သူလျှိုလုပ်မှုလက္ခဏာတွေကို တွေ့အပြီး ဗြိတိသျှသံတမန်တယောက်ကို နိုင်ငံကနေ ထွက်သွားဖို့ ရုရှားအစိုးရက မတ် ၃၀ ရက်မှာ အမိန့်ပေးခဲ့တယ်လို့ ပြည်ထောင်စု လုံခြုံရေးဌာနကို ကိုးကားပြီး ရုရှားမီဒီယာတွေမှာ ဖော်ပြပါတယ်။
ဆိုဗီယက်ခေတ် KGB ကို အဓိကဆက်ခံသူ FSB က မော်စကိုအခြေစိုက် ဗြိတိန်သံရုံးက ဒုတိယအတွင်းဝန်ဟာ ကြေညာမထားဘဲ ထောက်လှမ်းနေတာကို FSB တန်ပြန်ထောက်လှမ်းရေး အရာရှိတွေက ထုတ်ဖော်ပြီးတဲ့နောက် နှစ်ပတ်အတွင်း ရုရှားနိုင်ငံထဲကနေ ထွက်သွားဖို့ အမိန့်ပေးခဲ့တယ်လို့ ပြောပါတယ်။
ဗြိတိန်သံရုံးတာဝန်ခံတွေကို တနင်္လာနေ့မှာ နိုင်ငံခြားရေးဝန်ကြီးဌာနဆီ ဆင့်ခေါ်ခဲ့ပြီး သံရုံးက ဒုတိယအတွင်းဝန်ကို နှင်ထုတ်နေကြောင်း အသိပေးခဲ့ပါတယ်။
သံတမန်ဟာ ရုရှားဖက်ဒရေးရှင်းရဲ့ လုံခြုံရေးကို ခြိမ်းခြောက်တဲ့ ထောက်လှမ်းရေးနဲ့ ပုန်ကန်ရေး လုပ်ဆောင်ချက်တွေကို လုပ်ဆောင်နေတဲ့ လက္ခဏာတွေ တွေ့ခဲ့တဲ့အကြောင်း FSB က ပြောခဲ့တယ်လို့ ရုရှားမီဒီယာတွေက ဖော်ပြခဲ့ပါတယ်။
အထူးသဖြင့် FSB က သံတမန်ဟာ အလွတ်သဘော အစည်းအဝေးတွေအတွင်း ရုရှားစီးပွားရေးနဲ့ ပတ်သက်တဲ့ အရေးကြီးတဲ့ အချက်အလက်တွေကို ရယူဖို့ ကြိုးစားခဲ့တယ်လို့ ပြောပါတယ်။
Source: Reuters
