စစ်ကိုင်းတိုင်းဒေသကြီး မုံရွာမြို့ နယ်မြေရဲစခန်းအတွင်း ဖမ်းဆီးချုပ်နှောင်ထားတဲ့ အချုပ်သား ၃ ဦး သြဂုတ်၂၉ ရက်ညက အချုပ်ခန်း ဖောက်ထွက်ပြေးသွားပါတယ်။
အချုပ်သား ၃ ဦးက ပုဆိုး အရှည် ၁ပေခန့်ရှိတဲ့ နှစ်ဖက်သွားပါ သံဖြတ်လွှကို အသုံးပြုပြီး အချုပ်ခန်းသံတိုင်ကို ဆွဲဆန့်ဖြတ်ထုတ်ကာ အချုပ်ခန်းကထွက်ပြီး အပြင်အုတ်နံရံ လေသာပြ တင်းပေါက်မှတစ်ဆင့် ထွက်ပြေးလွတ်မြောက်ခဲ့တာလို့ ခရိုင်ရဲစခန်းကသိရပါတယ်။
အချုပ်သားတွေထွက်ပြေး လွတ်မြောက်သွားတာကို သြဂုတ်လ ၃၀ ရက်နေ့ နံနက် ၆ နာရီအချိန်ကျမှ ရဲက စတင်သိရှိခဲ့တာပါ။ နယ်မြေရဲစခန်းအချုပ်ခန်းမှာ အချုပ်သား ၆ ဦးကို ချုပ်နှောင်ထားပြီး ထွက်ပြေးသူ ၃ ယောက်က အချုပ်ခန်းအမှတ် ၂ မှာ သီးသန့်ချုပ်နှောင်ထား တယ်လို့ဆိုပါတယ်။
အချုပ်ခန်းကနေထွက်ပြေးသူတွေက အရွယ်မရောက်သေးတဲ့ကလေးသူငယ်ကို ခိုးယူမှု၊ အဓမ္မပြုကျင့်မှု၊ ကလေးခိုးမှု၊ လုယက်မှု စတာတွေနဲ့ ချုပ်ထားသူတွေဖြစ်ပါတယ်။
ထွက်ပြေးသူတွေက ရာဇသတ်ကြီးဥပဒေပုဒ်မ ၃၉၂/၁၁၄ နဲ့ ချုပ်ရက် ၁၀ လရှိပြီဖြစ်တဲ့ ဆန်းမင်းသူ (ခ) အောင်ကို၊ ရာဇသတ်ကြီးဥပဒေပုဒ်မ ၃၆၆၊၃၇၆၊ ၃၆၃၊ ၁၁၄ နဲ့ ချုပ်ရက် ၁၁ လရှိပြီဖြစ်တဲ့ မင်းထိုက်ဆွေ၊ ရာဇသတ်ကြီးဥပဒေပုဒ်မ ၃၇၉ ကျင့် ၅၄ နဲ့ ချုပ်ရက် ၈ ရက်သာရှိသေးတဲ့ မိုးဝင်း (ခ) ကိုနိုင်တို့ဖြစ်ပါတယ်။
အချုပ်ခန်းမှထွက်ပြေးလွတ်မြောက်သွားတာနဲ့ပတ်သက်ပြီး တာဝန်ရှိသူအဆင့်ဆင့်ကို ချုပ်နှောင် စစ်ဆေးနေပြီး ထွက်ပြေးသူတွေကိုလည်း အမြန်ဆုံးဖမ်းဆီးရမိရေးအတွက် ခရိုင်ရဲ တပ်ဖွဲ့က ပိတ်ဆို့ရှာဖွေနေပါတယ်။
သြဂုတ်လ ၂၈ ရက်မနက်ကလည်း စစ်ကိုင်းတိုင်း ကန့်ဘလူမြို့နယ်၊ မလယ်နယ်မြေရဲ စခန်းမှာဖမ်းဆီးချုပ်နှောင်ထားတဲ့ အချုပ်သား ၂ ဦးမှာ ထွက်ပြေးလွတ်မြောက်သွားခဲ့ပြီး နောက်တနေ့မှာ ပြန်လည်ဖမ်းဆီးရမိခဲ့တယ်လို့ တိုင်းရဲတပ်ဖွဲ့မှူးရုံးကသိရပါတယ်။
