ပဲခူးတိုင်းဒေသကြီးအနောက်ခြမ်း၊ သာယာဝတီခရိုင် လက်ပံတန်းမြို့နယ်၊ အောင်လံကုန်းကျေးရွာအုပ်စု ညောင်လေးပင်ကျေးရွာမှာ အသက်မပြည့်တဲ့ စိတ်ဝေဒနာရှင် မိန်းကလေးငယ် အဓမ္မပြုကျင့်ခံရလို့ မိခင်ဖြစ်သူ ဒီဇင်ဘာ ၈ ရက်မှာ အမှုလာဖွင့်တယ်လို့ ခမုံနယ်မြေ ရဲစခန်းက ပြောပါတယ်။
“မိဘတွေက တောင်ယာအလုပ်လုပ်တယ်၊ တောင်ယာလုပ်ကိုင်ဖို့ နေ့စဉ်သမီးဖြစ်သူ မ---(၁၂) နှစ်ကို နေအိမ်ခြံချင်းကပ် တရားခံ ကျော်လှိုင်ရဲ့ နေအိမ်မှာ အပ်ထားခဲ့တာပေါ့နော်။ တစ်ရွာတည်းသာခြင်းဆိုတော့ထားပြီးအလုပ်လုပ်တာပေါ့ လချီနေပြီ။ မိခင်ဖြစ်သူက သမီးကို မသင်္ကာလို့ ညောင်လေးပင် ကျေးရွာ ဆေးခန်းကို သွားပြရာ သမီးဖြစ်သူမှာ ကိုယ်ဝန် ၅ လရှိနေပြီဖြစ်ကြောင်း သိရတာ။ မိခင်ဖြစ်သူက မေးမြန်ရာ ကျော်လှိုင်က သားမယားအဖြစ်ပြုကျင့်နေပြီမှာ ကြာပြီးဖြစ်ကြောင်း အခြားသူတွေကို ပြန်ပြောရင် ဓားနဲ့ခုတ်လို့ ပြောထားတယ်ဆိုပြီး ကလေးမက ပြန်လည်ပြောပြတယ်” လို့ ဦးလေးတော်စပ်သူ ဦးသန့်ဇင်က ဒီဗွီဘီကို ပြောပါတယ်။
မိခင်ဖြစ်သူက တရားလိုပြုလုပ်ပြီး ခမုံရဲစခန်းမှာ အမှုဖွင့်တိုင်ကြားခဲ့လို့ ကျော်လှိုင် ၂၈ နှစ်အား ရာဇသတ်ကြီး ပုဒ်မ ၃၇၆/၃၆၃ နဲ့ ခမုံ နယ်မြေရဲစခန်းမှ ရဲအုပ်ဝင်းလှိုင်က အရေးယူဆောင်ရွက်ထားကြောင်း သိရပါတယ်။
သတင်း- မေသွယ်
