နေပြည်တော်က လွှတ်တော် အဆောက်အဦတွေကို ခွင့်ပြုချက်မရှိဘဲ ဒရုန်းနဲ့ ရိုက်ကူးဖို့ စီစဉ်ခဲ့တဲ့ နိုင်ငံခြားသတင်းဌာန သတင်းထောက်တွေကို ပို့ကုန်သွင်းကုန် ဥပဒေနဲ့ အမှုဖွင့်ထားပါတယ်။

တူရကီနိုင်ငံ အခြေစိုက် စင်္ကာပူရုံးခွဲ TRTသတင်းဌာနက မလေးရှားနိုင်ငံသူ MOK CHOY LIN ၊ စင်္ကာပူနိုင်ငံသား LAU HON MENG၊ စကားပြန် အောင်နိုင်စိုးနဲ့ ယာဉ်မောင်းတို့ကို အောက်တိုဘာ ၂၇ ရက် မနက်ပိုင်းက ဒရုန်းလွှတ်တင်နေတုန်း လွှတ်တော် လုံခြုံရေး အဖွဲ့က သတင်းပို့လို့ အမှတ် ၅ ရဲစခန်းမှာ ခေါ်ယူ စစ်ဆေးခဲ့ပါတယ်။

ကနဦးစစ်ဆေးချက်တွေအရ မြန်မာနိုင်ငံရဲ့ရှုခင်းတွေ၊ လှပတဲ့ အဆောက်အဦတွေ၊  ဘုရားစေတီနဲ့ လွှတ်တော်အဆောက်အဦတွေကို ရိုက်ကူးတာလို့လည်း ပြန်ကြားရေးက သတင်းထုတ်ပြန်ထားပါတယ်။

ဒါနဲ့ ပတ်သက်ပြီး နိုင်ငံခြားရေးဝန်ကြီးဌာနကလည်း မြန်မာနိုင်ငံဆိုင်ရာ စင်ကာပူ သံရုံးနဲ့ မလေးရှားသံရုံးတွေကို အကြောင်းကြားထားတယ်လို့လည်း သိရပါတယ်။

လတ်တလောမှာတော့ သူတို့ အသုံးပြုခဲ့တဲ့ ဒရုန်းဟာ ခွင့်ပြုချက်မရှိပဲ တင်သွင်းလာတာဖြစ်တယ်ဆိုပြီး ပို့ကုန်သွင်းကုန် ဥပဒေပုဒ်မ ၈ နဲ့ အမှုဖွင့်ထားပြီး ဖမ်းဆီးစစ်ဆေးနေတယ်လို့လည်း သိရပါတယ်။