မွန်ပြည်နယ် ရေးမြို့နယ် အစင်စံပြကျေးရွာအုပ်စု မြို့ဟောင်းကုန်းရပ်မှာ အောက်တိုဘာ ၄ ရက်နေ့ နေ့လယ် ၂ နာရီအချိန်က အတူနေ တူမဖြစ်သူ ၁၄ နှစ်အရွယ် မိန်းကလေးကို တအိမ်တည်း အတူနေ ဦးလေးအရင်းဖြစ်သူက အဓမ္မပြုကျင့်မှု ဖြစ်ပွားခဲ့တယ်လို့ ရေးမြို့မရဲစခန်းထံက သိရပါတယ်။
ဖြစ်စဉ်မှာ အဖွားဖြစ်သူ ဒေါ်ငယ်က မော်လမြိုင်မြို့ကို ဈေးဝယ်ရန်နေအိမ်က ထွက်ခွာသွားချိန်မှာ ဆိုက်ကယ်ကယ်ရီမောင်းပြီး နေအိမ်ကို ပြန်ရောက်လာတဲ့ ဦးလေးဖြစ်သူ စံထွန်း(၂၅-နှစ်)က မြေးဖြစ်သူ ၁၄ နှစ်အရွယ် မိန်းကလေးကို အဓမ္မပြုကျင့်ခဲ့လို့ ရေး ဆေးရုံမှာ အတွင်းလူနာအဖြစ် တက်ရောက်ကုသနေရတယ်လို့ ရေးမြို့မရဲစခန်း မှတ်တမ်းတွေအရ သိရပါတယ်။
စံထွန်းဟာ အခင်းဖြစ်ပွားပြီးနောက် ထွက်ပြေးတိမ်းရှောင်နေခဲ့ပေမယ့် နယ်ထိန်းရဲတပ်ဖွဲ့ဝင်နဲ့ လှည့်ကင်း အမာခံသတင်းပေးတွေ အကူအညီနဲ့ အခင်းဖြစ်ပွားပြီး ၇ နာရီကျော်အကြာ ရွှေဆံတော်စေတီဘုရားပွဲခင်းမှာ ရဲတပ်ဖွဲ့ဝင်တွေက စံထွန်းကို ဖမ်းဆီးလိုက်တယ်လို့ ရဲမှတ်တမ်းများအရ သိရပါတယ်။
အဓမ္မပြုကျင့်တဲ့ စံထွန်း(၂၅-နှစ်)ကို ဥပဒေအရ အရေးယူပေးပါဖို့ ဒေါ်ငယ်က တရားလိုပြုလုပ် တိုင်တန်းလာတာကြောင့် ရေးမြို့မရဲစခန်းက (ပ)၃၀၂ /၂၀၁၇ ရာဇသတ်ကြီးပုဒ်မ ၃၇၆ အရ အောက်တိုဘာ ၄ ရက်နေ့ ည ၉ နာရီ ၂၀ မိနစ်အချိန်က အမှုဖွင့်အရေးယူထားတယ်လို့ ရဲတပ်ဖွဲ့က စခန်းမှူး ဒုရဲမှူးစိုးမွန်က အသေးစိတ် စစ်ဆေးနေတယ်လို့ သိရပါတယ်။
သတင်း - နေမျိုးထွဋ်(ရေး)
