မန္တလေးတိုင်းဒေသကြီး သာစည်မင်းလှ ကန်အတွင်း ရေနစ်နေသည့် ၅ နှစ်အရွယ် ကလေးကိုကယ်ရင်း ကိုယ်ဝန်ပျက်ကျခဲ့တဲ့ မသီတာဦးအား ဂုဏ်ပြုအလှူငွေ ၄ သိန်းကျော်ကို နိုဝင်ဘာ ၉ ရက် ညနေပိုင်းက ပေးအပ်ခဲ့တယ်လို့ ပရဟိတအကျိုးဆောင် ကိုထွန်းထွန်းလင်းက ပြောပါတယ်။
"မသီတာဦးက တယ်လီဖုန်းမကိုင်ဘူး။ မသုံးတတ်ဘူးလို့လည်းပြောတယ်။ ဂုဏ်ပြုငွေပေးဖို့ သာစည်မီးရထားဓမ္မာရုံကို လာခဲ့ပါလို့ ဖိတ်တယ်။ တကယ်လာတော့ သာစည်မြို့ပေါ်မှာတင် မျက်စိလည်နေလို့ သွားခေါ်ရတယ်။ စောင့်နေကြတဲ့သူတွေက ၁၀၀ ကျော်လောက်ရှိတယ်။ မသီတာဦးကို ၃ သိန်း ၉ သောင်း ပေးပြီးမှ နောက်ထပ် လှူတဲ့ငွေ ၂ သောင်းရောက်လာတယ်။ ထပ်လှူမယ့်သူတွေလည်း ရှိနေသေးတော့ ပေါင်းပေးတော့မယ်” လို့ ဆက်ပြောပါတယ်။
မသီတာဦးက “အခုလိုငွေကြေးတွေ မမျှော်လင့်ပါဘူး။ အသက်တချောင်းကယ်ရမယ် ဆိုတဲ့စိတ်နဲ့ ကိုယ့်ကိုယ်ကိုယ်တောင် ဂရုမစိုက်မိဘဲ ကလေးအသက်ရှင်ရေး ကယ်လို့ရရေးပဲ စိတ်ထားခဲ့တယ်။ ကလေးကိုကယ်ပြီး အသက်ရှင်တယ်လို့ သိရတဲ့ ပီတိက အားတခုပါ” လို့ ပြောပါတယ်။
တိုင်းဒေသကြီးလွှတ်တော်ကိုယ်စားလှယ်ဦး စံထွန်းက “မနေ့က မသီတာဦးကို ဂုဏ်ပြုပွဲ လုပ်တာသိရတယ။ ချီးကျုးဂုဏ်ပြုထိုက်သူကို ချီးကျုးဂုဏ်ပြုပေးရတာ မင်္ဂလာတပါးပါပဲ။ ကျနော်တို့လည်း ရုံးအဖွဲ့နဲ့ တိုင်ပင်ပြီး ဂုဏ်ပြုပေးဖို့ လုပ်နေပါတယ်။ ကိုယ့်အသက်မငဲ့ဘဲ တပါးသူရဲ့ အသက်ကိုရအောင် ကယ်သူကို ချီးကျုးဂုဏ်ပြုမှာပါ” လို့ ပြောပါတယ်။
မောင်ထက်မြက်သူရဲ့အမေ မဇာဇာဝင်းက “ကျမသားရဲ့အသက်ကို အသက်စွန့်ကယ်ခဲ့တဲ့
မသီတာဦးကို ကျေးဇူးတင်တယ် ဆိုတာထက် ပိုကျေးဇူးတင်ပါတယ်။ တော်ရုံလူမလုပ်နိုင်တဲ့ အလုပ်တခုကို ကိုယ်ဝန်ဆောင်မိန်းမသားတဦးအနေနဲ့ လုပ်ဆောင်ပြတာမို့ ကျေးဇူးတင် ဂုဏ်ပြုပါတယ်” လို့ ပြောပါတယ်။
မီးရထားဝန်ထမ်းကိုမျိုးထွန်းက “ကျနော်တို့မီးရထားဝန်ထမ်း မိသားစုကို အသက်ကယ်ခဲ့တာမို့ မီးရထားရပ်ကွက်တခုလုံး အနေနဲ့ ဂုဏ်ပြုအလှူငွေနဲ့ အဝတ်အစားတွေ ပေးအပ်တယ်။ ကိုသီဟကျော်နဲ့ ကိုအောင်ခိုင်ထွန်းတို့လည်း ရေနစ်တဲ့အထဲပါပါတယ်။ ရေကူးမကျွမ်းကျင်ဘဲ တပါးသူကို ရေထဲက ကယ်ဖို့ခက်တယ်။ သူတို့အသက်သူတို့ လုနေရတော့ စိတ်မွှန်သွားတယ်၊ ကယ်ပါဦးလို့ပဲ အော်နိုင်တော့တယ်။ အသက်လုရတဲ့ပွဲမှာ မသီတာဦးက ဝင်ကယ်ပေးခဲ့တယ်” လို့ပြောပါတယ်။
မသီတာဦး ဂုဏ်ပြုအလှူငွေပေးအပ်ပွဲကို လူ ၁၀၀ ကျော်တက်ရောက်ပြီး ရပ်ဝေးချီးကျုးဂုဏ်ပြု အလှူငွေတွေ ပေးဖို့ ဖုန်းနဲ့ ဆက်ပြီးအကျိုးအကြောင်းမေးကြတယ်။ အခုလိုအသက်ကယ်ခဲ့တဲ့ မသီတာဦးကိုလည်း လာရောက်တွေ့ဆုံ ချီးကျုးဂုဏ်ပြုနေကြတယ်လို့ သိရပါတယ်။
သတင်း-မောင်မောင်လင်း(ဝမ်းတွင်း)
