိုပါတယ်။
လူသတ်မှုနဲ့ နွန်ထဘူရီခရိုင် ဘန်ခွမ်အကျဉ်းထောင်မှာ ကျခံနေရတဲ့ မြန်မာလူ ငယ်နှစ်ဦးဖြစ်တဲ့ ဇော်လင်း နဲ့ ၀င်းဇော်ထွန်း တို့ကိုတော့ မြန်မာသံရုံးတာဝန်ရှိသူတွေက မကြာမကြာ သွားရောက်ကြည့်ရှု အားပေးခဲ့ပြီး နောက်ဆုံးသွားတွေ့တဲ့အခြေအနေမှာ ဇော်လင်း သွားအနည်းငယ်နာနေတာကလွဲလို့ ကျန်းမာရေးကောင်းမွန်ကြောင်း ၊ ပြန်လွှတ်မယ့်ရက် မျှော်လင့်ချက်တွေနဲ့ စိတ်ဓာတ်ခွန် အားကောင်းနေဆဲဘဲလို့ ဦးအောင်မျိုးသန့်က ပြောပါတယ်။
သူတို့ ၂ ဦးဟာ လိပ်ကျွန်းပေါ်မှာ ဗြိတိန်နိုင်ငံသားစုံတွဲ အသတ်ခံခဲ့ရတာနဲ့ ပတ်သက်ပြီး ၂၀၁၄ ခုနှစ် အောက်တိုဘာလဆန်းက အဖမ်းခံရကာ ၂၀၁၅ ဒီဇင်ဘာ ၂၄ ရက်မှာ သေဒဏ်စီရင်ခံခဲ့ရတာကြောင့် ဒီကနေ့ထိ အကျဉ်းကျနေတာ ၂ နှစ်ကျော်ခဲ့ပြီ ဖြစ်ပါတယ်။
