မြန်မာနိုင်ငံမှာ ရောက်ရှိနေတဲ့ အမေရိကန် နိုင်ငံခြားရေးဝန်ကြီး ရက်စ်တေလာဆန်ဟာ မြန်မာတပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ ဒီကနေ့ မွန်းလွဲပိုင်းက နေပြည်တော်ရှိ ဇေယျာသီရိဗိမာန် ဧည့်ခန်းမဆောင်မှာ တွေ့ဆုံပြီး ရခိုင်ပြည်နယ် အရေးတွေ့ဆုံ ဆွေးနွေးပါတယ်။
တွေ့ဆုံရာမှာ ရခိုင်ပြည်နယ်မှာ ဖြစ်ပွားခဲ့တဲ့ အကြမ်းဖက် တိုက်ခိုက်မှုဖြစ်စဉ် အခြေအနေမှန်တွေ၊ ဘင်္ဂါလီတွေ တစ်ဖက်နိုင်ငံသို့ ထွက်ပြေးမှုအကြောင်းအရင်းမှန်နဲ့ ဥပဒေနဲ့ အညီ ပြန်လက်ခံနိုင်ရေးဆောင်ရွက်မှုတွေ၊ လူသားချင်းစာနာမှုအကူအညီတွေမျှတမှုရှိရန် လိုအပ်တဲ့ အခြေအနေတွေကို ဆွေးနွေးခဲ့ကြတယ်လို့ တပ်မတော်က သတင်းထုတ်ပါတယ်။
ဒါ့အပြင် အစိုးရနဲ့ တပ်မတော် အပြည့်အ၀ ပူးပေါင်းဆောင်ရွက်နေမှုနဲ့ မူးယစ်ဆေးဝါး တိုက်ဖျက်ရေး၊ အကြမ်းဖက်မှုတားဆီးကာကွယ်ရေးမှာ နှစ်နိုင်ငံတပ်မတော် ပူးပေါင်းဆောင်ရွက်ရေးဆိုင်ရာ ကိစ္စတွေကိုလည်း ဆွေးနွေးခဲ့ကြတယ်လို့ ဆိုပါတယ်။
ဓာတ်ပုံ-တပ်မတော်ကာကွယ်ရေးဦးစီးချုပ်
