ရှမ်းပြည်တောင်ပိုင်း လင်းခေးခရိုင် မိုင်းပန်မြို့မှာ ဒီကနေ့မနက်ပိုင်းက စိတ်မနှံ့သူတဦးရဲ့ ရှို့မီးကြောင့် မီးလောင်မှုဖြစ်ပွားပြီး နေအိမ် ၃ လုံး ပျက်စီးဆုံးရှုံးခဲ့ပါတယ်။
မိုင်းပန်မြို့ အနောက်ရပ်ကွက်နေ အသက် ၃၀ ကျော်ရွယ်ရှိ စိုင်းအောင်မိုင်း ဆိုသူမှာ အရက်စွဲရာက စိတ်ဖောက်ပြန်နေပြီး မိသားစုတွေက အိမ်ဝင်းတံခါး သော့ခတ်ထိန်းသိမ်းထားပေမယ့် ဒီနေ့မနက်မှာ လွတ်ထွက်သွားပြီး အိမ်ဝင်းတခုထဲ ဝင်ရောက်ကာ မီးရှို့ခဲ့တယ်လို့ မိုင်းပန် ကျားဖြူပါတီ လွှတ်တော်အမတ် ဦးစိုင်းနောင့်က ပြောပါတယ်။
“ဒီကနေ့ မနက် ၁၀ နာရီလောက်က ကျနော်တို့ မြို့နယ်ရုံးမှာ အစည်းအဝေးတက်နေတုန်း မီးလောင်တယ်ဆိုလို့ ချက်ချင်း သွားကြည့်ကြပါတယ်။ ကျနော်တို့ ရောက်သွားတော့ မီးက အိမ် ၃ လုံးထိ ကူးနေပြီ၊ မီးသတ်ကား ၂ စီး လာတယ်။ သူတို့ အိမ်ဝင်းထဲ ဝင်ဖို့ လမ်းက ကျဉ်းကျဉ်းလေး ဆိုတော့ ခက်ခက်ခဲခဲ ဝင်ရတယ်။ ရပ်ကွက်ကလူတွေလည်း ဝိုင်းသတ်ပေမယ့် ရေရှားတယ်။ ရေတွင်းကနေ ငင်ပြီး ခပ်ရတာဆိုတော့ မီးကို အမြန်မငြှိမ်းသတ်နိုင်ဘူးပေါ့။ ၄၅ မိနစ်လောက် ကြာမှ ငြိမ်းသွားတယ်။ မီးကတော့ စိတ်မနှံ့တဲ့ လူကနေ ရှို့လိုက်တာလို့ သိရပါတယ်။ စိုင်းအောင်မိုင်းလို့ ခေါ်တယ်။ သူလည်း အဲဒီရပ်ကွက်ထဲကပဲ။ သူ စိတ်ဖောက်ပြီး လျှောက်လုပ်မှာစိုးလို့ အိမ်ဝင်းသော့ခတ် ထိန်းထားတဲ့ကြားကနေ ဘယ်လို လွတ်သွားတယ် မသိဘူး။ အဲဒါ အိမ်ဝင်းတခုထဲ ခြံခုန်ပြီး ဝင်သွားတယ်တဲ့၊ အဲဒီဝင်းထဲက ရှိတဲ့အိမ် ၃ လုံးကို မီးလောင်သွားတာ။”
မီးလောင်ခံရတဲ့ အိမ် ၃ လုံးမှာ သွပ်မိုးပျဉ်ကာ နှစ်ထပ်အိမ်တွေ ဖြစ်ပြီး မီးလောင်မှုကြောင့် ဆုံးရှုံးမှုတန်ဖိုးတွေတော့ မသိရသေးပါဘူး။
အိမ်မီးရှို့သူ စိုင်းအောင်မိုင်းကိုတော့ ဖမ်းဆီးရမိပြီဖြစ်ပြီး မိုင်းပန်မြို့မရဲစခန်းမှာ ထိန်းသိမ်း ထားပါတယ်
