တိုင်းရင်းသားလက်နက်ကိုင်တပ်ဖွဲ့တွေဖြစ်တဲ့ ကရင်၊ မွန်၊ ရခိုင် နဲ့ ကရင်နီ အဖွဲ့ တွေက အစိုးရ နဲ့ အပစ်အခတ်ရပ်စဲရေး ငြိမ်းချမ်းရေးဆွေးနွေးမှုတွေ လုပ်ဆောင်နေချိန်မှာ ကချင်ပြည်နယ်မှာတော့ ကေအိုင်အိုဌာနချုပ် လိုင်ဇာကို ထိုးစစ်ဆင်ဖို့ အစိုးရက စစ်ရေးပြင်ဆင်နေတယ်လို့ ကချင်လွတ် မြောက်ရေးတပ်ဖွဲ့ (အေအိုင်အေ) က ပြောပါတယ်။
[caption id="attachment_24100" align="alignleft" width="300" caption="ကေအိုင်အေ ရဲဘော်အချို့"]
[/caption]
ကချင်ပြည်နယ်က ထိုးစစ်၊ တိုက်ပွဲအခြေအနေနဲ့ပတ်သက်ပြီး ကေအိုင်အို ပြောခွင့်ရ ဦးလနန်းကို မေးမြန်းထားပါတယ်။
အခု လိုင်ဇာဘက်ကို အစိုးရတပ်တွေ ထိုးစစ်ဆင်နေတယ်ဆိုပြီး သတင်းတွေ ထွက်နေလို့၊ အခြေအနေ ဘယ်လိုရှိလဲ။
“လိုင်ဇာတော့ မရောက်သေးဘူး၊ ဒါပေမယ့် သူတို့ရဲ့ စစ်ဆင်ရေးလမ်းကြောင်းကို ကြည့်တဲ့အခါမှာ အားလုံးက ဒီ လိုင်ဇာဘက်ကို ဦးတည်တဲ့ပုံစံ တွေ့ရတာပေါ့နော်။ အဲဒါကြောင့် အများကတော့ လိုင်ဇာဘက်ကို ထိုးစစ်ဆင်လာတယ် ဆိုပြီးတော့ ပြောဆိုတာပါ။ အမှန်တကယ်လည်း သူတို့ရည်မှန်းချက်က အဲဒါ ဖြစ်နိုင်တယ်။ ဘာကြောင့်လဲဆိုတော့ အခု သူတို့ စစ်ဆင်ရေးရဲ့ မြားဦးအားလုံးဟာ ဒီဘက်ကို လှည့်တဲ့ပုံစံ ဖြစ်နေတယ်။ မြစ်ကြီးနားဘက်ကနေ ဝင်လာတဲ့ လမ်းကြောင်းကလည်း ဒီလိုင်ဇာဘက်ကို ဦးတည်ထားတယ်။ ဗန်းမော်ဘက်က တက်လာတဲ့ စစ်ကြောင်းတွေကလည်း ဒီလိုင်ဇာဘက်ကို တက်လာတဲ့ ပုံစံ ဖြစ်နေတယ်။”
ထိုးစစ်အခြေအနေက ဘယ်လိုရှိလဲ။ သူတို့ တပ်က ဘယ်လောက်အင်အားနဲ့ ဘယ်ဘက်ကို ဦးတည် သွားနေတာလဲ။
“အင်အားဘယ်လောက်ရှိတယ်ဆိုတာ အတိအကျပြောဖို့တော့ ခက်မယ်ထင်တယ်။ သူတို့ဘက်က လှုပ်ရှားမှုအားလုံးက မြို့ကထွက်လာတော့ ညအချိန်မှာ ထွက်ကြတယ်။ နောက်ပြီးတော့ သူတို့အခုလှုပ်ရှားနေတဲ့ ဒေသကရွာတွေက ရွာတော့ ရှိပေမယ့် ရွာထဲမှာ လူတွေက မရှိကြတော့ဘူး။ အားလုံးက စစ်ပြေးဒုက္ခသည်တွေအနေနဲ့ ဒုက္ခသည်စခန်းထဲမှာ ရောက်နေတာ ကြာပြီ။ ဒါကြောင့် သူတို့ ရှေ့တန်းမှာရောက်နေတဲ့ တပ်အင်အား ဘယ်လောက်ရှိတယ်ဆိုတာ ခန့်မှန်းပြောဆိုဖို့ကတော့ ခက်မယ်ထင်တယ်။”
အခု တိုက်ပွဲတွေ ဖြစ်သေးလား။
“တိုက်ပွဲကတော့ နေ့စဉ်ဖြစ်ပါတယ်။ မနေ့ကလည်း ရှိတယ်။ ဖြစ်တဲ့တိုက်ပွဲ အားလုံးက သူတို့ကနေ လုပ်တဲ့ တိုက်ပွဲတွေ များတယ်။ မနေ့ကဖြစ်တဲ့တိုက်ပွဲမှာလည်း ကျနော်တို့နေတဲ့ တောင်ကုန်းကို သူတို့ကနေ လက်နက်ကြီးနဲ့ ပစ်ခတ်ပြီးမှ ခြေလျင်တပ်ဖွဲ့တွေ ပြန်ပြီးတော့ တိုက်ခိုက်တာမျိုးလုပ်တယ်။ အဓိကကတော့ လမ်းကြောင်းရှင်းတဲ့ပုံစံနဲ့ တဖြည်းဖြည်း ချဉ်းကပ်လာတဲ့ပုံစံ။ အဲဒီ ဖြစ်လာတဲ့အခါမှာ စဖြစ်တာကတော့ သူတို့ဘက်ကနေပြီးတော့ စပြီးလက်နက်ကြီးနဲ့ပစ်တာမျိုးပါ။ မနေ့ကတော့ ၂ ကြိမ်ပေါ့ဗျာ။”
တိုက်ပွဲတွေ ဖြစ်နေတော့ အခုလက်ရှိဒုက္ခသည်တွေ အခြေအနေက ဘယ်လိုရှိလဲ။
“အခုဖြစ်တဲ့တိုက်ပွဲတွေက ဒုက္ခသည်စခန်းတွေနဲ့ တော်တော်အလှမ်းဝေးပါသေးတယ်။ ဒါပေမယ့် ရေရှည်မှာ ဒီလို ဆက်ပြီး ဖြစ်သွားမယ်၊ တိုက်ပွဲတွေက ဒီထက်ပိုပြီးတော့ ပြင်းထန်လာမယ်၊ နောက်ပြီးတော့ လူနေတဲ့ ဒေသပေါ့။ ဒုက္ခသည်စခန်းနဲ့ အနီးကပ်ဆုံးနေရာတွေကို တိုက်ပွဲတွေ ဖြစ်လာမယ်ဆိုရင်တော့ ဒါက အခြေအနေ တမျိုးပြောင်းလဲသွားမှာပါ။ အခုထက်ထိတော့ ဒုက္ခသည်တွေအတွက် သိပ်စိုးရိမ်စရာတော့ မရှိသေးဘူး။”
ကေအိုင်အေနဲ့ အစိုးရ ဆွေးနွေးနေတဲ့အခိုက်မှာပဲ အခုလို ထိုးစစ်ဆင်နေတဲ့အပေါ်မှာ ဘယ်လိုမြင်ပါသလဲ။
“ကျနော်တို့ တွေ့ဆုံမှုတိုင်းမှာတော့ နှစ်ဦးနှစ်ဖက် သဘောတူညီချက်နဲ့ ကြေညာချက်တွေ ထုတ်ကြတယ်ပေါ့။ အဲဒီကြေညာချက်ထုတ်တဲ့ နေရာမှာလည်း ဒီ ဖြစ်နေတဲ့တိုက်ပွဲကို အရှိန်လျှော့ချဖို့ဆိုတဲ့ အချက်ရယ်၊ နောက်ပြီးတော့ ဖြစ်ပွားနေတဲ့ ဒေသမှာရှိတဲ့ တပ်တွေရဲ့ နေရာချထားတာနဲ့ ပတ်သက်ပြီးတော့ ဆွေးနွေးရအောင်ဆိုတဲ့ဟာတွေ ပါပါတယ်။ ဒါပေမယ့် တာဝန်ယူရမယ့် အပိုင်းကတော့ သူတို့ရဲ့ ပြည်ထောင်စုကိုယ်စားလှယ်အဖွဲ့ (ဦးအောင်သောင်းအဖွဲ့) မှာ တာဝန်ရှိပါတယ်။ ဦးအောင်သောင်းအဖွဲ့ကနေပြီးတော့ တပ်ပိုင်းဆိုင်ရာ စစ်တပ်နဲ့သူတို့ ဘယ်လောက်အထိ ညှိနှိုင်းသလဲ မညှိနှိုင်းဘူးလဲ ဆိုတဲ့အချက်မှာ မူတည်ပါလိမ့်မယ်။ ဒါပေမယ့် သူတို့ဆွေးနွေးပွဲပြီးလို့ ပြန်သွားတဲ့ နောက်ပိုင်း ဆက်တိုက်ပါပဲ စစ်ဆင်ရေးက ပိုပြီးတော့ အရှိန်မြင့်လာတာမျိုး တွေ့ရတယ်။ ထင်တာကတော့ သူတို့ ပြန်ရောက်သွားတဲ့အခါ နေပြည်တော်မှာ အဲဒီကိစ္စ သိပ်ပြီးတော့ လေးလေးနက်နက် မထားဘဲနဲ့ သူတို့အချင်းချင်း အတွင်းမှာ တပ်ပိုင်းဆိုင်ရာကိစ္စနဲ့ အစိုးရအဖွဲ့ကြားမှာ သိပ်ပြီးတော့ ဆွေးနွေးတဲ့အပိုင်း မရှိဘူးလို့ ခန့်မှန်းမိတယ်။”
အစိုးရ ပြည်ထောင်စုအဆင့်ကိုယ်စားလှယ် ရထားဝန်ကြီး ဦးအောင်မင်းတို့ကလည်း ကေအန်ယူအဖွဲ့နဲ့တွေ့ဆုံတယ်၊ မွန်အဖွဲ့နဲ့လည်း တွေ့ဆုံတယ်၊ ရခိုင်အဖွဲ့နဲ့လည်း တွေ့ဆုံပြီးတော့ အပစ်အခတ်ရပ်စဲရေး ကိစ္စတွေ ဆွေးနွေးနေတယ်။ အခု ကေအန်ယူတို့၊ မွန်တို့ကလည်း တပြည်လုံးအတိုင်းအတာနဲ့ အပစ်အခတ်ရပ်စဲရေးအတွက် တောင်းဆိုတာမျိုးတွေ ရှိတော့ ကေအိုင်အေဘက်ကိုရော ဒီလိုမျိုး ထိုးစစ်ဆင်နေတဲ့အပေါ် သူတို့ရဲ့ တွေ့ဆုံမှုက ဘယ်လိုများ သက်ရောက်နိုင်ပါသလဲ။
“သူတို့ကတော့ လက်နက်ကိုင်အင်အားစုတော်တော်များများနဲ့ အပစ်အခတ်ရပ်စဲရေးကိစ္စတော့ ပြောဆိုနေကြတယ်။ တချို့ လက်မှတ်ထိုးထားပြီးတာကို တွေ့ရတယ်။ ဒါပေမယ့် အခုထက်ထိ သူတို့ တိုင်းရင်းသားဒေသအားလုံးမှာ သူတို့ တပ်တွေချထားတဲ့ တပ်ပိုင်းဆိုင်ရာပေါ့။ တပ်တွေဆုတ်သွားတာမျိုး ယုတ်သွားတာမျိုး တခုမှ မတွေ့ရသေးဘူး။ ကချင်ပြည်နယ် ပြင်ပမှာရှိတဲ့ တပ်စခန်းတွေပြောတာပေါ့။ ဒါကြောင့်မို့လို့ ဒီအပစ်အခတ်ရပ်စဲရေးဆိုတဲ့ ကိစ္စမှာ ဘယ်လောက်အထိအာမခံချက် ရှိနိုင်မလဲ၊ အချိန်ကာလအားဖြင့် ဘယ်လောက်အထိ ထိန်သိမ်းနိုင်မလဲ ဆိုတဲ့ ကိစ္စကတော့ သူတို့ရဲ့ ဒီတပ်ပိုင်းဆိုင်ရာနဲ့ ပတ်သက်တယ်။ ပြည်ထောင်စုအစိုးရအဖွဲ့နေပြီးတော့ သူတို့ ငြိမ်းချမ်းရေးအနေနဲ့ ဘယ်လောက်အထိ လုပ်နေတယ်ဆိုပေမယ့် တပ်ပိုင်းဆိုင်ရာမှာ တပ်ဆုတ်တာမျိုး တပ်တွေခွာလိုက်တာမျိုး မရှိဘူးဆိုရင်တော့ ဒီအပစ်အခတ်ရပ်စဲရေးဆိုတဲ့ ကိစ္စက သံသယရှိစရာ အများကြီး ရှိပါတယ်။ တနိုင်ငံလုံး အတိုင်းအတာနဲ့ အပစ်အခတ်ရပ်စဲရေးကိစ္စကို တောင်းဆိုထားတယ်ဆိုပေမယ့် ဒီကိစ္စ တာဝန်ရှိတာကတော့ အစိုးရစစ်တပ်ပါ။ ကာကွယ်ရေးဝန်ကြီးဌာနကနေပြီးတော့ ကာကွယ်ရေးဦးစီးချုပ်ကနေပြီးတော့ သူ့ရဲ့ တပ်တွေကို ဆုတ်ခွာထားမယ်ဆိုရင်တော့ ဒီအပစ်အခတ်ရပ်စဲရေးဆိုတဲ့ ကိစ္စက ကြေညာစရာလည်း မလိုဘူး၊ လက်မှတ်ထိုးစရာလည်း မလိုဘဲနဲ့ သူ့ဟာသူ အဆင်ပြေသွားမယ့် ကိစ္စလေးတွေပါ။”
အခု အန်ကယ်တို့ ကေအိုင်အေအဖွဲ့အနေနဲ့ကရော အစိုးရကိုယ်စားလှယ်တွေနဲ့ ထပ်တွေ့ဖို့ အစီအစဉ်ရှိလား။
“အစိုးရကိုယ်စားလှယ်အဖွဲ့ကနေပြီးတော့ တွေ့ဖို့ သူတို့အကြောင်းကြားလာဖို့ ရှိနေတယ်ဆိုရင်တော့ ကျနော်တို့ဘက်ကတော့ အမြဲတမ်းတွေ့ဖို့ အဆင်သင့်ပါပဲ။”
မနှစ်ကတည်းက ဖြစ်တဲ့ ဒီတိုက်ပွဲတွေကြောင့် အခု မိုးတွေ စရွာနေပြီဆိုတော့ ဒုက္ခသည်တွေအခြေအနေ ဘယ်လို ရှိပါသလဲ။
“အခက်အခဲတော့ ရှိပါတယ်။ ဒါပေမယ့် ဒီမတ်လကုန်ပိုင်းလောက်မှာ ၂၀ ကျော်ထဲမှာ စပြီး ယူအန်လက်အောက်ခံအဖွဲ့တွေ ဒီစခန်းတွေကို လေ့လာသွားတာမျိုးပေါ့။ နောက်ပြီးတော့ တလစာ စားရေးသောက်ရေးအတွက် ပံ့ပိုးပေးတာမျိုး ရှိတယ်။ ဒီလို သူတို့ ဆက်တိုက်ကူညီသွားမယ်ဆိုရင်တော့ ဒုက္ခသည်တွေရဲ့ ကိစ္စအဝဝကိုတော့ တဖက်တလမ်းကနေ ဖြေရှင်းနိုင်မယ်လို့ ယုံကြည်တယ်။ ဒါပေမယ့် အခုထက်ထိတော့ စခန်းတိုင်းကို သူတို့ မရောက်ရှိနိုင်သေးဘူးခင်ဗျ။ တချို့ တပ်မဟာ (၂) လက်အောက်ခံ တပ်ရင်း (၅ ) ဒေသတို့၊ နောက် တပ်မဟာ (၁) လက်အောက်ခံ လဂျားယန်ဒေသမှာလည်း ပုံးရှောင်နေတဲ့ဟာတွေ အများကြီး ရှိသေးတယ်။ အဲဒီဘက်ကို ရောက်ဖို့လည်း အများကြီး လိုပါသေးတယ်။ ဒုက္ခသည်တွေက တော်တော်များများ နေရေး ထိုင်ရေး စားရေးသောက်ရေးတွေ တော်တော်လည်း ဒုက္ခများတယ်။ နောက်ပြီးတော့ အခု ကျောင်းပိတ်တဲ့အချိန်ပေါ့။ ကျောင်းပြန်ဖွင့်တဲ့အခါမှာလည်း ဒီ ကလေးတွေရဲ့ စာသင်ရေးနဲ့ ပတ်သက်ပြီးတော့ ကျောင်းအဆောက်အဦတို့ စာရေးကိရိယာတို့ အများကြီး လိုအပ်လာမှာပါ။ ယူအန်ကလည်း ဖြစ်နိုင်သလောက် လိုအပ်တဲ့ အကူအညီတွေ ပေးမယ်လို့တော့ ကျနော်တို့ မျှော်လင့်တယ်။”
